Passage

de la rgyud ces bya ba ni/ don 'di rnams ston pa'i sgrar snang ba'i bdag nyid do/ de'i rab tu dbye ba ni/ don dang tshig gi sgo nas rnam pa drug ste/ de la don gyi sgo nas rnam pa gsum ste/

(1) gzhi'i rgyud ces bya ba gdul bya'i rgyud kyis bsdus pa dang/

(2) thabs kyi rgyud ces bya ba lam gyi dngos pos bsdus pa rang bzhin zyes grags pa dang/

(3) 'bras bu'i rgyud ces bya ba 'bras bu'am thob par bya ba'i chos kyi bye

brag gi gi rgyud ces grags pa'o/

tshig gi sgo nas ni/

(1) sgrar snang ba dang/

(2) sgrar grags pa dang/

(3) gleg bam du gtogs pa'o/

nges pa'i tshig gi tshul gyis ni/ tan tra zhes bya ba'i sgra rgyud dang thags dang gzhan gyi dbang gi mtshan nyid rnams la 'jug te/ 'di rnams kyang rten cing 'brel ba'i don dang/ gzhan la rag las pa'i don dang/ 'khrugs pa'i don dang/ phyogs gcig tu zin par bya ba med pa'i don gyis tan tra zhes bya ba'i sgrar brjod do/ [492] don 'dis na thags dang 'dra bas rgyud ces brjod do/

Note

This passage offers a definition of the term rgyud. Rong zom pa discusses "Tantra" as the first of eleven topics that constitute the fundamentals of Tantra.

by David Higgins

Passage

I. mdo sngags lam gyi khyad par bshad pa

...rgyun chags ngos nas gzhi lam 'bras bu'i rgyud

rim gnyis la brten thabs dang shes rab 'brel

dka' thub mthu yis mi gdung 'jug sgo yangs

dbang po rnon po'i dbang byas brtul zhugs myur/

Note

This passage offers a definition of the term rgyud. After discussing the difference between Lakṣanayāna and Mantrayāna and the superiority of the latter (see under gsang sngags kyi theg pa for full passage and context), 'Jigs med gling pa proceeds to define and elaborate on the meaning of Tantra.

by David Higgins

Passage

(1) dang po rgyud kyi ngo bo ni/ rig pa dang de gtan la 'bebs pa'i gnas gsang ba chen po bsnan dbri mi btub cing thad chod pa'o/

(2) nges tshig ni/ rigs mtshon pa'i phyir na tantra de/ gang dang gang gi rigs su skye bar byed pas na rgyud/ thad chod cing bar ma chad la breng chags pas na rgyud do/

(3) dbye na rang bzhin don gyi rgyud dang/ mtshon byed tshig gi rgyud gnyis las/ (A) don gyi rgyud ni/ sems nyid rang bzhin gyis 'od gsal ba rnam par rtog pa'i dri ma dang bral ba ste/ kun la rtag par gnas pas kyang rgyud la/ sangs rgyas kyi rigs yin pas kyang rgyud la/ sangs rgyas ba'i mtshan nyid 'dzin pas kyang rgyud du bzhag pa'o/ (B) tshig gyi rgyud ni/ de nyid mtshon ba'i gnas ming tshig yi ge'i rang bzhin le'u la sogs pas bcad pa ste/ (i) bskyed pa'i rim pa gtso boa thabs dang/ (ii) rdzogs rim gtso ba shes rab dang/ (iii) gnyis ka cha mnyam pa gnyis su med pa zung 'jug dang/ thams cad las 'das par ston pa rdzogs pa chen po'i gnad ston pa rnams so/...

Note

This passage offers a definition of the term rgyud. It provides Klong chen pa's most exhaustive interpretation of the meaning of 'Tantra' (see text for full treatment).

by David Higgins

Passage

[ngo bo] ni/ rang byung gi ye shes dang/ mtshon tshig gzhi lam 'bras bu bkod cing/ sbrengs pa'i gnad thams cad do/ nges tshig ni/ 'brel tshang rdzogs dkrugs phun sum tshogs pa'i phyi rgyud do/ dpe ni nor bu ljon shing thags kyi rgyu spun lta bu'o/...

