Passage

de ltar gzugs sku'i rang bzhin mtshan dpe rgya mtsho lta bu'i rten la/ brten pa ye shes kyi chos nyid ji ltar gnas pa mtha' dag ni rnam pa kun gyi mchog dang ldan pa'i sangs rgyas chos kyi sku'i ngo bo ste/ mdo las/

rnam pa thams cad mkhyen pa nyid kyi dmigs pa ni dngos po med pa'o/

zhes so/ de la chos kyi sku ni/ dbyings dang ye shes dbyer mi phyed pa'i rang bzhin dri ma mtha' dag dang bral ba'i ye shes rnam mkha' lta bu'i ngo bo nyid de sangs rgyas gtso las/

chos sku mkha' 'dra gzugs sku mdzes skur ldan/

zhes gsungs pa bzhin no/ dbye na dbyings dag mnyam chen po stong pa sku thams cad kyi chos nyid byed pa'i cha nas ngo bo nyid kyi sku dang ye shes spangs rtogs mthar phyin pa rig pa'i ngo bo chos sum bcu rtsa bdun gyi bdag nyid la ni rtogs pa ye shes kyi chos sku zhes 'dod de dang po ngo bo nyid sku ni mngon rtogs rgyan las/

thub pa'i ngo bo nyid sku ni
zag pa med pa'i chos gang dag
thob gyur rnam kun rnam dag pa
de dag rang bzhin mtshan nyid can/ zhes so/

rtogs pa ye shes kyi chos sku ni de nyid [Mngon rtogs rgyan] las/

byang chub phyogs mthun tshad med dang
rnam par thar dang mthar gyis ni
snyoms 'jug dgu yi bdag nyid dang
zad par bcu yi bdag nyid dang
zil gyis gnon pa'i skye mched ni
rab tu [360] dbye bas rnam brgyad dang
nyon mongs med dang smon mkhyen dang
mngon shes so so yang dag rig
rnam pa tha dad bzhi dag dang
dbang bcu dang ni stobgs bcu dang
mi 'jigs pa ni bzhi dag dang
bsrung ba med pa rnam gsum dang
dran pa nyer bzhag rnam gsum dang
bsnyel ba mi mnga'i chos nyid dang
bag chags yang dag bcom pa dang
skye la thugs rje chen po dang
thub pa kho na'i ma 'dres chos
bco brgyad bshad pa gang yin dang
rnam pa thams cad mkhyen nyid dang
chos kyi sku zhes brjod pa yin/

ces khams kyi ye shes mngon du gyur pa'i rig cha ldog pa'i chos sum cu rtsa bdun 'chad par gyur pa dang... (see continuation under rnam par thar pa)

Note

In discussing the special qualities of Buddha, 'Jigs med gling pa takes up the distinction between the formal dimension of existence (gzugs sku) as founding basis and the spiritual dimension of existence (chos kyi sku) as founded pristine awareness.

by David Higgins

Passage

7 ji ltar snang grags dbyings kyi ngang chen 'dir [9b]
lhun mnyam mi g.yo chos sku byang chub sems
ye babs rang stong 'pho dang 'gyur med pas
cir snang chos nyid rang byung ye shes ngang
bya dang rtsol med bde klong gcig tu 'khyil

8 rang gsal mi g.yo longs spyod rdzogs pa ni [10a]

gang snang nyid nas rang bzhin lhun gyis grub
bcos shing bsgyur med lhun mnyam gdal ba'o

9 sna tshogs ma 'dres rol pa'i 'char tshul las [10a]
sgrub pa rang byung ya mtshan 'phrul kyi don
bya bral kun tu bzang las g.yos pa med

Note

Klong chen pa indicates how the sku gsum are perfectly complete within the expanse of cognitive intensity (rig pa'i ngang la rdzogs pa) (ch. 1, verses 7-9), fol. 9b.2 f.)

by David Higgins

Passage

'di ltar chos thams cad ni ye nas stong pa chen po'i chos kyi sku dang/ rang snang ba longs spyod rdzogs pa'i sku dang/ sna tshogs su ma 'gags par shar ba sprul pa'i sku dang/ dag pa'i zhing na sems can gyi ded dpon dam par byon pa rnams [[chos dbyings mdzod kyi 'grel pa:24a] kyang sku gsum gyi rang bzhin te/ rig pa byang chub kyi sems su rang rdzogs pa'i phyir na/ ma btsal lhun gyis grub pa'i ngo bor gnas pa ni/...

Note

By way of commentary Klong chen pa states [23b.5]

by David Higgins

Passage

12 thams cad kun 'byung chos dbyings mdzod 'di na [23b]
'das pa ma btsal ye nas lhun grub pas
chos sku mi 'gyur yul med kun 'byams la
phyi nang snod bcud snang ba longs spyod rdzogs
gzugs brnyan lta bur rang shar sprul pa'i sku
sku gsum rgyan du ma rdzogs chos med pas
thams cad sku gsung thugs kyi rol par shar

Passage

26 med la cir yang 'byung ba sprul pa'i sku [122b]
nyid la nyid longs spyod pa longs spyod rdzogs
de la dngos gzhi med pas chos sku ste
'bras bu sku gsum lhun gyis grub pa'i klong

Note

In ch. 10, verse 26, Klong chen pa shows how the "three sku along with their energy fields are solely the self-excitatory intelligence" (sku gsum zhing khams dang bcas pa yang rang rig gcig pur bstan pa):

by David Higgins

Passage

de ltar blang dor med pa'i chos sku bya rtsol las 'das pa'i don gyi ngo bo yang/ rig pa rang byung gi ye shes yin la/ de'i rang bzhin rang gsal dag pa ni longs sku bcos bslad med pa'o zhes bstan pa ni/

Note

Klong chen pa says by way of commentary to verse 8 [10b.4].

by David Higgins

Passage

rig pa'i ngo bo mtshon brjod las 'das pas dngos po dang mtshan mar grub pa'i gzhi med pa ni chos sku'o/ zang thal du rtogs nas de'i ngang la rig pa de nyid lhun grub tu spyod pa ste rang mal du gnas pas phyang ma chad par rang gsal gyi gzhi ni longs sku'o/ gsal dwangs las thugs rje'i 'char tshul ma 'gags pa'i cha ni sprul sku'o/ de ltar sku gsum rig pa nyid las gzhan na med pa ni rang byung gi ye shes te/...

Note

This passage provides Klong chen pa's following commentary [122b.4].

by David Higgins

Passage

nga yi rang bzhin ma bcos chos skur grub
nga yi ngo bo ma bcos longs spyod rdzogs...

