Passage

de lta bu'i byin rlabs kyis rgyal ba rnams kyi sku gsung thugs mi zad pa rgyan gyi 'khor lo'i yon tan lhun gyis rdzogs par grub pa ste/ 'di ltar sku'i gsang ba bsam gyis mi khyab pa dang/ gsung gi gsang ba bsam gyis mi khyab pa dang/ thugs kyi gsang ba bsam gyis mi khyab pa ste gsum ka'ang mi zad cing rnam pa thams cad pa'o/ de la sku'i gsang ba bsam gyis mi khyab pa ni/ de'i mtha' sa bcu'i dbang phyug gis kyang rtogs par mi nus la rnam pa thams cad pa yin pas sku gang la gang 'dul du ston pa dang/ gsung rigs drug gi skad du chos ston pa dang/ thugs shes bya ji lta ba dang ji snyed pa'i ye shes skad cig gis mkhyen pas rnam pa thams cad mkhyen pa'i ye shes zhes kyang bya'o/ rgyan zhes bya ba ni rang gzhan gnyis ka la mdzes pas rgyan dang/ 'khor lo ni mdzad pa'i phrin las rgyun mi 'chad pas 'khor lo ste don byed pa dang byas pa gnyis ka'i rgyan 'khor ba ma stongs kyi bar du rtag pa rgyun gyi 'khor lor yod pas so/ de bas na yi ge 'khor lo tshogs chen gyis 'am/ thabs dang shes rab mchog gis/ zhes grags so/

Note

In introducing the subject of dbang bskur, 'Jigs med gling pa indicates how the ten levels and pāramitās are spontaneously realized and goes on to specify the meaning of the important Mantrayāna technical term sku gsung thugs mi zad pa rgyan gyi 'khor lo. (See also 52.2)

by David Higgins