Note

This passage offers a definition of the term rgyud. By way of commentary to the Thig le kun gsal {116071} Klong chen pa discusses Tantra under six headings: ngo ba, nges tshig, dbye ba, mthun dpe, ldang tshad, and bshad tshul. Only the first three topics are covered here. See text for much fuller treatment.

by David Higgins

Passage

(4) ...[121.1] dpe ni thags dang 'dra ste/ rgyu spun mang po la brten nas ras yug tu longs pa ltar/ tshig tha dad pa la brten nas don gcig tu slongs pa'o/ (5) 'thad pa ni rang la gnas pa'i rgyud de mtshon par byed pas na/ rgyud du 'thad pa'o/ de yang tshig gi gnad la brten nas don gyi gnas phyin ci ma log pa gtan la 'bebs shing rtogs par byed pas na rgyud du bzhag pa'o/

Note

In this passage, Klong chen pa goes on to detail the ten facets of bskyed rim and the eight features of rdzogs rim. All eighteen are involved in the gnyis med stage. Rdzogs chen is primarily concerned with the higher, non-thematic rdzogs rim phase.

by David Higgins

Note

The next passage gives a detailed elaboration of don gyi rgyud and tshig gyi rgyud [121.3 f], the first of which is subdivided into thabs kyi rgyud and rang bzhin gyi rgyud.

by David Higgins

Passage

bshad pa'i rgyud kyi khyad par ni (1) mi gsal gsal bar byed pa/ (2) ma tshang ba kha skong ba/ (3) 'khrugs pa go rim sdeb pa/ (4) rgyas bsdus ston pa/ (5) bshad thabs gyi man ngag ston pa ste mtshan nyid lnga dang ldan pa/ bsdu na rgyud thams cad rtsa dang yan lag gnyis sam/ rtsa bshad gnyis sam/ rgyas bsdus gnyis su 'du ba yin no/

Note

This passage concerns different ways to classify tantras. 'Jigs med gling pa delineates the five characteristics of explicatory Tantras and notes that all Tantras are classified either as root Tantras and explanatory Tantra.

by David Higgins

Note

In a following passage [73.2 f.], 'Jigs med gling pa sheds light on the history of Tantras in Tibet and the exclusion of many due to Tantra's biased views.

by David Higgins

Passage

rgyud kyi ngo bo dang / nges tshig dang / dbye ba'o/

(1) dang po ni/ dur khrod brgyan gyi rgyud las/

lhan gcig skyed pa'i ye shes la
rgyud rnam kun gyi ngo bo gnas/ zhes pas/

sems lhan gcig skyes pa'i ye shes snang stong gnyis su rgyab ma gyes pa'i thabs shes rab dbyer med pa 'di yin no// de yang thabs snang ba'i cha rig cing gsal bas rjes su chags pa dang bcas pas snying rje/ shes rab rig cing gsal ba nyid la gzugs kha dog du ma dmigs pas stong pa/ thabs shes rab de gnyis snang cha med pa'i stong pa'am/ stong cha med pa'i snang ba ma yin te/ sems cing gsal ba'i dus de nyid na gzugs kha dog cir yang ma grub pas zung 'jug/ sems cir yang ma grub pa'i dus de nyid na gsal zhing rig pas zung 'jug/ de ltar thabs shes dbyer med pa ni rgyud de/ rtag gnyis las/

he'i snying rje chen po nyid
ba dzra (vajra) stong par brjod par bya
thabs dang shes rab gnyis med rgyud/ zhes dang/

de kho na nyid rab tu mi gnas pa'i rgyud las [9]:
thabs dang shes rab gnyis med pa
rgyud 'di'i ni ngo bo yin/

dus 'khor 'grel chen las/

rang gi ngo bo ni thams cad thabs dang shes rab kyi bdag nyid can rnal 'byor gyi rgyud nyid do/ ces dang/

rdo rje snying po'i dgyes rdor 'grel chen las/

kye'i rdo rjes gnyis med rtog
bsdus pa la sogs thams cad rnams
shes rab thabs kyi bdag nyid rnams
thams cad rnal 'byor rgyud yin te/ zhes so//

