Passage

'gag pa med pa'i rig pa las
'khrul pa med pas rtog pa med

1) ye grol yin pas gtan nas 'phags

2) rang grol yin pas yul rkyen zad

3) cer grol yin pas [466] snang ba dag

4) mtha' grol yin pas mu bzhi 'gags

5) gcig grol yin pas du ma stongs

2) rkyen rnams rkyen gyis grol bas na
dmigs pa'i chos la nga mi ltos

1) yul rnams yul gyis grol bas na
gzung 'dzin gnyis la nga mi ltos

3) rgyu nyid rgyu yis grol ba la
'khor 'das gnyis la nga mi ltos

4) chos ni chos kyis grol ba la
tha snyad tshig la nga mi ltos

5) sems nyid sems kyis grol ba la
mtshon byed blo la nga mi ltos

dri mas dri ma 'khru pa bzhin [Theg mchog mdzod has 'khrud]

de ni dag pas dag pa grol
dug gis dug rnams 'dzims pa dang
lcags kyis lcags rnams [467] gshog pa dang
rdo yis rdo rnams gcog pa dang
shing gis shing rnams bsreg pa ltar
rang rang dgra ni rang gis byed
rigs mi mthun pas grol ba min/

Note

This passage provides the classic account of the five modes of existential freedom. See Tshig don mdzod {115736} for Klong chen pa's elaboration on this topic. See the entries from Bden gnyis shing rta {115781:831.1} and Rnam mkhyen shing rta {115786:627.4} for 'Jigs med gling pa's elaboration on this topic. See text for interlinear notes.

by David Higgins

Passage

de yang chos nyid gnon sum gnad
mthong ba tsam gyis shes pa dang
shes pa yis ni rtogs pa dang
rtogs pa tsam gyis grol bar 'gyur
grol zhes bkrol ba ma yin te
nam mkha' dag ni nam kha' la
thim nas rang bzhin dmigs med ltar
ris med cha shas yod ma yin
mngon sum mthong ba'i skal ldan la
khams gsum 'khor ba'i ming med pas
srid gsum gdar sha chod ba'o

Note

This passage provides the response to the last question from chapter two, concerning the origin of emotionality, which concludes with an elucidation of freedom as an ontological principle (rather than a property of a subject).

by David Higgins

Passage

gzhan yang grol ba'i chos nyid bshad
gnad kyis grol bas 'bad rtsol zad [179]
ye nas grol bas bskyar mi dgos
rang grol yin pas gnyen po med
cer grol yin pas mthong sar yal
yongs su grol bas rang bzhin dag
dus kyi grol bas goms mi dgos
rang bzhin grol bas ma bcos pa'o
grol zhes tha snyad tsam nyid de
rtogs dang ma rtogs su yi chos
de la grol zhes su la dmigs
khams gsum 'jug pa su la srid
srid mtha' grol ba'i chos nyid do/

Note

In the concluding section of chapter three (on the topic of chos nyid), the different modes of ontological freedom are briefly discussed.

by David Higgins

Passage

ch. 9:

3 kun grol mnyam pa chen por gnas pa de [85b]
rgyu 'bras rtsol sgrub can la mi rigs te
theg mchog mi g.yo mnyam pa'i don la 'thad/

12 grol bar mi 'jug mya ngan 'das mi len [93a]
mi 'gyur klong chen 'khor 'das yod ma myong
'di la spangs thob re dogs mi dmigs shing
gdod nas byang chub gzhi klong yangs pa che
thams cad ming tsam don la mtshon brjod 'das
grol dang 'khrul med 'khor 'das la zlos pas
su yang ma rtsol bcos sgyur ma byed cig/

24 ma grol ye grol rang grol chos med pas [102a]
phyam gcig gtad med la bzla'i chos las 'das/

ch. 10

19 shar gnas grol gsum shar grol rgyun chad med [118b]
rgyun chad med pas rgyu 'bras bar ma chod
rgyu 'bras med pas 'khor ba'i g.yang sa chod
g.yang sa med pas gol sa ga la yod/

ch. 11

8 de ltar 'dod dang mi 'dod bar ma'i sems [138b]
dug gsum rtal las rol par shar to cog
dbyings las byung zhing dbyings kyi ngang du shar
dbyings su ma gtogs g.yos pa 'ga' med pas
gzed dang bcos bsgyur gang yang mi byed par
dbyings nyid ngos gzung dang der bzhag ma thag
rang zhi rang yal rang grol grol ba gnad/

Note

Freedom is a central theme of Klong chen pa's Chos dbyings mdzod. The following are some selected passages on the topic.

