Passage

'dir skyes bu chen po'i lam ni snying rje chen po'i gzhan dbang du gyur pa yin na/ rang don tsam du gnas skabs kyi mngon mtho la dmigs pa'am/ tshe 'di la the thang du mi byed kyang/ phyi ma'i bde 'bras la dmigs pa skyes bu chung ngu khyad par ba'i sems dang/ bdag nyid 'khor ba las grol tsam pa'i thar pa'i go 'phang la dmigs pa can nyan rang gi blo can skyes bu 'bring gi lam [474] gnyis las kyang log nas/ bdag cag gi ston pas dang por thugs bskyed pa dang/ bar du tshogs bsags pa dang tha mar mngon par rdzogs par sangs rgyas nas chos gsungs pa thams cad sems can kho na'i don du bsgrubs pa bzhin du rang don yal bar dor nas sems can thams cad sdug bsngal zad par bya ba'i don du bkres pas zas 'tshol ba dang/ tshad nad can skom gyis gdung ba bzhin du pha rol tu phyin pa drug dang/ rim gnyis kyi lam la bslabs nas sangs rgyas thob par 'dod pa ni lhag pa'i bsam pa byang chub kyi sems rin po che'i mtshan nyid yin te/ mngon po byams pas

sems bskyed pa ni gzhan don phyir
yang dag rdzogs pa'i byang chub 'dod/ ces so/

Note

In this passage, 'Jigs med gling pa succinctly summarizes the path of the superior individual according to the standard typology (see skyes bu gsum).

by David Higgins