Note

Klong chen pa next cites the Kun byed rgyal po {116516:68} which reverses the usual presentation of chos sku as ngo bo and longs sku as rang bzhin:

by David Higgins

Note

Later Klong chen pa indicates that the three sku and ye shes are "nothing other than the mere self presencing that comes forth from the dynamic vortex of the cognitive intensity that is Buddhahood because these manifestations of sku and ye shes are nothing other than the coming to the fore of what has been present in oneself all along." (11b 12a).

Klong chen pa later develops the theme of the the sku gsum as a playful expression of the whole as present in oneself [23b.3]

by David Higgins

Passage

sku gsum chos kyi sku ro gcig pas snang mi snang las 'das kyang/ de'i ngang nas thugs rje'i rtsal las rol pa gzugs sku gnyis shar bas longs sku dang/ sprul skur btags pa de/ 'bras bu la rgyu'i ming gis btags pa nyi ma'i 'od zer khang par byung dus/ nang du nyi ma shar zhes brjod pa bzhin no/ longs sku dngos ni chos sku'i dus kyi rig pa'i rang bzhin gsal ba lhun grub gyi cha 'char gzhir bzhugs pa dang/ sprul sku dngos thugs rje'i cha ye shes su bzhugs pa de yin pas/ sku gsum dbyer med gcig yin te/ (cites Rig pa rang shar {115691:443}).

Note

In the final chapter, chapter thirteen, Klong chen pa elaborates on the unified and unifying character of the three sku as facets of rig pa, which are only distinguished for descriptive purposes (195.2, com. to verse 9).

by David Higgins

Passage

10 chos sku'i ngo bo rang byung ye shes te [196a]
rol pa thams cad mkhyen pa'i ye shes mtsho
gdod ma'i dbyings nas thig le gcig tu bzhugs

11 longs sku'i ngo bo rang bzhin lhun grub ste [199b]
rol par rigs lnga ye shes rnam pa lnga
nam mkha'i dbyings kun gang bar snang ba yin

12 sprul sku'i ngo bo thugs rje'i 'char gzhi ste [202b]
rol par gang la gang 'dul der snang zhing
'phrin las chen pos mnga' dbang 'byor pa yin

Note

Klong chen pa then concisely describes the character of each (See also Tshig don mdzod {115736:455}). Finally, Klong chen pa summarizes the facticity of each in three brief verses (10-12) with lengthy commentary.

by David Higgins

Note

In the commentary of this passage, Klong chen pa describes each in terms of its ngo bo, nges tshig and dbye ba [197a.4 f].

by David Higgins

Passage

sku thams cad kyi gnad ni/ chos sku 'gyur ba med pa yin/ sku gzhan thams cad ni 'gyur zhing mi rtag pa'o/ [zhal gdams dmar khrid don bsdus thugs kyi phreng ba:836] chos kyi sku la dngos po dang mthan ma'i skyon gyis ma gos/ snang ba med pa chos kyi sku la rkyen gang gis kyang 'jig pa med pas 'gyur ba med pa/ longs sku dang sprul sku la sogs pa blo btags kyi sku thams cad 'gyur ba'o/ sku zhes bya ba ni/ mi 'gyur ba'i phyir sku zhes bya ba'o/ rkyen gang gis mi 'jig pa'i phyir na sku zhes bya'o/ de'i don rtogs zhing khongs su chud na sku thams cad gnad du tshud pa zhes bya'o/

Note

Padmasambhava identifies chos sku as the gist of all sku:

by David Higgins

Passage

3. [chos kyi sku ni ji lta bu:197.5]

chos kyi sku ni gsung dang thugs
yon tan dang ni phrin las so
sku ni stong dang gsal ba dang
mtshan ma med pa'i rang bzhin no
gsung ni sgra tshig ming bral nas
brjod cing gleng pa nyid bral lo [198]
thugs ni bsam dang 'gyu med pas
'phro zhing spyod pa rnams las 'das
yon tan phyir mi 'ong dang ldog pa med
dbyings dang ye shes khyab pa dang
rang bzhin bcos pa med pa'o
phrin las ma byung ma skyes byas pa med
shugs 'byung ba dang 'gags pa med
ma byas byas pa med pa'o//

4. zhus lan bzhi pa [198.2]

[longs sku zhes pa gang la bgyi]
longs spyod sku yang sku gsung thugs
yon tan phrin las lnga yin no
sku ni snang la rang bzhin med
gsal dang gsal byed rig pas khyab
gsung ni rang byung ba dang rang snang ba
spro bsdu rnam pa'i 'khor lo yi
thugs ni rgyun med gzigs pa dang
mkhyen pa'i rtsal dang dgongs pa'o
yon tan mtshan dpe rdzogs la las
dgongs gsal mngon shes rdzogs pa'o
phrin las chos kyi 'khor lo las
phyi nang gsang ba rnams spros te
so so'i rigs kyi sangs rgyas dang
byang chub sems dpa' rnams la yang
rang byung ljags las rnam spros te
'khor la rang gi ngo bos ston//

5. zhus lan lnga pa [198.6]

[sprul pa'i sku ni gang tsam zhig]
sprul pa'i sku yang sku gsung thugs
yon tan phrin las lnga lnga'o [199]
sku ni mtshan dang dpe byad la
gdul bya gang byung lus sprul pa
gsung ni tshig sbyor legs pa la
tshangs pa'i dbyangs ni yan lag drug
thugs ni shes bya'i ye shes kyis
rang gzhan don gnyis dgongs par gnas
yon tan mkhyen pa rdzogs pa dang
phrin las phyi nang gsang ba yi
mdzad pa ma lus rdzogs pa dang
phun sum tshogs pa lngar gnas pa'o/

6. zhus lan drug pa [199.3]

[sku yi mtshan nyid ci lta bu]
sku yi mtshan nyid ngo bo dang
nges tshig dbye ba rnams dang ni
so so'i zhing khams gdul bya dang
phyed pa'i las dang ldang tshad do
mtshan nyid do ba'i khyad kyis khang
mtshan nyid chos las grub pa dang
'dod yon rnams las grub pa dang
sna tshogs thabs las grub pa'o
go ba rang bzhin dag pa dang
so so'i snang yul ston pa dang
gzugs ldan dbang po rdzogs pa'o/

7. zhus lan bdun pa [199.5]