(2) nges tshig ni/ saM skri ta'i (Sanskrit) skad du tan+tra zhes pa/ bod skad du rgyud ces bya'o/ de'ang rgyun chags pa ste rgyud de/ gzhi sems can gyi dus dang/ lam rnal 'byor gyi dus dang/ 'bras bu sangs rgyas pa'i dus dang gsum ka na/ sems kyi rgyud chos nyid rgyun chags su gnas pas rgyud do/ gsang 'dus rgyud phyi ma las/

rgyud ni rgyun chags zhes gsungs te
gzhi dang de'i rang bzhin dang
mi 'phrog pa'i rab phye ba'o/ zhes dang/

rnam snang rgyu 'phrul dra ba las/

rgyud dang lam dang 'bras bu rnams
rgyun chags rgyas pas rgyud ces bya/ zhes dang/

dur khrod rgyan gyi rgyud las/

lhan cig skyes pa'i ye shes la
rgyud rnams kun gyi ngo bo gnas
yod pa rgyu la sgrub pa lam
mngon gyur 'bras bu'i rang bzhin no/ zhes so/

yang bi ta na (vitana?) tan+tra ces pa/ gnyen po ye shes rgyas pas na rgyud de/ bde stong gi ye shes kyis sems rnam rtog las skyob par byed pa ste/ bde stong gi ye shes kyis sems rnam rtog las skyob par byed pa ste/

bka' 'grel ye shes ldan las/

des sems rnam par rtog pa las skyob par byed pas rgyud do/
rgyud kyi tshogs sam ris su gyur pas na rgyud sde'o zhes so//

yang so la ksha (svalakshana) tan+tra zhes pa rang gi mtshan nyid 'dzin pas rgyud ste/ thabs shes rab gnyis med pa ni rgyud kyi mtshan nyid yin la mtshan nyid yin la mtshan nyi de/ kun gzhi rgyur rgyud/ lam thabs kyi rgyud/ 'mi 'phrog pa 'bras bu'i rgyud gsum kar 'bral ba med par rgyun chags su 'dzin pa'o/ bde mchog rtsa rgyud kyi go nyung ngu las/

sangs rgyas rnams ni byon gyur ram
ma byon na yang dus kun tu
bsam mi khyab pa'i chos nyid ni
'phel 'grib med par gnas pa yin/ zhes so/

de ltar na gzhi la 'bras bu gsum la bar 'tshams med par chos nyid rgyun ma chad pas na 'brel pa/ spang bya spong byed kyi gnyen po gzhan nas 'tshol mi dgos par rang gi sems 'char sgo ma 'gags pa'i rtsal thabs sna tshogs su byar rung pas lam gyi chos thams cad ma tshang pa med pa/ sems stong pa gzugs kha dog du ma grub pa chos sku/ rig cing gsal bas longs sku/ sna tshogs 'char bas sprul sku ste/ 'bras bu'i chos thams cad ma tshang pa med pas phun sum tshogs pa ste/ dam tshig chen po'i rgyud las/

'brel dang ma tshang med pa dang
phun sum tshogs pas rgyud ces bya/ zhes so/

(3) dbye ba la gnyis te/ A. mdor bstan pa dang B. rgyas bshad do/ A. dang po ni brjod bya don gyi rgyud/ brjod byed tshig gi brgyud do/...