by David Higgins

Passage

B. lam dngos bshad pa

I. grol lugs kyis gdeng bshad

kun kyang dgrol gzhi med pa'i byang chub sems [rnam mkhyen shing rta:627.4, yon tan rin po che mdzod kyi 'grel pa nyi zla'i sgron me:606.6]
gang gis 'grol ba spangs pa'i rang gsal gdangs
gzhi dang rtsa ba med pa'i klong na gsal
byas shing bcos pa med pas ye grol yin/ [rnam mkhyen shing rta:609.6]
rang gi rang grol rkyen la rag ma lus [102] [rnam mkhyen shing rta:611.1]
gcer grol yin pas ltos gzhi kun dang bral [rnam mkhyen shing rta:612.4]
gcig dang du mar gdags pa'i mtha' las grol [rnam mkhyen shing rta:613.6]
gcig po rig par grol pas mtshan nyid med/[rnam mkhyen shing rta:614.6]

[rnam mkhyen shing rta:630.2] mu tig phreng ba las/

'gag pa med pa'i rig pa la
'khrul rgyu med pas ldog pa med
ye grol yin pas gtan nas 'phags
rang grol yin pas yul rkyen zad
cer grol yin pas snang ba dag
mtha' grol yin pas mu bzhi 'gags
gcig grol yin pas du ma stongs/

zhes rnam grangs lngar bstan pa las/

(1) dang po ye grol gyi mtshan nyid ni/ phung po lnga dang/ tshogs brgyad kyi nyer len sprin dang 'dra ba'i dbus na'ang rig pa'i mtshan nyid ni mkha' ltar rang bzhin med pas srid par kun tu sbyor ba'i khur yongs su bor ba/ rang ngo spros pa dang bral bas byas shing bcos pa med par ye grol du yod pas 'bad rtsol dang gnyen po la ma ltos ste/ mu tig phreng ba las/

'bad pas grol ba ma yin te
ye nyid nas ni grol bar gnas/ zhes dang/

brtson pa don ldan las/

ye nas grol ba'i sems nyid ni
phyi nas grol rkyen ga la srid/ ces so/ (cont under phung po)

[rnam mkhyen shing rta:632.3] (2) gnyis pa rang grol gyi mtshan nyid ni/ gnyen po la bltos bzhag med pa'i don te/ sems sde las/

grol ba rang byung gzhan las min/ zhes so/

snang grags kyi chos thams cad rang las byung/ rang gis grol ba dper na chu dang lbu ba bzhin no/... (Author goes on to indicate how other phenomena, including those connected with the truth of the lam are conditioned and ultimately subside into chos sku'i dbyings). (See under bden gnyis). (On rnam mkhyen shing rta 633.4, he states:) "rang grol ni chos nyid kyi bden pa dbyer med yang dag pa yin la/ de'i sgrib byed dam gegs su gyur ba ni blo dang snyam byed kyi shes rab gnas shing/ de ni rnam par shes pa'i tshogs brgyad las mi 'da' bas rang grol gyi chos nyid ma rig pa tsam las 'khor ba bskyed pa'i tshul..."

(3) cer grol gyi mtshan nyid ni/ sems kyi skad cig ma dang/ mig gi lta stangs thog babs chen po'i gnad kyis grol ba ste/ sa'i snying po las/

cer grol chen po'i lta stangs kyis
sangs rgyas sems can gnyis ka grol/ zhes so/

(4) mtha' grol gyi mtshan nyid ni/ skye med kyi cha nas yod mtha' las grol kyang/ 'gag med kyi cha nas med mtha' la mi gnas rgyun mi chad pas med mtha' las grol kyang rtag dngos ma yin pas yod mtha' la mi gnas la/ gnyis ka ma yin kyang gcig tu mi 'du bas thal 'gyur gyi shes byas kha tshon mi chod pa ste/ rtsal rdzogs las/

mtha' dang bral bas grol zhes bya/ zhes dang/...

(5) gcig grol gyi mtshan nyid ni/ bden pa dbyer med kyi rig pa spros bral chen po du ma ro gcig gi bdag nyid can ni thabs dang shes rab kyi bltos grub las log pa ste/ sa'i snying po las/

gcig pu grol ba'i chos nyid ni
du ma ro gcig yin pa'i phyir/ zhes so/ (see pha rol tu phyin pa)

Note

In this passage, on the topic of the Rdzogs chen path, 'Jigs med gling pa elaborates on the five kinds of freedom (distinguished as aspects of rang grol that are effortless as opposed to rang grol involving effort, p. 629.2). These are found in the Mu tig phreng ba {115636}. See also Yon tan rgya mtsho's lucid commentary Yon tan rin po che mdzod kyi 'grel pa nyi zla'i sgron me {116381:606.6}.