[bzhugs pa'i tshul ni ci ltar lags]
sku yi bzhugs tshul rnam pa gsum
mtshan ma'i chos las grol ba'i phyir
ris can gzugs su ma yin dang
gsal ba'i rang bzhin rdzogs pa'i phyir
snang la rang bzhin med pa dang
gdul bya'i rgyud rnams sbyang ba'i phyir [200]
mi g.yo mnyam gzhag chen por bzhugs
mi g.yo ba dang gsal ba dang
rig cing mkhyen pa'i char snang dang
mnyam dang phyogs med mi 'byed pa'o/

8. zhus lan brgyad pa [200.2]

[rang bzhin chos nyid sku rnams ci]
sku yi rang bzhin chos nyid ni
rang bzhin stong dang gsal ba dang
mkhyen rig ma 'gags mngon snang ba'o
sku yi chos nyid rdzogs pa dang
phyir mi ldog dang 'gro 'ong med
smra bsam brjod pa med pa'o
gzhan yang sku rnams bsgrub pa ni
gong du bstan pa'i khyad par las
chos sku'i sa bon rang sems la
mngon sum pa yi gnad gzir nas
rtag tu goms par byas pa ni
chos kyi sku yi bsgrub pa'o
longs sku'i sa bon 'dod yon la
bslabs te goms par byas pa yis
longs spyod rdzogs pa'i bsgrub pa dang
sprul sku'i sa bon 'byung bzhi yi
sgra don rnams la bslabs nas ni
goms pas sprul sku bsgrub pa'o

Note

This tantra summarizes the three kāyas in terms of each one's expression by way of sku gsung thugs yon tan phrin las.

by David Higgins

Passage

chos sku'i snying po kun gzhi'i klong
longs sku'i snying po 'od gsal gdangs
sprul sku'i snying po 'bru lnga bkrag
chos sku'i 'od zer bkrag (?)
longs sku'i 'od zer ye shes rtsal
sprul sku'i 'od zer sgo lnga'i dgangs
don gyi ma bu sprad pa yang
sprul sku'i ma ni rig pa'i bkrag
sprul sku'i bu ni yid kyi blo
sprul sku'i ma ni sgo lnga'i gdangs
sprul sku'i bu ni snang ba'i yul
sprul sku'i ma ni gnas pa'i A
sprul sku'i bu ni om hum dbugs
des na dbyer med longs sku'i rtsal
longs sku'i ma ni stongs sangs dbyings
longs sku'i bu ni phyogs med gsal ...... etc.

Note

This passage provides a detailed elaboration on the three sku in their matter dominated (snyigs ma) and radiation dominated (dwangs ma) aspects. The text goes on to probe the inner dynamics (snying po) of the three and the inseparability of their material and energetic aspects [677.2 f].

by David Higgins

Passage

(1) [197a.4 f.] chos sku'i ngo bo dbyings dag pa gnyis ldan spros pa'i mtha' thams cad dang bral zhing gting gsal gyi ye shes rig pa rang byung gi ngo bo 'pho 'gyur med pa ste/ rig pa rang shar [I 431]:

'gyur med 'gag med khyab pa gsum
chos kyi sku yi ngo bo'o/ zhes so/

nges tshig ni mthar thug gi gnyer bya stong gsal ka dag gi chos yin pa dang/ sku dang ye shes thams cad kyi 'char gzhi'i lus sam dbyings yin pas na chos sku ste/ rgyud de nyid las/

mi 'jig stong dang gsal [197b] ba gsum
chos kyi sku yi nges tshig go zhes so/

dbye ba la/ rang ngo spros pa'i mtha' las 'das pas dbyer med kyang/ yon tan gyi cha'am ldog pa 'ga' zhig la ltos nas dbye ba mi 'gal bas/ bye brag phed pa'i yan lag tu dbye na/ phun sum tshogs pa lnga'i rang bzhin spyir dbye ba dang/ sku gsung thugs yon tan phrin las lnga'i rang bzhin bye brag tu dbye ba gnyis las/.... (elaboration on zhing khams, gnas, ting nge 'dzin,'khor, bstan pa and dus for each of three aspects of chos sku: chos sku'i chos sku etc. ' 15 exquisite aspects plus 5 aspects of sku, gsung, thugs, yon tan and phrin las)

(2) 199b.6 f. [longs sku'i] ngo bo ni lhun grub ye shes kyi sku snang la rang bzhin med pa'i mtshan sper ldan ba ste/ rang shar [I. 434] las/

kha dog ma 'dres so so'i mtshan 'dzin pa
mtshan dang dpe byad [200a] bzang po 'od zer 'phro
yab dang yum dang sku yi cha lugs 'dzin
longs spyod rdzogs pa sku yi mtshan nyid do/ zhes so/

nges tshig ni rgyud de nyid [I 435]:

gsal la ma 'dres kun la khyab pas longs
snang ba lnga nyid mtshan ma med pas spyod
dmigs med don la cig char snang bas rdzogs
stong nyid ma 'gags so sor gsal bas pa
snang ba so so'i mtshan nyid 'dzin pas sku/ zhes so/

dbye na lnga tshan gsum las/ phun sum tshogs pa lngar dbye na/ (classified acc. to 15 exquisite qualities of longs sku; rigs lnga, and sku, gsung, thugs, yon tan and phrin las; also details the ye shes lnga)

(3) [202a.3] [sprul sku'i] ngo bo ni mthun par snang ba dang/ nges pa med pa dang/ yun thung ba'i phyir sprul pa'i sku ste/ rang shar [I 438] las/

gang 'dul de la der ston cing
gzhan dang mthun par snang ba la
gzhan gyi don la ma rmongs zhing
cir yang bsgyur du btub pa'o/ zhes so/

nges tshig ni rgyud de nyid [I 441] las/

kye gsang ba'i bdag po/ sprul pa sku'i nges tshig ni 'di rnams yin par shes par gyis shig 'jig rten gyi khams kyi sems can thams cad la mthun par snang ba'i phyir na yang sprul pa'i sku'o/ don byed nus pa'i phyir na yang sprul pa'i sku'o/ bya ba thams cad byed pa'i phyir na yang sprul pa'i sku'o/ sems can grangs las 'das pa rnams sgrol ba'i phyir na yang sprul pa'i sku'o/ zhing khams gcig tu yun thung ba'i phyir yang sprul pa'i sku'o/ thugs rje phyogs med du 'char ba'i phyir yang sprul pa'i sku'o zhes so//

dbye na gsum las/ (classification acc, to mdzad pa, the five phun sum tshogs, and sku, gsung, thugs, yon tan and phrin las)

Passage

gzhan yang khams gsum sems can kun
lus ngag yid la ma 'das pas
sku gsum gzhan du btsal mi dgos
btsal kyang rnyed pa'i gnas med do