[Brief Outline]

B. (1) brjod bya'i don rgyas par bshad pa [11.1 f]

a. kun gzhi'i rgyud [kun gzhi of all sems can is bde gshegs snying po]

(i) rang bzhin rgyu'i rigs

(ii) rgyas 'gyur rten gyi rigs

b. lam thabs rgyud (5-fold) [12.4]

c. mngon 'gyur 'bras bu'i rgyud (3-fold) [12.6]

(2) brjod byed tshig gi rgyud

a. ngo bo [language and terms that disclose the meaning of mantra]

b. dbye ba

(i) rgyud sde bzhi'i sde mtshan gyi sgo nas dbye ba

(ii) pha rgyud ma rgyud kyi ming gi rnam grangs bsdu bas dbye ba [57.4]

(iii) sbyang gzhi dang mthun pa'i sbyong byed lha'i dbang gi rgyud

thams cad sum cu rtsa drug tu bsdu bas dbye ba [59.5]

c. rtsa rgyud bshad rgyud la sogs p'i khyad par bstan pa

Anuttarayoga Tantra a. sngags snga 'gyur rnying ma [42.4 f]

b. phyi 'gyur gsar ma [49.2]

Note

This passage offers a definition of the term rgyud.

by David Higgins

Passage

de la rgyud ces bya ba/ tantra zhes bya ba'i sgra 'brel pa'am rag las pa la bya ste/ dngos su bya ba dang rnal 'byor gyi rgyud rnams las/ bla na med pa'i byang chub bsgrub pa'i thabs dang/ mngon par shes pa la sogs pa 'jig rten kyi dngos grub chen po rnams bsgrub pa'i thabs dang/ zhi ba la sogs pa las kyi spros pa thabs sna tshogs bsgrub pa po'i bya bar gyur pa mtha' yas pa thams cad kyang/ rdzogs pa chen po'i don kyis ma zin na mtshan ma'i 'ching bas zin par 'gyur la/ rdzogs pa chen po'i don kyis zin na las rgya mtsho ji ltar spyad [171] kyang 'ching bar mi 'gyur bas/ de'i phyir rgyud thams cad kyi spyi 'grel zhes bya'o/

Note

This passage offers a definition of the term rgyud. Rong zom pa here discusses tantra as a term for literature detailing the various means for actualizing byang chub. Rong zom pa cautions, however, that if these means are no taken hold of by the inner meaning of Rdzogs chen they become mere thematizations (mtshan ma) that hold one in fetters.

by David Higgins

Passage

rdo rje theg pa'i sgor sngags kyi spyad pa spyod pa'i byang chub sems dpa' rnams kyi don du gnyer bya ni gzhan don phun sum tshogs pa kho na yin na/ de'i rten ni rang don mngon du grub pa la rag las shing/ de mngon du byed pa'ang nyer len gyi rgyu dang/ lhan cig byed pa'i rkyen tshang ba la rag las pas/ snga ma la bltos nas gzhi'am rgyu'i rgyud du bzhag cing/ phyi ma la blts nas thabs sam lam gyi rgyud dang/ gnyis ka la blts nas don gnyis mthar phyin pa ni 'bras bu'i rgyud de/ snying po'i rgyud phyi ma las/

rgyud ni rgyun chags la bshad de
thabs dang rgyu las 'bras bu'o/

de'ang rgyu'am gzhi'i rgyud ni sbyang gzhi 'khor ba'i rang bzhin kun gzhi tshogs bdun dang bcas pa'i sbubs na bde bar gshegs pa'i snying po byang chub kyi sems kun tu bzang po mi shigs pa khyad par gsum ldan 'gro ba'i rgyud la rgyun chags su yod pa nyi ma sprin gyis bsgrubs pa lta bu ste rtse mo las/

rgyud ni rgyun chags zhes bya ste
'khor ba rgyud du 'dod pa yin/ zhes so/

kha cig med bzhin snang ba thag khra la sprul lta bu rgyud du 'gal lo zhes smra ba'ang rigs pa ma yin te/ rnam rtog dang bdag tu blta ba'i nyer len las 'khor ba'i rang bzhin glo bur du srid pa ste rgyud gsang ba snying po (Guhyagarbha {116511}) las/

e ma ho/ bde gshegs snying po las
rang rang rnam rtog las kyi sprul/ zhes pas so/

