Passage

[386.3] de'ang rang lam kyi spangs rtogs mthar phyin pa'i cha nas gzhal te rdo rje theg pa'i thabs dang ldan pa rnams kyis gsang sngags kyi lam nas tshe gcig la dka' ba med par 'thob bya de 'thob pa'i myur khyad las 'bras bu'i ngo bo la mchog dman du mi 'dzin cing/ rdo rje 'chang gi sa dang dbye bsdu'i khyad par du 'dod pa dang/ yang slob dpon zhi ba 'tsho'i gzhung de nyid grub pa khungs su byas nas phar phyin rang lam gyis kyang sngags kyi rdo rje 'dzin pa thob par byas zin pa nyid la dpags na'ang chos kyi dbyings ni thams cad kyi khyab byed las mi 'pho'o/... [goes on to discuss special Vajrayāna bhūmis]

[388.2] de bzhin du nyi shu rtsa gcig tu dbye ba la sogs pa'i rnam par bzhag pa dpag tu med pa yod de/ de dag gi rang bzhin sku dang ye shes kyi yon tan gyi bdag nyid la gsungs pa las/ theg pa 'og ma ltar bgrod cing bsags pas thob pa'i rim pa mtho dman gyi bye brag la ma gsungs te/ chos kyi sku mtshan ma med pa'i dbyings ye nas dag mnyam chen po'i rang bzhin ye shes kyi dkyil 'khor rtsol ba med pa'i bdag nyid la bshad do/ de skad du paN+Di ta rong pas/

'bras bu la bye brag yod na ni
theg pa gsum du bsdu mi rung ngo zhes bshad do/

de ltar na'ang Bha nga la paN+Di tas [?]:

lam la nye ring byung na 'bras bu la bzang ngan ci nas kyang yod dgos pa yin/ nang pa sangs rgyas pa'i chos thams cad rgyu 'bras go ma log pa dgos zhes bshad pa'i phyir/ re zhig snga rabs kyi slob dpon rnams kyi 'dod pa'ang 'god bar bya na mai trI pas [ie. Advayavajra see under theg pa] pha rol tu phyin pa'i rang lam nas sangs rgyas mi thob par kha tshon bcad nas phar phyin bstan pa'i dgos pa sngags kyi lam stegs su bshad pa dang/ na ro pas pha rol tu phyin pa'i theg pa'i sgor zhugs pas kyang sangs rgyas thob ni thob ste/ gsang sngags dang gnyis kyi khyad par ni bde bar skyob pa dang/ myur skyob kyi byed pa yin no/

zhes pa 'di drangs nas [389 kun tu 'od kyi sa bas [11th bhūmi] da dung sngags lam la zhugs nas myur lam gyis bsgrub pa'i sangs rgyas gdod bsgrub dgos par 'chad de/ lung de'i don ni de tsam du 'grel bar mi mngon no/ de la mdo sngags gnyis rim gnyis la sogs pa'i rgyu la khyad par yod na/ 'bras bu la khyad par zhugs pa chos nyid de/ chu dang 'o mas bcus pa'i skyu ru ra bzhin no/ (Skyu ru ra is a sour fruit used to cure diseases of phlegm, bile and blood; ie. it has emulsifying properties and can therefore separate milk and water) zhes brtags nas mdo nas sa bcu pa sangs rgyas su bshad pa nye ba nyid la dgongs nas btags pa bar bshad pa dang mtshungs par/ sngags kyi 'bras bu rdo rje 'dzin pa la ltos nas bcu gcig pa yang nye ba nyid la dgongs nas btags pa bar 'dod pa bzhin du/ bcu gcig kun tu 'od kyi sa de ni bla na yod pa'i sangs rgyas nyi tshe ba dang/ bcu gsum rdo rje 'dzin pa'i go 'phang ni bla na med pa'i sangs rgyas bsam gyis mi khyab par 'dod pa'ang snang ngo