Note

This passage provides a response to the last question from chapter two concerning the origin of emotionality and touches on the sku gsum as an ontological precondition of embodied existence.

by David Higgins

Passage

skye ba nyid ni rtog pa las [rtogs pa?]
mngal du gnas pa chos kyi dbyings
lus sems 'dus pas dbyings rig 'brel
lus su gnas pas sku gsum ste
rgas pas chos zad 'khrul snang [138] 'gags
na bas chos rnams nyams su myong
shi bas stong pa ngos bzung med
des na sems can sangs rgyas so//

Note

On 137.5, the text states.

by David Higgins

Passage

II. sku lnga'i rang bzhin rgyas par bshad

A. dbyings nang gsal gyi sku gsum bshad pa

1. sku gsum so sor

a0 mi 'gyur rdo rje'i sku

glo bur dri ma cha dang bcas spangs pa [bden gnyis shing rta:793, yon tan rin po che mdzod kyi 'grel pa nyi zla'i sgron me:725]
dag pa gnyis ldan byang chub mchog gi dngos
gdod ma'i sangs rgyas smon pa med pa'i dbyings
nya rgyas zla ba spros pa phyir gsal can
stong gi cha la dbyings su nub pa ltar
kun tu mi rtog chos nyid 'pho 'gyur med
dbyings kyi rtag pa mi 'gyur rdo rje'i sku/
b0 mgnon par byang chub bstan pa

rnam pa kun gyi mchog ldan zhi ba'i dbyings [bden gnyis shing rta:795, yon tan rin po che mdzod kyi 'grel pa nyi zla'i sgron me:727]
stobs sogs yon tan rgya mtsho kun chub kyang
snang cha ngo bor ma 'dres spangs rtogs kyi
cha nas gzhal ba mngon par byang chub sku/

c0 zhi ba chos sku

shes bya'i yul la blo yi 'jug pa zhi [bden gnyis shing rta:798, yon tan rin po che mdzod kyi 'grel pa nyi zla'i sgron me:730]
shes byed blo la 'dzin pa'i kun rdzob spangs
so so rang rig rtag chad mthar ma lhung
thim la ma rmugs phra ba'i ye shes ni
mkhyen cha 'gag med sku dang ye shes rten
shin tu mnyam par bzhag pa rnams kyis mthong
gang la zhi ba chos kyi sku zhes brjod/

2. chos nyid ngos nas dbye gsal med par

a. blo'i yul las 'das par bstan pa

so so rang gi rig bya rgyal ba'i khams [bden gnyis shing rta:800, yon tan rin po che mdzod kyi 'grel pa nyi zla'i sgron me:736]
gcig dang du mar ma yin dngos po dang
dngos med las 'das mkha' ltar rnam mi rtog [134]
gos pa med cing rnam 'gyur spros pa zhi
ngag gi yul 'das don dam bden pas bsdus
rtog dpyod tha snyad gtan tshigs kyis mi mtshon
blo dang snyam byed dpe dang 'gal ba'i phyir
sa bcu'i dbang phyug gi yang spyod yul min/
d0 chos kyi dbyings su bzhugs tshul
'dren pa rnams la mngon sum gyur pa'i gnas [bden gnyis shing rta:803] 739
zab zhi gzhon nu bum pa'i khang mdzes nang
dus gsum sangs rgyas rnams ni rtag bzhugs kyang
rnam pa'i cha nas gcig gis gcig mi gzigs
rang bzhin spros bral dbyings na dgongs klong gcig/
B0 ye shes phyir gsal gyi sku gnyis bshad pa

1 longs sku

a0 gzhi 'bras dbyer med kyi longs sku

(1) mdor bstan

mkhyen cha 'gag pa med pa'i rang gdangs las [bden gnyis shing rta:804, yon tan rin po che mdzod kyi 'grel pa nyi zla'i sgron me:742]
thugs rje phyir gsal longs spyod rdzogs pa'i sku
gnas dang dus dang ston pa chos dang 'khor
nges pa lnga ldan sku dang zhing khams dang
mtshan dpe yon tan rgya mtsho'i bdag nyid can/

(2) rgyas par bshad

(a) gnas

gnas ni lhun rdzogs 'og min stug po bkod [bden gnyis shing rta:805, yon tan rin po che mdzod kyi 'grel pa nyi zla'i sgron me:747]
ye shes lnga yi 'od zer gsal 'tsher 'bar
mkha' dbyings dbang po'i mtshon chas bkab pa bzhin
mnan na nem zhing btegs na 'phar ba lta'i
gzhal med kham mdzes sgo 'phar rnam bzhir ldan
rta rkang brgyad ldan ye shes lnga'i rtsig pa
pha gu dva phyed mda' yab pu shu can
snam bur 'dod pa'i yon tan [135] mig yangs ma
bde stong mchog sprin rtse dga' g.yo ba can
rda yab 'phan gdugs rgyas mtshan nor bu'i tog
bla bre zar tshags gtsang khang phur bur mdzes
chu zheng srid du mi mngon gang bltas gang
grangs kyis mi gtugs mkha' dbyings snod gyur bzhin
rten gzhi gzhal med kham pa re re'i nang
brten pa'i gtso bo lnga yi gdan khri ni
'phrog byed gnyis 'thung can shes zlos gar can
shang shang te'u chu skyes nyi zla'i steng/

(b) dus

dus gsum gzhir rdzogs kun tu bzang po'i dus/ [bden gnyis shing rta:807, yon tan rin po che mdzod kyi 'grel pa nyi zla'i sgron me:754]

(c) ston pa

'pho 'gyur bral ba'i mtshan rdzogs ston pa lnga [bden gnyis shing rta:807, yon tan rin po che mdzod kyi 'grel pa nyi zla'i sgron me:754f]
rnam snang mi bskyod rdo rje rin chen 'byung
'od mtshan stong 'bar don yod grub pa ni
rang rang rigs kyi yum dang bcas pa rnams
kha sbyor bdun gyi bdag nyid chen por bzhugs/

(d) 'khor

rang (nyid) las mi gzhan sems dpa' sems ma'i 'khor [bden gnyis shing rta:810, yon tan rin po che mdzod kyi 'grel pa nyi zla'i sgron me:758]
sgo ba bzhi dang de bzhin so so'i yum/

(e) chos

rang bzhin rdzogs pa chen po'i chos 'khor ni [bden gnyis shing rta:814, yon tan rin po che mdzod kyi 'grel pa nyi zla'i sgron me:763]
sgra tshig mtshan ma'i yul las 'das par bskor/
b0 'bras bu lhun gyis grub pa'i longs sku