thabs sam lam gyi rgyud ni/ sbyang gzhi de nyid kyi dri ma glo bur ba bar ma chad pa'i thabs kyis sbyangs nas rang gi rang bzhin ci yin pa mngon du byed pa ste sa bon drod gsher dang phrad nas me tog gi bar du 'phel ba lta bu ste/ kye'i rdo rje (Hevajra) las/

sems can rnams ni sangs rgyas nyid
'on kyang glo bur dri mas bsgribs [54]
de bsal nas ni sangs rgyas nyid/ ces so/

de'ang lam du zhugs bya ni thabs kyi rgyud yin te/ thabs dang 'phrad na des dri ma bsal nas sangs rgyas su 'gyur lam 'phral na mi 'gyur ba'i phyir ro/ de yang lam so so'i yon tan mngon du gyur pa'i cha nas blang po rag 'bogs las/

sems lnga skyes pa'i skyes bu'i thugs
lam gyi ngo bo rgyud yin no/ zhes so/

'bras bu'i rgyud ni/ sbyang gzhi de nyid sbyong byed kyi thabs zab mos legs par sbyangs pas bsgrib byed dang bral te glo bur gyi rkyen gyis mi 'grogs pa'i 'bras bu gnon du gyur pa ste/ 'dus pa'i rgyud phyi ma las kyang/

gzhi dang de yi rang bzhin dang
mi 'phrogs pa yi rab dbye bas
rang bzhin rnam pa rgyu yin te
gzhi ni thabs zhes bya ba yin
de bzhin mi 'phrogs 'bras bu ste
gsum gyis rgyud don bsdus pa'o/ zhes so/

de yang 'khor ba'i pha rol tu 'gro ba'i 'phags lam khyad par can yin zhing/ de'i phyi ma ni sa mthar phyin pa'i 'bras bu bla na med pa yin pa ni/ dpal mchog las/

rgyud ni rgyun zhes bya bar bshad
phyi ma nyid ni thog mar brjod
de phyir gsang ba gsang chen ni
phyi ma'i rgyud ni yin par 'dod/ ces so/

de'i phyir bskyed rdzogs gnyis ka'i sngon du 'gro ba ni byang chub kyi sems dang/ stong pa nyid kyi lta ba gtan la 'bebs pa gnyis yin pas gzhi rgyud bde bar gshegs pa'i snying po can gyi gnas lugs legs par shes pa nyid gces pa ni sngags rang sa'i grub mtha' yin la/ [continutation under gsang sgnags]

[rnam mkhyen shing rta:56.6] [concluding summary] de ltar gzhi dang/ lam dang/ 'bras bu'i rgyud gsum gyi don ni gsang sngags rdo rje theg pa'i lam gyi brjod bya'i rtsa ba yin la/ 'di nyid [57] legs par khong du chud na 'bras bu lam du byed pa'i khyad par la'ang mi rmongs shing....

Note

This passage offers a definition of the term rgyud. After discussing elaborating on Anuttarayoga tantra (see the entry from Rnam mkhyen shing rta {115786:6.2} and gsang sngags kyi theg pa for full context and relevant passage from root text),'Jigs med gling pa proceeds to elaborate on the meaning of Tantra as Ground, Path and Goal:

by David Higgins

Passage

de la thog mar rgyud ces bya ba'i sgra ni/ tan+tra pra san+ta zhes bya ste/ sngags rgyud rnams zhi ba la sogs pa'i las phra mo bsgrub pa'i cho ga dang/ mngon shes dang rdzu 'phrul la sogs thun mong gi dngos grub chen po bsgrub pa'i cho ga dang/ rang bzhin yongs shes mi gnas pa'i mya ngan las 'das pa bsgrub pa'i cho ga'i bye brag tu gyur pa rtsa ba dang nye ba'i snying po la sogs pa'i sngags dang de dag gi dkyil 'khor dang/ phyag rgya dang/ mchod pa dang/ sbyin sreg dang/ phrin las dang/ brtul zhugs la sogs pa rgyud kyi dngos po'i cho ga sna tshogs dang 'brel bas kyang rgyud ces bya'o/