by David Higgins

Passage

ch. xii chos thams cad byang chub sems su ye nas
grol ba'i rang bzhin bstan pa [chos dbyings mdzod:21b, chos dbyings mdzod kyi 'grel pa:150a]

1 chos kun byang chub sems su ye grol bas [150a]
ma grol ba yi chos ni yod ma yin

2 'khor ba ye grol gdod nas dag par grol [150b]
'das pa ye grol lhun gyis rdzogs par grol
snang ba ye grol gzhi rtsa med par grol
srid pa ye grol byang chub snying por grol
spros pa ye grol mu mtha' med par grol
spros med ye grol ma skyes dag par grol

3 bde ba ye grol chos nyid phyam du grol [151a]
sdug bsngal ye grol gzhi mnyam yangs par grol
bar ma ye grol mkha' mnyam chos skur grol
dag pa ye grol dag gzhis stong par grol
ma dag ye grol yongs grol chen por grol

4 sa lam ye grol bskyed rdzogs bral bar grol [152a]
lta sgom ye grol spang blang med par grol
spyod pa ye grol kun tu bzang por grol
'bras bu ye grol re dogs med par grol
dam tshig ye grol chos nyid chen por grol
bzlas brjod ye grol gleng brjod bral bar grol
ting 'dzin ye grol bsam yul med par grol

5 yod med ye grol mtha' las 'das par grol [155b]
rtag chad ye grol gzhi rtsa med par grol
yang dag ye grol dmigs bsam 'das par grol
yang dag min grol phyogs bsam 'das par grol
las rnams ye grol gos pa med par grol
nyon mongs ye grol 'ching grol med par grol
bag chags ye grol rten gzhi med par grol
rnam smin ye grol myong gzhi med par grol

6 gnyen po ye grol spang bya med par grol [156b]
spang blang gnyis med mkha' mnyam yangs par grol
grol ba ye grol bcing pa med par grol
ma grol ye grol bcings grol med par grol
glod pa ye grol glod rgyu med par grol
cog bzhag ye grol 'jog rgyu med par grol

7 mdor na snang zhing srid pa'i chos rnams dang [157a]
mi snang mi srid chos las 'das so cog
thams cad ye nas dbyings su grol zin pas
da gzod 'bad pas sus kyang 'grol mi dgos

8 de la 'bad rtsol byas kyang don med pas [157b]
ma byed ma byed rtsol zhing sgrub ma byed
ma blta ma blta yid kyi chos ma blta
ma bsgom ma bsgom blo yi chos ma bsgom
ma bcad ma bcad yul sems rjes ma bcad
ma bsgrubs ma bsgrubs re dogs 'bras ma bsgrubs
ma spangs ma spangs nyon mongs las ma spangs
ma len ma len yang dag chos ma len
ma 'chings ma 'chings rang gi rgyud ma 'chings

21 rang byung ye shes chos zad ming med la [175b]
rtsal dang rol pa ci shar gzhi med nyid
'ching grol med pa gnas lugs rang bzhin babs
grol zhes brdar btags rang yal rjes med cing
kun yin kun min brtags par mi 'gal bas
ye nas grol zhes tshig tu brjod pa yin

22 dbye bsal med do lhun grub klong du grol [177a]
'du 'bral med do thig le'i klong du grol
cir yang 'char ro nges med klong du grol

23 gzugs su snang ngo snang ba rang sar grol [178a]
sgra ru grag go grag pa rang sar grol
dri ru tshor ro tshor ba dbyings su grol
ro myong reg go rang sa'i ngang der grol
dran rig byung tshor gzhi rtsa rten med grol

24 gcig tu grol lo chos nyid klong du grol [179b]
gnyis su med do yul sems mnyam par grol
rang byung grol lo ye shes klong du grol
lhun grub grol lo gzhi dbyings dag par grol

25 sna tshogs grol lo nyan gcig klong du grol [181a]
phyogs med grol lo lhun grub klong du grol
thams cad grol lo snying po'i klong du grol

26 'od gsal grol lo nyi zla'i klong du grol [182a]
chos nyid grol lo nam mkha'i klong du grol
chos can grol lo rgya mtsho'i klong du grol
mi 'gyur grol lo ri rgyal klong du grol

27 gdod nas grol lo skye med klong du grol [183b]
phyam gcig grol lo ye sangs klong du grol
yongs grol grol lo ye rgyas klong du grol

Note

The whole of the twelfth chapter of Klong chen pa's Chos dbyings mdzod is devoted to the theme of primordial freedom (ye grol). The opening eight and last seven stanzas are given below.

by David Higgins