(1) steng khang zhi ba'i dkyil 'khor

steng khang zhi ba byang chub snying po'i gnas [bden gnyis shing rta:815, yon tan rin po che mdzod kyi 'grel pa nyi zla'i sgron me:765]
dbang mdzad zhi ba bzhi bcu rtsa gnyis las
dam pa'i stangs dpyal gnyis ni sprul gzhi ste [136]
kun la khyab par brdal bas chos kyi sku
'gro drug so so'i gnas su don mdzad pa'i
rig pa'i skyes bu drug ni sprul par shar
rang snang longs sku'i zhing na sum cu bzhi
gtso bo bcu la nyer bzhi 'khor gyi tshul
phung khams skye mched gnas su dag pa'i lha
gdan gsum tshang ba'i dkyil 'khor chen po yin/
'di dag sgyu 'phrul drva ba mnyam sbyor sogs [bden gnyis shing rta:818]
bla med rgyud las lus grub dkyil 'khor ni
ji snyed bstan dang rnam dag mtshungs pa yin/

(2) 'og khang khro bo'i dkyil 'khor

'og khang tshogs chen 'dus pa'i dkyil 'khor ni [bden gnyis shing rta:818, yon tan rin po che mdzod kyi 'grel pa nyi zla'i sgron me:768]
'bar ba'i gzhal yas phyi nang rim pa dgu
sgo khyams dgu pa'i phyi mar rgyu 'bras kyi
rta babs gnyis ldan pho brang dbus ma'i nang
rdo rje'i brag chen pad ma stong brdal la
thabs shes nyi zla dbang phyug khyo shug ni
nyi shu rtsa bzhi steng du dpa' gtum stag
'jigs byed seng ge gdug pa gzig dang ni
gtum pa dom dang stobs chen glang po dang
brjid pa'i ma he 'dzin pa'i chu srin dang
zhe sdang lto 'gro byol song gtso brgyad res
dregs pa pho mo bzung zhing brdzis pa'i steng
'khor 'das kun gyi spyi dpal bcom ldan 'das
che ba'i che mchog in dra ni [137] la'i mdangs
nyi ma bye ba'i 'od ldan bdun gsum zhal
zhabs brgyad phyag ni bzhi bcu rtsa gnyis na
zhi ba'i lha tshogs bzhi bcu rtsa gnyis bsnams
gnam zhal yum mchog bdu dgu phyag bco brgyad
rtsa ba'i phyag gnyis rdo rje dung khrag 'dzin
lhag ma gnas yul ma mo phra men bsnams
yab yum khro mkhar tshul lam mnyam par sbyor
srid dang zhi ba'i chos khams ma lus pa
bcom ldan 'das kyi zhabs kyi gdan khri nas
dbu rgyan 'khor lo'i bar la rang bzhin rdzogs
dbang mchog dang ni he ru ka dpal dgu
glo 'bur bzhi dang gru chad rnam bzhi la
rnam shes tshogs dag gao ri la sogs brgyad
dkyil 'khor dang po'i khyams la phra med brgyad
gnyis pa'i khyams la sbor ma rnam pa brgyad
gsum pa'i khyams la dbang mo nyi shu brgyad
kun la rang rang sgo ma bzhi bzhir ldan
'bar ba'i rnam rol gar dgu'i nyams kyis brjid
'di dag rang snang longs sku'i dkyil 'khor te
gzhi snang lhun grub don gyi 'og min yin
bzhi pa'i khyams la mkha' 'gro sum cu gnyis
lnga pa'i khyams la ma bdun sring mo bzhi
drug pa'i khyams la ging chen [138] drug tshan gsum
bdun par khro bo yab yum bcu phrag drug
brgyad par pho nya nyis brgya bzhi bcu ste
dgu pa'i khyams la ma mo drug cu rnams
log 'dren 'dul phyir sprul pas bdus pa'i phyir
bgegs sogs gdul bya so so'i rang ngor snang
de phyir rang snang 'og min dkyil 'khor min/

(3) de gnyis ka'i don bsdu ba

chos sku'i ye shes phyi ru gsal ba'i mdangs [bden gnyis shing rta:824, yon tan rin po che mdzod kyi 'grel pa nyi zla'i sgron me:777]
phun tshogs lnga ldan longs skur rdzogs pa'i gnas
gang du sgrib pa mtha' dag spangs gyur pa'i
sangs rgyas kho na'i rgyud kyis bsdus pa yi
rol pa nyid phyir gtso 'khor mchog dman mnyam
kun gyi thugs kyang rnam par mi rtog cing
gsung ni brjod bral sku ni mtshan dper rdzogs
rang snang ye shes mthong ba dag pa'i spyan
gcig gis gcig gzigs nam yang sgrib pa med/
dus gsum rgyal ba rnams kyi spyod yul ni [bden gnyis shing rta:826]
bla na med phyir srid zhis ma bsdus phyir
dag pa'i sems can chen po rnams kyis kyang
mthong bar mi nus rgyal ba'i ye shes dang
'gal ba'i sgrib chas da dung ma spangs phyir/
'das dang ma 'ongs da lta dus gsum gyi [bden gnyis shing rta:826]
nges pa las 'das 'og min chen po na
bzhugs pa'i sangs rgyas dus bzhi'i bdag nyid [139] can
gtso 'khor ngo bo mthun pa'i rang snang ngo

2 sprul sku

a0 rang bzhin sprul pa

(1) bgrangs pa'i rang bzhin sprul pa

(a) mdor bstan pa

de nyid ngang las sems can gdul ba'i phyir [bden gnyis shing rta:827, yon tan rin po che mdzod kyi 'grel pa nyi zla'i sgron me:781]
'dul byed ston pa gsum du bkod pa ni
rang bzhin sprul pa 'gro 'dul sprul pa dang
sna tshogs sprul pa gsum las rang bzhin ni
rgyal ba'i ye shes snang ba 'og min gyi
dbyings snang longs sku'i dpe byad dbangs shes nang
'phos lta'i gzugs brnyan phyed sprul longs sku'i gnas/