de dag ni rgyud spyi'i mtshan bstan pa ste khyad par gyi mtshan ni 'dus pa'i rgyud phyi ma las/

dbang po dang ni yul rnams kyi
rkyen gyis gang dang gang byung yid
yid de ma na(s) bya bar bshad
tra ni skyob par byed pa'i don
'jig rten spyod las rnam grol bar
gang bshad dam tshig sdom pa ste
rdo rje kun gyi bsrung ba ni
sngags kyi spyod pa zhes bshad do/

zhes [7] maN+Da la man ni yid/ tra ni skyobs pas na sngags zhes pa'am/ rnam grangs gzhan yang man dang/ tra ya'i sgra de nyid shes pa dang snying rje la drangs pa lta bus mtshon mtha' gcig tu mi gnas pa shes par bya'o/

de ltar sngags de'i klad du gsang ba'i sgra zhugs pa'i don ni/ rtogs par dka' ba dang rtogs su mi rung ba la 'jug ste/ dus gsum gyi sangs rgyas thams cad kyi dgongs pa dam par gyur bas skal ba med pa dang blo ma sbyangs pa dag gis rtogs pa dka' bas gsang ba dang/ 'jig rten pa dang theg pa 'og ma pa rnams kyi spyod yul du mi rung bas/ gsang bar bya zhing sbas na 'grub pa yin pa'i phyir yang gsang ba'o/ ming gi sgra 'jug yul gyi sgo nas 'khor 'das thams cad kyi rgyur gyur pas na rgyun chags pa ste rdo rje rtse mor:

rgyud ni rgyun chags zhes byar brjod
'khor ba rgyud du 'dod pa yin
mya ngan 'das pa rgyud phyi ma/ zhes so/

dbye na don dang tshig gi sgo nas dngos po drug la 'jug pa'i tshul/ 'di ltar don gyi sgo nas gzhi'i rgyud ces bya ba khams bde gshegs snying po la 'jug pa dang/ lam gyi rgyud ces bya ba sngags dang phyag rgya dang ting nge 'dzin la sogs pa thabs la mkhas pa'i bslab pa'i dngos po rgya che ba'i mtshan nyid dang/ 'bras bu'i rgyud ces bya ba mchog dang thun mong gi dngos grub rnam pa gnyis bsgrub bya'i rgyud la rgyu rkyen 'bras bu'i tshul du 'brel bar gnas pas na rgyud ces 'brel ba'i don du grub la/

tshig gi sgo nas ni/ bshad ma thag pa'i sgrar snang ba dang de nyid skal ba mnyam pa'i rgyur [8] ming tshig gi sgra grags pa'i mtshan nyid dang/ de'i gzugs brnyan nam brdar gyur pa glegs bam du gtogs pa rnams te ming gdags pa'i yul rnam pa drug yin no/

de'ang rgyu 'bras kyi theg pa chen po gnyis 'bras bu thob pa la mchog dman med pa don gcig na'ang/ lam gyi bsgrub tshul la rmongs ma rmongs kyi khyad par mtha' klas pa zhugs te/ 'di ltar theg pa gnyis ka'i mngon par 'dod pa'i don gyi gtso bo ni gzhan don yin na/ gdul bya la dngos su snang nas de dag gi don mdzad pa'i sangs rgyas kyi bya ba spros pa nye bar zhi ba'i chos kyi sku des dngos su mi mdzad kyang de'i rgyu dus kyi snying rje dang smon lam gyi dbang las/ rnam par mi rtog cing mi rtsol bzhin du gzugs kyi sku rnam pa gnyis 'grub pa yin la/ de 'grub pa'i rgyu'ang zab mo rtogs pa'i shes rab kyis chos kyi sku dang/ rgya che ba'i thabs phar phyin la med pa mtshan dpe dang bcas pa'i sangs rgyas kyi nga rgyal la gnas pa'i bskyed rim zab mo'i rnal 'byor la brten nas tshe gcig la sogs par gzugs kyi sku myur du 'grub pas na de nyid kyang thabs shes ya bral ma yin par rang bzhin yongs shes kyi bskyed rdzogs gnyis phan tshun ltos grub can yod pa ni gsang sngags kyi theg pa chen po spyi'i grub mtha' yin no/ ... [supporting quote from Rdo rje gur]

