Passage

1 de nas nyan byed slob ma'i chos tshul ni [325]
skyon rnams spangs la gus pas nyan par bya [311]

2 ma gus la sogs bdud kyi las drug dang [326]
nga rgyal la sogs sgrib pa'i las drug dang [312]
tshul du 'chos sogs chos spang las drug dang
zang zing gnyer sogs gyeng ba'i skyon drug dang
rnyed bkur chags sogs log pa'i skyon drug dang
gzhan du byed sogs gol ba'i chos drug ste
nyes pa sum cu rtsa drug spangs la mnyan

3 gang tshe legs pa'i tshul gyis mnyan bya ba [328]
nor bu'i 'du shes la sogs gces pa drug [313]
nyon mongs bzod sogs dka' ba'i spyod pa drug
thos mang gnyer sogs rkyen gyis mi 'gyur drug
snying rje bskyed sogs ched du bya ba drug
bye brag shes sogs dgos pa rnam pa drug
chos 'tshol la sogs bya ba rnam drug ste
yon tan sum cu rtsa drug ldan pas nyon

4 mnyan pa'i dus ni gnyer por che dus su [331]
dus su 'doms pa'i gdams pa btsal bar bya [315]

5 de yang rnam g.yeng 'du 'dzi rnams spangs la [332]
chos kyi mchod pa dngos dang yid mchod nas [316]
phag 'tshal drang por 'dug ste thal mo sbyar
ma yengs gus pa'i tshul gyis mnyan par bya

6 de yang rang nyid 'jam dpal bsams pa yi [334]
snying nang chos kyi 'od zer 'pog par bsam [318]

7 thos pa'i rnam pa brgyad cu rtsa bzhi dang [334]
ldan byas rab dang gus pa'i yid kyis mnyan [318]

8 me tog stan sogs dbul ba sbyin pa ste [338]
sgo gsum rab bsdams tshul khrims pha rol phyin [320]
gnod pa bzod pa spro ba brtson 'grus te
ma yengs thos pa 'dzin pa bsam gtan nyid
the tshom sgro 'dogs gcod pa shes rab mchog

9 rjes la chos dang ston pa'i bka' drin bsam [339]
sgyu ma'i ngang las byang chub bsngo ba bya [321]

10 de yi phan yon shin tu tshad med de [339]
chos rnga bsgrags ba thos pa'i sems can yang [322]
ngan song rnam grol nyan pa smos ci 'tshal

11 shes rab ting 'dzin dran pa'i gzungs thob cing [340]
spang blang mtshams phyed dge 'phel sdig kun srab [322]
lha mis bstod cing ma rig mun pa sangs
pad ma'i steng mdzes rgya chen chos thos shing
myur du chos rgyal mya ngan med thob 'gyur

Note

In a single short chapter, Klong chen pa specifies how a student should study or listen. The page numbers in the following passage are from two editions of Yid bzhin mdzod autocommentary. One edition is not identified.

by David Higgins

Passage

…slob mas nyan tshul la gnyis te/ A) kun slong dang/ [B]) kun spyod do/ A) dang po kun slong la'ang gnyis te/ 1) bsam pa rgya che ba byang chub sems kyi kun slong dang/ 2) thabs rgya che gsang ba sngags kyi kun slong ngo 1) dang po ni 'di ltar 'khor ba na rgyu ba'i sems can 'di thams cad gdod nas ye sangs rgyas pa'i rang bzhin yin kyang/ glo 'bur 'khrul rtog gis bsgribs nas sdug bsngal rgyu 'bras kyi mtha' la bcur ba 'di rnams/ rlabs chen po'i phrin las kyis 'khor ba ming med par byas nas gdod ma'i sa la dgrod bar bya ba'i phyir/ myur lam zab mo gsang sngags rdo rje theg pa'i sgor zhugs nas thos bsam gyis sgro 'dogs bcad de/ bskyed rdzogs zab mo'i gnad la brten nas sngags kyi phyin drug la bslab ste bsgom pas nyams su blang bar bya'o snyam du snying thag pa nas bsam par bya'o/ 2) gnyis pa thabs rgya che ba gsang ba sngags kyi kun slong ni/ sngags kyi theg pa ni thabs mang zhing zab pa la sogs pa'i phyir myur ba'i lam ste/ de'i rtsa ba [29] yang gnas tshul dang mthun par blo zhugs nas 'dun pa bsgyur bsgyur ba la thug pas na/ chos 'chad nyan byed pa'i gnas la sogs pa ma dag pa'i snang ba 'di ltar mi lta bar/ gnas phun sum tshogs pa 'og min chos kyi dbyings kyi pho brang/ ston pa phun sum tshogs pa chos sku kun tu bzang po/ 'khor phun sum tshogs pa rgya ba dgongs pa'i brgyud pa dang/ rig 'dzin brda'i brgyud pa'i gshegs pa gshegs ma/ sems dpa' sems ma'i rang bzhin/ chos phun sum tshogs pa theg pa bla na med pa rang bzhin 'od gsal ba'i dgongs pa/ dus phun sum tshogs pa rtag pa rgyun gyi 'khor lor gsal gdab par bya ste/ de yang de ltar yin pa la yin par shes pa tsam las/ ma yin pa zhig yin par gzod gsal 'debs pa ma yin te/ bla ma ni sku gsum gyi bdag nyid mchog gsum rtsa ba gsum gyi ngo bor bzhugs pas/ 'das pa'i sangs rgyas thams cad kyi sprul pa/ ma 'ongs pa'i sangs rgyas thams cad kyi 'byung khungs/ da ltar gyi sangs rgyas thams cad kyi rgyal tshab/ bskal pa bzang po'i sangs rgyas stong gis kyang ma thul ba'i snyigs ma'i sems can rnams rjes su 'dzin pa'i thugs rje [30] dang bka' drin gyi ngos nas sangs rgyas las kyang lhag cing/ yon tan gyi ngos nas sangs rgyas rnams dang mnyam pa yin la/ chos nyan pa'i 'khor rnams kyang/ gzhi bde gshegs snying po/ rten mi lus rin chen/ rkyen dge ba'i bshes gnyen/ thabs de'i gdams ngag gis zin pas ma 'ongs pa'i sangs rgyas su gdon mi za la/ gnas dus chos rnams kyang rang bzhin gyis rnam par dag pa ste/ ....(quotation)

B) gnyis pa kun spyod ni/ sngar bshad bya'i yan lag gi skabs su bshad pa ltar spang blang ma 'jol bar byas te/... (quotation)

Note

By way of preface to the lengthy volume on Mantrayāna, Yon tan rgya mtsho outlines the appropriate motivation and approach to studying (listening).

by David Higgins