(b rgyas par bshad pa

i) gnas

dbus na 'og min shar na mngon par dga' [bden gnyis shing rta:828, yon tan rin po che mdzod kyi 'grel pa nyi zla'i sgron me:783]
lho na dpal ldan nub na pad ma brtsegs
byang na las rab grub pa rnam pa lngar/

ii) ston pa

gzugs kyi rgyal po la sogs ston mchog lnga [bden gnyis shing rta:828, yon tan rin po che mdzod kyi 'grel pa nyi zla'i sgron me:783]
mtshan dpe yon tan rgya mtsho'i bdag nyid can
zhi dang khro bo'i rnam 'gyur dpag med cing/

iii) ye shes

ye shes rnam pa lnga po re re la'ang [bden gnyis shing rta:829, yon tan rin po che mdzod kyi 'grel pa nyi zla'i sgron me:785]
bzhi bzhi'i 'khor dang bcas pas nyi shu lnga
chos dbyings ye shes g.yo ba med pa ni
nam mkha'i gzugs bzhin shes bya'i mtha' yas 'das
me long ye shes gzung 'dzin rdul bral ni
mngon par 'du byed med bzhin mched pa'i gzhi
mnyam nyid ye shes chos kun mtshan nyid med
srid zhi dbyer med zhi ba'i dbyings su zhugs
sor rtog ye shes chos nyid ji lta(140)dang
chos can shes bya ji snyed rtag thogs med
bya grub ye shes phrin las gzhan phan can
chags thogs spangs pa'i mdzad pa lhun gyis grub/

iv) 'khor

'khor ni sa bcu'i byang sems 'ba' zhig la [bden gnyis shing rta:831, yon tan rin po che mdzod kyi 'grel pa nyi zla'i sgron me:768]
sku yis chos rnams 'jal ba'i od bkye bas
byad kyi dri ma me long nang gsal ltar
da dung bdag dang ston pa'i khyad mthong nas
byang chub sgrib pa gting dpag dka' ba dag
sbyangs nas bcu gcig kun tu 'od la 'gro/

v) dus

dus ni sa bcu'i dbang phyug chen po rnams [bden gnyis shing rta:832, yon tan rin po che mdzod kyi 'grel pa nyi zla'i sgron me:790]
'jig rten mgon po ngo bo med pa'i dbyings
mi zad rgyan 'khor sku gsung thugs kyi ngang
ston 'khor dgongs pa gcig tu ma gyur bar
'chi ba'i bdud bcom 'jig rten 'byor slad rtag/

vi) sbyang bya

gdul bya'i gti mug la sogs nyon mongs lnga [bden gnyis shing rta:833, yon tan rin po che mdzod kyi 'grel pa nyi zla'i sgron me:791]
gang gi gnyen por che ba'i zhing khams dang
ston par bstan pa'i sku lnga chos rab lnga
gnas 'gyur ye shes rnam pa lnga po yang
mthong lam nas bzung sa bcu rgyun mtha'i bar
rim rdzogs rdzogs pa'i byang chub snying por 'gro/

(c mjug bsdu ba

zhing 'di sa bcu'i byang chub sems dpa' las [bden gnyis shing rta:835, yon tan rin po che mdzod kyi 'grel pa nyi zla'i sgron me:795]
gzhan gyi spyod pa'i yul du snang min zhing
de bzhin ston pa longs spyod rdzogs na yang [141]
'khor sogs rang snang ma yin rgyud gzhan pas
bsdus phyir phyed snang rang bzhin sprul pa zhes
nyi zla kha sbyor chen po'i rgyud kyis bstan/

(2 gnas pa'i rang bzhin sprul pa

(a rang bzhin sprul pa dngos

i) phyogs bcu'i sprul pa'i zhing mdor bstan

khyad par rang bzhin rdzogs pa chen po yi [bden gnyis shing rta:836, yon tan rin po che mdzod kyi 'grel pa nyi zla'i sgron me:796]
rang snang ye shes dkyil 'khor dam pa ru
mchog gzigs bla mas dbang bskur ma nyams la
nyin dus rang snang mngon sum 'od gsal dang
mtshan mo snying ga'i 'od gdangs goms pa rnams
rtogs pa'i rang bzhin tshad du ma phyin yang
chos nyid bden pa bla ma'i byin rlabs kyi
sa thob rnams dang skal pa mtshungs gyur nas
gzhi snang lhun grub phyogs bcu sprul par 'gro/

ii) rnam grol dbugs chen 'byin pa

lnga rgyas par bshad pa

khyad par rnam grol dbugs chen 'byin pa lnga [bden gnyis shing rta:838, yon tan rin po che mdzod kyi 'grel pa nyi zla'i sgron me:799]
shar nas rim bzhin shel dang su va rna
pad rag in dra ni la'i gzhal med khang
sgo khyams rta babs snang byed ba glang mig
zur bzhir mu tig mchod rten dril bu dang
gyer khas sbrel ba'i dpyad thag rlung bskyod sgra
rnam thar gsum ldan chos dbyangs dar dir sgrog
phyogs bzhir spos sprin g.yo ba'i ba dan bzhi
phyi rim yan lag brgyad ldan rdzing bu'i 'gram
ta la'i ljon pa drva phyed 'phyang 'phrul can
shang shang te'u rma bya ka ta ri
ne tso mi (142)skad 'byin dang ngang pa gzhon
ri skegs zer mo sbab dang kang ka ri
lha'i bya dril bu'i sgra can khu byug dang
gser gyi rdo rje'i gzugs can kri ti pa
g.yu dang byi ru in dra ni la dang
dung ltar kha dog phyed pa'i bya tshogs kyis
snyan sgrog mgrin pa'i rgyud mang kun tu 'khrol
de na bzhugs pa'i byang chub sems dpa' rnams
nyon mongs gnod pa zhi ba'i chu klung la
spyad pa tsam gyis 'du ba'i nad mi 'byung
yid la ci bsam dran pa'i mod la 'byung
sum cu rtsa gsum lha dang longs spyod mnyam
phyi rim rin cen sna bdun pha gu can
zhing mchog de na rigs bzhi'i ston pa yis
dus bzhir chos kyi sgra sgrog rgyun mi chad
kun gyi bar snang he ru ka dpal zhing
dur khrod chen po me ri 'bar ba na
ston pa gzhon bu dpa' bo bcom ldan 'das
lag na rdo rje la sogs dpa' bo dang
mkha' 'gro'i sprin phung 'phro ba'i dbus nyid na
'bras bu bla na med pa'i chos 'khor bskor
pad ma las skyes rgyal sras dpag tu med
kun kyang lha dang lha mo khye'u dang
bu mo'i rnam pa drang srong grub pa can
rnam par rtog pa med cing sems gsum med
yid drug dang ni nyon mongs drug kyang med
ma rig pa med rkyen bzhi yod ma [143] yin
de dang mtshungs par ldan pa rnams kyang med
ston pa rdo rje 'chang gi byin rlabs las
rang bzhin nyid du bkod phyir rang bzhin ni
sprul pa'i zhing zhes rgyal sras rnams la grags
rang bzhin rdzogs pa chen po'i gsang lam du
rig pa rang shar chen po'i rgyud las bstan/