Note

This passage offers a definition of the term rgyud.

by David Higgins

Passage

yang rgyun chags pa ste sems can nas sangs rgyas kyi bar du yod pa'i don gyi ngos nas bshad na/ tantra zhes pa'i sgra las rgyud de/ de yang rgyud phyi ma las/

rgyud ni rgyun chags la bshad de
thabs dang rgyud las 'bras bu'o/

zhes pas rgyud ces pa ni rgyun chags pa'i don te/ gang zhig rtogs par bya ba [37] gzhi'am rgyu'i rgyud dang/ gang gis rtogs shing bgrod pa thabs sam lam gyi rgyud dang/ gang du mthar phyin pa 'bras bu'i rgyud do/ de la

(1) dang po gzhi yi rgyud ni/ sems nyid bde bar gshegs pa'i snying po gnas lugs don dam pa'i ye shes rang rig pa byang chub kyi sems lhag pa'i bden pa dbyer med blo'i spyod yul dang bral ba'i rang bzhin 'ching grol med par sems can thams cad la ye nas gnas pa'i don la bya ste/ gsang snying las/

bcing med rnam par grol med pa'i
ye nas lhun rdzogs sangs rgyas chos/ zhes dang/

rgyas pa las/

thams cad rang rig byang chub sems
de ni lung gi tshad mar bshad/ ces so/

de la ci'i phyir gzhi'am rgyu'i rgyud ces bya zhe na/ de nyid thabs kyi rkyen gyis ma zin na 'khor ba dang/ zin na myang 'das su snang bas de gnyis ka'i 'byung gzhi'am rgyu lta bur gyur pas de skad ces brjod de/ rim gsum las/

tha snyad gnyis kyi chos rnams kun
ma lus 'byung phyir gzhi zhes bya/

ma pham pas [Maitreya Asaṅga]:

ji ltar sngar bzhin phyis de bzhin
'gyur ba med pa'i chos nyid do/ zhes gsungs pa ltar ro/

de yang tha snyad tsam du [38] dbye na/ sems kyi chos nyid bde gshegs snying po ni sbyang gzhi nor bu lta bu yin pas gnas lugs ngo bo nyid kyi gzhi zhes bya la/ log pa'i zhen snang yul dang bcas pa ni/ byang bya 'dam rdzab lta bu ste med snang glo bur ba yin pas 'khrul pa brtags pa'i gzhi zhes gsungs te/ 'di 'bras bu'i nyer len gyi rgyu rgyud mtshan nyid pa ma yin par shes dgos so/

(2) gnyis pa lam gyi rgyud ni gzhi de nyid glo bur gyi dri ma dang bral bar byed pa'i thabs gnas lugs ji lta ba bzhin shes pa'i lta ba dang/ rang bzhin yongs shes kyi don bsgom pa'i ting nge 'dzin grogs spyod pa dang bcas pa la bya ste/ rgyud las/

ngo mtshar cho 'phrul rmad kyi chos
gzhan nas yod 'ong ma yin te
thabs la brten pa'i shes rab nyid
de lta bu yi nang du 'byung/ zhes so/

de la ci'i phyir thabs sam lam gyi rgyud ces bya zhe na/ thob bya 'bras rgyud nyid mngon du byed pa'i lhan cig byed rkyen yin pas thabs dang/ gang gis gang du bgrod pa'i rten yin pas lam ste/ mdo'i don bsdus las/

bgrod dang de chos ldan pa dang/ zhes pa la sogs pa ltar ro/

de yang rnal 'byor bla na med pa khyad par gyi lam [39] 'di 'bras bu la nye ba'i lam rgyud yin la/ phyi rgyud rnams ni ring ba'i lam rgyud do/ lam de la rgyud ces smos pa'i don ni/ gzhi shes bya dang lam shes byed du dang/ 'bras bu thob bya dang lam thob byed du 'brel ba'i phyir dang/ lam dang po bsgrub pa nas 'bras bu'i bar du bar ma dad par rgyun chags su 'byung bas na de skad ces bya'o/

