Passage

sngags zhes bya ba ni/ thabs dang shes rab zung du 'breal ba'i bdag nyid la bya ste/ de yang rab tu (1) dbye ba'i sgo nas/ gsang sngags dang rig sngags dang gzungs sngags zhes bya bar grags so/ de la rig sngags rang gi ngo bo ni/ shes rab dang ye shes kyi bdag nyid do/ de bzhin du gzung sngags ni/ dran pa dang shes rab kyi bdag nyid do/ (2) 'di rnams kyi las ni/ (a) gsang sngags kyis ni log par rtog cing 'khrul pa rnams las shes pa skyob par byed do/ (b) rig sngags kyis ni ma rtog pa bcom zhing bsal te dngos po'i don rig par byed do/ (c) gzungs sngags kyis ni dran pa nyams pa bsal te/ dam pa rnams kyi gdams ngag ji ltar thos pa don dang bcas pa/ yon tan dang bcas pa 'dzin par byed do/ 'di dag [515] gis ni mi mthun pa'i phyogs dang/ gnyen po'i don rnams kyang bstan pa yin no/ (3) 'di rnams kyi rtags ni rgyal ba rnams kyi gzugs kyi skur snang ba cha shas dang bcas pa'am cha shas su snang ba rnams yin te/ de la gsang sngags ni/ lha pho'i dbyibs dang kha dog dang phyag rgya lta bur snang ba'o/ lhag ma gnyis ni/ lha mo'i dbyibs dang kha dog dang phyag rgya lta bur snang ba ste/ 'di dag kyang rtags kyi sgo nas/ rig sngags dang gsang sngags dang gzungs sngags bzhed do/ (4) de rnams kyi sgo ni yig 'bru dang sgrar snang ba ste/ 'di rnams kyang don gyi sgor gyur pas sngags su gsungs so/ (5) 'di rnams la chos mthun pa ni/ thun mong dang thun mong ma yin pa'i dngos grub kyi ngo bo nyid du yang bshad pa dang/ de'i rgyur yang bshad pa dang/ las bskul bar bshad pa dang/ bden pa'i tshig tu bshad pa rnams so/ de la sngags nyid thob cing sgrub par bya ba'i lha yin par bshad pas/ chos kyi sku mdzad pa dang bcas pa la 'jug ste/ des na dngos grub kyi ngo bo nyid yin no/...

(6) [516.5] nges pa'i tshig ni/ (a) gsang sngags zhes bya ba/ gsang ba dang/ [note: maN+Da zhes bya ba'i sgra las 'di snyed la 'jug/] mkhas pa dang/ mchog tu gyur pa dang/ bden pa rnams la yang bya/ rnam pa gcig tu gsang ste brjod pa [517] zhes kyang bya/ yang na maN+Da zhes pa man ni yid dam shes pa/ tra ni skyabs sam dpung gnyen yin te/ de bas shes skyobs zhes bya ste/ shes pa dang dpung gnyen du ldan pa'i don/ (b) rig sngags ni bi dya (vidya) zhes pa/ bir ngadhu nga ste/ 'joms shing sel ba la bya bas/ ma rig pa'i nyon mongs pa 'joms shing sel ba la bshad/ bir ngadhu ma dhi ste thob pa la bya bas phun sum tshogs pa'am ngag gi rig pa thob pa la yang bya/ yang na bi dya sva bhA ba ste/ ngo bo nyid rig pa la yang bya ba dang/ spyir bden pa grub pa'i don du yang ston pas rig sngags zhes bya'o/ (c) gzungs sngags ni/ dha ri ni (dhāraṇī) bya ba gzungs sam 'dzin pa'i don te/ tshig dang don dang yon tan 'dzin pa'am/ spyir bden pa'i tshig grub par ston pas gzungs sngags zhes bya'o/ de rnams las gsang sngags zhes bya ba'i sgra la/ gzhan la mi bstan pa'i don dang/ bden pa'i don lhag par ston to/

Note

In this passage, Rong zom pa discusses "mantra" as the ninth of eleven topics that constitute the fundamentals of Tantra.

by David Higgins

Passage

de'ang spyir sngags kyi dbye ba la rig sngags dang/ gzugs sngags dang/ gsang sngags zhes thabs dang/ shes rab dang/ gnyis su med pa'i ngo bo med du gnas pa'i tshul dgongs pa grub pa'i rgyud las/

gsang sngags kun gyi dbye ba ni
rnam pa gsum du shes bya ste
rig sngags thabs kyi ngo bo yin
gzugs sngags shes rab ngo bo yin
gsang sngags gnyis med ye shes so/

zhes pa las phyi pa ni thabs dang shes rab rim can du bsgom pas bskyed rdzogs tsam po pa nyid dang/ de'ang bya ba dang spyod pa'i rgyud ni sems dpa' sems ma/ rig sngags dang gzugs sngags kyi lha ste de dag rje khol dang/ spun grogs kyi tshul du bsgrub pa'i tshul gnyis las/ dang po gzugs sngags su gtogs pa bya ba'i rgyud ni tshul gsum pa'i sgron me las......

Note

In the context of a detailed discussion of the classification of Tantra (see the term rgyud for the full context and a relevant passage), 'Jigs med gling pa considers the three-fold classification of mantra.

by David Higgins

Passage

sngags kyi thun mong pas yi ge 'phro ba bzlos pa las 'phags/ shes rab dang snying rje/ shes rab dang ye shes/ shes rab dang ting nge 'dzin dbyer med du rtogs pa'i ngag la ma yengs par rtsal sbyangs te (1) ngo bo rang byung gi ye shes/ (2) nges tshig de snyed rtogs pas 'khor ba las skyob pa'i phyir snags so/ (3) dbye na rtogs pa'i sngags/ rang rtsal rig sngags/ ting 'dzin gzungs sngags te gsum/ (4) phrin las bag chags pa sal (sel?) ba ste/ de nyid [Thig le kun gsal] las/

dang po sngags kyi don bshad pa
mchog tu gyur pa'i sngags don ni
ngo bo nges tshig dbye ba bstan
dbye na rnam pa [342] gsum yin te
gsang sngags rig sngags gzungs sngags gsum
gsang sngags dag gi ngo bo ni
shes rab snying rje gnyis su bstan
rigs sngags dag gi ngo bo ni
shes rab dang ni ye shes yin
gzungs sngags dag gi ngo bo ni
shes rab dang ni ting 'dzin yin
sngags gsum dag gi nges tshig ni
shes skyob phyir na de brjod pa'o
sngags gsum dag gi phrin las ni
ma rig bag chags log lta sel/ zhes so/

Note

By way of commentary to the Thig le kun gsal {116071}, Klong chen pa elaborates on the essence, meaning and classification of "mantra" in this passage.

by David Higgins