(b zhar bzhung 'og min mkha' spyod kyi

gnas

gzhan du bde chen mkha' la spyod pa dang [bden gnyis shing rta:845, yon tan rin po che mdzod kyi 'grel pa nyi zla'i sgron me:805]
sa spyod ces grags don gyi 'od gsal la
dbang thob lhan gcig skyes ma'i da ki dang
yul chen nyer bzhir spyod pa'i zhing skyes ma
la sogs dpa' bo rnal 'byor ma tshogs dang
skal ba mnyam pa'i rig 'dzin gral gong du
lam gyi 'pho sbyor rig pa 'dzin pa yi
rdo rje'i bla ma rnams ni rab bzhugs nas
sngags kyi lta spyod rlabs po che la spyod
'di dag rang snang dge ba'i sa bon dang [bden gnyis shing rta:807]
bskyed rdzogs zab mo'i brtul zhugs mthar son pa'i
gsang sngags grub pa rnams la snang ba las
rtog 'dod can gyi phyin du yod pa yi
ris chad can du bsam par mi bya'o/

b. 'gro 'dul sprul pa

(1 'gro 'dul sprul pa dngos

de nyid ngang las longs spyod rdzogs pa yi [bden gnyis shing rta:847, yon tan rin po che mdzod kyi 'grel pa nyi zla'i sgron me:809]
yi ge'i sprin gyi 'od zer rab 'phros pas
'jig rten 'dul byed sprul pa'i sku mchog ni
gnas rigs drug gi gdul bya'i snang ba la
rang rang ming gi mngon brjod rjes [144] 'gro ba'i
'dul byed rigs pa'i skyes bu thub pa drug
phyogs bcu mtha' yas mu med stong gsum gyi
stong chen snyed dang mnyam par rab sprul nas
gdul ba bzhi yi 'gro don bsam mi khyab/
de yang bsod nams chen pos 'dul ba ni [bden gnyis shing rta:852]
sku yi mdzad pa chen po bcu gnyis yin
gsung gi mdzad pa theg pa gsum mam gcig
gang yang 'du shes rjes 'gro sems can gyi
nyon mongs gnyen por dgongs te gsungs pa la
chos kyi sgo 'phar brgyad khri bzhi stong grangs
gsungs ltar snang yang sgra tshig rang mtshan pa
ma yin sems can khams la phyin brlabs mthus
rnam par rig pa nyid dang mthun par shar
thugs kyis 'dul ba dus gsum khyen cing gzigs [bden gnyis shing rta:816]
dus kyang so sor mi rtog dus med dus
rang bzhin gdod ma'i gnas skabs kun tu bzang
gzhan gyi sems rgyud mkhyen dang de bzhin du
rdzu 'phrul chen po'i spyan dang snyan la sogs
mngon shes drug po dus las yol ba med
phrin las 'dul ba kun tu sku dang zhing
kun tu thugs dang de bzhin kun tu zhal
kun tu gsung gi gsang ba bsam mi khyab
sku gsung thugs kyis dngos su don mdzad la
phrin las kyis ni dngos rgyud kun [145] tu mdzad
de ltar dbyings las sprul pa'i sku mchog rnams
chos nyid la ltos ji lta'i ye shes dang
chos can la ltos ji snyed mkhyen pa yi
ye shes gnyis kyis gdul bya'i rgyud 'grol zhing
nye bar zhi dang ma 'dres chos tshul ston/

(2 de las yang sprul gyi rnam grangs

de las yang sprul rnam pa brjod mi lang [bden gnyis shing rta:856, yon tan rin po che mdzod kyi 'grel pa nyi zla'i sgron me:822]
'go ba drug gi gnas rigs de snyed du
lha rnams 'dul byed tshangs dbang bde 'byung sogs
mi la nyan rang byang sems 'khor los sgyur
de bzhin lha ma yin la thags bzang ris
bya la shing rta mo dang ri dwags phyir
seng ge'i rgyal po yi dam brtan pa sogs
mdor na dmyal ba yi dwags gang dang gang
'dul byed de dang de 'dra'i gzugs sprul nas
sems can don la nam yang g.yel ba med
'di ni 'jig rten drug gi zhing rnams su
las dang bag chags dge sdig rgyu 'bras kyi
gnas rigs bde sdug mtho dman ltar snang ba'i
rang snang mthun pa'i ston pas don mdzad cing
chos kyang ma nges gdul bya'i blo rtog ltar
dus kyang rang rang skal pa'i rjes 'gro ba
ma dag zhing gi 'gro la de ltar snang/

(3 de nyid sgyu ma ltar snang tshul

gang zhig rmi lam nang du sangs rgyas mthong [bden gnyis shing rta:860, yon tan rin po che mdzod kyi 'grel pa nyi zla'i sgron me:827]
rmi lam lta bur sprul pa'i chos bstan yang
ngo bo nyid med rang [146] bzhin ma grub la
bdag med stong pa g.yog tu rig bya zhes
zab mo'i mdo sde dag las gsungs pas na
'khor 'das rmi lam lta bu'i rol pa la
snang ba'i sangs rgyas ngo bo dag na'ang
sprul pa gdul bya nyid ltar snang ba'i phyir
ma dag thugs rje rol pa'i sprul pa yang
ji srid 'khor ba'i rjes 'gro rgyun mi 'chad/

c. sna tshogs sprul pa bshad pa

(1 sna tshogs sprul pa dngos bshad pa

(a bem po ltar snang ba'i sprul sku

de nyid ngang las sna tshogs sprul pa ni [bden gnyis shing rta:862, yon tan rin po che mdzod kyi 'grel pa nyi zla'i sgron me:831]
rang bzhin byon dang 'du byed las byung ba
'bur du byas dang ris su bris pa dang
ga ndho la dang kha bzang skyed mos tshal
mya ngam thang la sprul pa'i grong khyer dang
pad ma dpag bsam shing dang yid bzhin nor
gru gzings zam pa shing rta zas gos sogs
sems med bem po'i tshul du snang ba dang/