de la 'di ltar bshad par bya ste/ nges pa'i don du rgyu la khyad par yod pa'ang 'dod dka' ste/ rgyu bde gshegs snying po la zer na sems can kyi khams thams cad la khyab byed des khyab pa dang/ rim pa gnyis la zer na de gnyis kyang gcig shos ni thabs gcig shos ni shes rab yin pas pha rol tu phyin pa drug po la thabs dang shes rab gnyis kyi rang bzhin du gnas pa'i phyir sngags thabs myur shing/ shes rab zab pa'i khyad par las/ bsam gtan dang shes rab kyi ngang du bskyed rdzogs kyi ngo bo rdzas 'gal ba ma yin pa'i phyir ro/ de'i phyir de bzhin gshegs pa thams cad chos kyi dbyings su ro gcig pas ngo bo gcig pa'i don la ye shes kyi ngang du 'gal ba mi 'du'o/ rang sa'i lam nas mtshan dang dpe byad kyi sur byang chub pa'i rang bzhin rnam pa tha dad pa [390] dang/ gdul bya 'dul ba'i thabs dang phrin las kyi snang cha mdo dang sngags kyi bdul bya so so'i khams dang/ dbang po dang/ rnam par rig pa nyid dang mthungs par shar ba'i ye shes kun tu snang ba'i bdag nyid chen po/ kun tu 'gro ba can yin pas rnam rig gi don tha dad pa'ang 'gal ba'i tshul sangs rgyas zhes bya ba'i sgras rtogs par bya ste/..... (see under bcom ldan 'das for continuation)

[390.5] 'di ltar sangs rgyas thams cad kyi sku gsung thugs kyi rdo rje'i rang bzhin gang yin pa ni byang chub kyi sems yin la/ de ni rigs kyi sems dang/ rgyu'i gnas skabs kyi sems dang/ 'bras bu'i sems kyi bar du dbyer med par byang chub kyi rang bzhin so so ma yin tha mi dad pa nyid yin pas chos nyid kun tu 'gro ba rigs par bya'o/ de lta na'ang rnam snang mngon byang las/

rdzogs pa'i sangs rgyas gang 'das dang
da ltar byung ba'i rdzogs sangs rgyas
'gro la phan phyir [391] bzhugs pa gang
de dag kun gyi gsang sngags kyi
cho ga bzang po 'di mkhyen nas
dpa' bos byang chub shing drung du
thams cad mkhyen pa tshad med brnyes/

zhes bstan pa 'di brjod bya 'di dag gi don gyi chings chen po nyid bas/ thun mong ba'i lam sngon du song ba'am/ ma song yang rung ste/ sngags lam las dang po 'i tshe kun tu bzang po'i spyod pa khrel yod pa nyid la brten nas sngags la mos pas spyod pa'i lam brtul zhugs brtan par gnas 'gyur nas rang lam gyi cho ga sgra ji bzhin par nyams su len nus pa'i tshe/ khams gsum pa'i mthong ba dang bsgom pas bsdus pa'i 'dod chags rang mtshan pa ma yin kyang/ snyom 'jug gi sgrib par gyur pa'i nyon mongs pa cha phra mo zhig mdo lam la yod pa de/ sngags su pho nya'i lam dpa' bo byang chub sems kyi ljon pa'i shing/ a va dhu ti'i rtsa nang du thabs kyi cho ga zab mos sbyangs nas/ sngags kyis lam nye rgyu'i sbyor bas bgrod pa'i zhor la mdo lugs kyi sa lam kyang gud du bcad pa med phyir/ phan tshun ring thung bsdur ba lta bu'i ngos nas bgrod pa'o zhes brjod par mi nus kyang/ ngo bo la bzang ngan med par bgrod nas dag pa gnyis ldan gyi ngang du phyin pa ni/ dper na rta dang bong bu bgrod pa la myur bul yod kyang ngal stegs su gcig pa bzhin mdo sngags gnyis ka'i mthar thug gi thob bya gang yin pa de sngags kyi cho ga dang lam zab mos grub kyis/ gzhan gyis ma yin no zhes pa 'di don la gnas pa'o/ de las gzhan du 'bras bu la mchog dman yod med 'di dag ni so sor rtog pa'i shes rab las byung ba'i tshig bla dags su gyur pa gang zhig rang rang gi rnam par shes pa'i yul du [392] 'jug tu rung bar byas pa las sangs rgyas kyi rang bzhin bsam gyis mi khyab pa'i gnas su mi rung ba'i tshul mgon po byams pas/

sangs rgyas khams dang sangs rgyas byang chub dang
sangs rgyas chos dang sangs rgyas phrin las te
dag pa'i sems can kyis kyang bsam bya min
'di ni 'dren pa rnams kyi spyod yul so/ zhes gsungs pa'i phyir ro/

Note

In elaborating on the Vajrayāna bhūmis, and comparing these to the Sūtra bhūmis, 'Jigs med gling pa goes into a lengthy and illuminating discussion of the difference between the Sūtra and Tantra mārgas which have a common goal but differ in "methods" and duration.

by David Higgins