(3) gsum pa 'bras bu'i rgyud ni/ gzhi'i gnas lugs la sgrib par byed pa'i dri ma glo bur ba rnams lam gyis yang dag par sbyangs nas gzhi ji lta ba bzhin mngon du gyur pa la bya ste/ sgyu 'phrul bye brag bstan pa las/

grub pa'i rnal 'byor rnal 'byor che
lhun grub ji bzhin mngon byas pa'ang
btags pa tsam ste gnyis pa med
de phyir de la de brjod do/ zhes so/

de yang gnyis pa med ces pa/ gzhi 'bras ngo bo bdag gcig gis 'brel bas gzhi las tha dad pa'i 'bras bu med pa'i don no/

de la ci'i phyir 'bras bu'i rgyud ces bya zhe na/ bla na med pa mchog gi 'bras bu mthar thug pa don du gnyer ba rnams kyi bsam pa yongs su rdzogs pas 'bras bu dang/ nam yang rgyun mi 'chad pas rgyud du [40] bzhag pa yin no/

des na spyir rgyud gsum gyi rnam bzhag de ltar yin pa'i gnad kyis bye brag lam rgyud kyi dngos po rnams kyang mtshan nyid theg pa las 'phags chos du ma dang ldan pa yin la/ de la'ang nang gses kyi dbye ba byas na/ brjod byed sgra'i rgyud dang/ brjod bya don gyi rgyud gnyis...

Note

This passage offers a definition of the term rgyud. After discussing the difference between cause oriented Lakṣanayāna and goal sustained Mantrayāna and the superiority of the latter (see the entry from Rnam mkhyen shing rta {115786:6.2} and gsang sngags kyi theg pa for full context and relevant passage from root text; the following continues directly from this), Yon tan rgya mtsho proceeds to define and elaborate on the meaning of Tantra (focussing mainly on its connotation of "continuity").

by David Higgins

Passage

[59.4] sgron gsal las/

mi yi skye bar 'khrungs ba ni
rgyud ces bya ba yin pa brjod
btsun mo'i 'khor gyi nang nas ni
rab tu byung ba gleng ba yin
'dul las sdom pa bstan pa ni
nges pa'i tshig ces bya ba yin
'bras bu 'dod pa chos spyod pas
de ni rgyu zhes brjod bya ste
'di ni 'dod chags bral chos kyi
tshul ni rnam pa bzhir 'dod do/

zhes dang/

'dod chags chos kyi tshul gyis ni
don gsal rtogs phyir bshad par bya
rigs lnga'i sangs rgyas bskyed pa ni
rgyud ces bya ba yin par 'dod
slar yang rigs gcig gyur pa ni
gleng bzhi yin par rab tu bstan
rdo rje la sogs gzung ba nyid
nges pa'i tshig ni yin par bshad
sgeg pa la sogs spyod pa ni
rgyu zhes bya ba yin par bshad/ ces so/

de'i phyir bzhi po de dag las kyang rdo rje theg pa'i lam gyi lus yongs su sdud pa'i spyi chings ni dbang bskur ba kho na yin pas rgyud don shes pa'i phyir du nyan pa dang shes nas bskyed rdzogs bsgom pa thams cad kyi sngon du 'gro ba dbang dang dam tshig la ma brten na mi 'grub pa'i tshul...

Note

This passage offers a definition of the term rgyud. On the subject of the lam thabs rgyud (see the entries from Rnam mkhyen shing rta {115786:6.2;53.1}), 'Jigs med gling pa cites Sgron gsal on the four ways (tshul bzhi) of Tantra (see also 58.3 where he first mentions these).

by David Higgins