(b skye ba sprul sku

skye ba mu ge'i tshe na nya bo che [bden gnyis shing rta:862, yon tan rin po che mdzod kyi 'grel pa nyi zla'i sgron me:834]
nad kyi gdungs la srog chags des pa dang
srin mo'i gling du cang shes ba la ha
mi gtsang 'dam du gser gyi bung ba sogs
sprul pa sna tshogs rnam kun bde ba'i gzhir
rtog pa med cing g.yo ba med pa ltas
don chen gyis ni dpal du nye bar gnas/

(2 gzugs sku'i snang ba bsdu tshul gyis mjug

bsdu ba

(a sprul sku longs skur thim tshul bstan

pa

gal te gdul bar bya ba'i dus yol na [bden gnyis shing rta:865, yon tan rin po che mdzod kyi 'grel pa nyi zla'i sgron me:836]
'dul byed dbyings su nub pa'i mtshon dpe ni
ji ltar chu snod med tshe chu zla'i gzugs
sprul gzhi'i zla ba nyid la thim pa ltar
gdul bya'i snang bas bsdus pa'i sprul pa rnams
rang snang longs spyod rdzogs pa'i dbyings su thim/

(b longs sku chos skur thim tshul bstan pa

de'ang gnam stong zla ba gcig shos nas [bden gnyis shing rta:865, yon tan rin po che mdzod kyi 'grel pa nyi zla'i sgron me:839]
gcig tu thim pa med kyang phyir gsal gdangs
nang dbyings spros pa med pa'i ngang thim ltar
longs spyod rdzogs pa'i rang snang chos kyi sku'i
ye shes chen por 'khyil ba de nyid la
dbu ma pa rnams 'jug pa chos dbyings su
zhi ba'i 'gog pa dam pa zhes 'dod la/

(c chos sku dbyings su 'khyil tshul bstan pa

'dir ni so so rang rig ye shes nyid [bden gnyis shing rta:865, yon tan rin po che mdzod kyi 'grel pa nyi zla'i sgron me:840]
phra ba'i ye shes nang gsal chos kyi dbyings
thim la ma rmugs gzhon nu bum pa'i sku
gang du gdul bya snang ba mod nyid la
'gag med thugs rje'i ye shes mched pa'i gzhi
shin tu mnyam par bzhag pa'i chos nyid ni
'bras bu lhun grub chen po'i go 'phang yin

Note

This chapter offers a detailed elaboration of the five sku from a variety of sources belonging to Mahāyāna, Vajrayāna and Rdzogs chen traditions.

by David Higgins

Passage

[798.5] de la chos sku'i ngo bo ni rang byung gi ye shes nang gsal spros pa thams cad dang bral yang thams cad mkhyen pa'i ye shes kyi 'char gzhir gyur pa ste sgyu 'phrul bla ma:

chos phra'i ye shes nang du gsal
dmigs med 'char gzhi chos kyi sku/ zhes so/

[799.5] de lta bu'i chos nyid ni ye shes kyi lus can rnams la mngon sum pas shin tu mnyam par bzhag pa rnams kyis mthong zhes smos pa'ang nam du'ang mnyam par ma bzhag pa med pa'i sangs rgyas kyis mthong ba'i tha snyad 'phags pa sdud pa las/

nam mkha' mthong zhes sems can tshig tu rab brjod pa
nam mkha' ji ltar mthong ba'i don de brtag par bgyis
de ltar chos mthong ba yang de bzhin gshegs pas bstan/ zhes so/

de yang mtshan gzhi'i sgo nas bzhag na mu bzhi gar ma thug cing yul la mi 'jug pa'i cha nas zhi ba/ gzugs sku gnyis kyi mdzad pa mi snang ba'i tshe chos sku'i sa'i zag pa med pa'i de kho na nyid 'brel bas chos/ mtshan ma zhal phyag tu med kyang rig pa'i ngo bo mi 'gyur zhing phung po thams cad dbyings su bsdus pa'i cha nas sku zhes btags pa'i chos sku'o//

[802.4] ...sangs rgyas rnams kyi khams ji lta ba yang dag pa'i ye shes mi gnas pa'i mya ngan las 'das pa chos sku'i bdag nyid can/ gzugs sku gnyis ltar btags pa tsam ma yin pa/ rnam par mi rtog bzhin du smon lam gyi dbang las gzugs skur snang nas sems can gyi don mdzad cing phrin las rgyun mi 'chad pa'i bdag nyid can te gser 'od dam pa las/

de bzhin gshegs pa thams cad la sku gsum mnga' ste/ chos kyi sku dang/ longs spyod rdzogs pa'i sku dang/ sprul pa'i sku'o/ chos kyi sku ni yang dag pa'i ye shes nyid tsam du gnas pa la bya'o/ [803] sku gnyis ni gtags pa tsam mo/ chos kyi sku ni yang dag pa ste sku gnyis kyi gzhi byed pa'o/ de ci'i phyir zhe na/ chos kyi de bzhin nyid dang/ rnam par mi rtog pa'i ye shes las gud na sangs rgyas kyi chos med pa'i phyir ro/ gsol ba/ de bzhin nyid kyi ye shes la rnam par mi rtog bzhin du phrin las la mnga' brnyes pa gang lags/ bka' bstsal pa/ dper na nyi zla dang chu dang me long la rtog pa med kyang gzugs brnyan 'byung ba bzhin du/ de bzhin nyid kyi ye shes kyang mi rtog bzhin du smon lam gyi dbang gis sems can gyi don mdzad do/ sprul pa'i sku ni/ phung po lhag ma dang bcas pa'i mya ngan las 'das pa'o/ longs spyod rdzogs pa'i sku ni/ lhag ma med pa'i mya ngan las 'das pa'o/ chos kyi sku ni mi gnas pa'i mya ngan las 'das pa'o//

zhes so/ de la'ng rgyud bla ma dang mngon rtogs rgyan las sku bzhir gsungs pa mdo lam du de nyid ltar bshad zin la/ bsdu ba'i sgo nas gsum du gnas pa ni mdo sde'i rgyan las/

sku gsum dag gis sangs rgyas kyi
sku bsdus par ni shes bya ste
sku gsum dag gis rang bzhin gyi
don 'di rten dang bcas par bstan/ zhes pa ltar ro/

[805.2] mtshan brjod kyi 'grel par/

rig pa rang bzhin gyi 'od gsal ba ni longs spyod rdzogs pa'i sku/ rig pa sna tshogs su 'char ba ni sprul pa'i sku/ ji ltar snang yang don skye med las ma 'das pa chos kyi sku'o/ zhes so/

[825] (on the inseparability of sku gsum from the perspective of longs sku)

Note

The following excerpts are taken from a detailed chapter on the five sku.

by David Higgins