- klu sgug
- ID:
- T4226
- ཀླུ་སྒུག (Tibetan, Tibetan script, Original)
- > klu sgug (Tibetan, Latin script, Transliteration-THL Extended Wylie Transliteration)
- > luguk (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
འདི་ལྷ་ས་གྲོང་ཁྱེར་གྱི་ནུབ་བརྒྱུད་གཡུ་ཐོག་ཟམ་པའི་ཉེ་འདབས་སུ་ཡོད་པའི་ས་ཆའི་མིང་། འདིར་ཤོད་སྲོལ་ལ་ཇོ་བོ་ཤཱཀྱ་མུ་ནེ་དང་པོ་མི་ཡུལ་ནས་ཀླུ་ཡུལ་དུ་ཕེབས་པ་དང་། དེ་ནས་སླར་ཡང་རྒྱ་གར་ནུབ་ཕྱོགས་ཨོ་རྒྱན་གྱི༌ཡུལ་དུ་གདན་དྲངས་ཤིང་། དེ་ནས་རྒྱ་གར་ཤར་ཕྱོགས༌དང་། རྒྱ་ནག་ཏུ་གདན་དྲངས་ནས་མཐར་རྒྱལ་པོ་སྲོང༌བཙན་སྒམ་པོའི་སྐབས་བོད་དུ་གདན་དྲངས་པ་དེའི་སྐོར་ཞིབ་ཆ་ཇོ་ཤཱཀ་རྣམ་གཉིས་ཞེས་པའི་འགྲེལ་བཤད་ནང༌གསལ་ཞིང་། ཇོ་བོ་ཤཱཀྱ་མུ་ནི་ཀླུ་ཡུལ་ནས་མི་ཡུལ་དུ་གདན་འདྲེན་ཞུ་ཁར་ཀླུའི་རྒྱལ་པོས་ཇོ་བོ་ཤཱཀྱ་མུ་ནི་མཐའ༌མཇུག་ཀླུ་ཡུལ་དུ་ཕྱིར་ཕེབས་གནང་དགོས་པའི་ཞུ་བ་ཕུལ༌བ་ལྟར་ཞལ་གྱིས་བཞེས་པ་དང་། ཇོ་བོ་བོད་དུ་གདན༌འདྲེན་ཞུས་པའི་རྗེས་བྲག་ལྷ་ཀླུ་སྒུག་བྲག་གི་ལྡེབས་སུ་ཀླུའི༌རང་བྱོན་བྱུང་སྟེ། ཀླུའི་ལག་པ་དཔྲལ་བ་ལ་བཞག་ནས་བྱ༌ར་བྱེད་པའི་བཟོ་དབྱིབས་ཡོད་པ་དེ་ནི་ཇོ་བོ་ཀླུ་ཡུལ་དུ༌ནམ་ཕེབས་ཀྱི་དུས་ཚོད་སྒུགས་ནས་བསྡད་པ་ཡིན་པས་ཀླུ་སྒུགས་ཞེས་འབོད་པ་ཡིན་ཀྱང་། རྗེས་སུ་ཀླུ་སྒུགས་ཞེས་པ༌སྒྲ་འགྱུར་ནས་ཀླུ་སྦུགས་ཞེས་འབོད་པ་ཡིན་ཚུལ་དང་། ལྷ༌སའི་གཙུག་ལག་ཁང་གི་ཇོ་བོ་ཀླུ་ཡུལ་དུ་ཕེབས་པའི་རྟགས༌མཚན་དུ་ཀླུ་སྒུགས་བྲག་ལྡེབས་སུ་ཡོད་པའི་ཇོ་བོ་དེ་ཡང་སྐུ༌གཟུགས་ཡོངས་རྫོགས་རིམ་བཞིན་འབུར་དུ་ཐོན་ནས་ཇོ་བོ་ཤཱཀྱ་མུ་ནེའི་སྐུ་ཚབ་ཡིན་ཟེར་སྲོལ་ཡོད།
- language:
- Tibetan
2. Thupten Phuntsok Dictionary
འདི་ལྷ་ས་གྲོང་གྱི་ནུབ་བརྒྱུད་གཡུ་ཐོག་ཟམ་པའི་ཉེ་འདབས་སུ་ཡོད་པའི་ས་ཆའི་མིང་། འདིར་ཤོད་སྲོལ་ལ་ཇོ་བོ་ཤཱཀྱ་མུ་ནེ་དང་པོ་མི་ཡུལ་ནས་ཀླུ་ཡུལ་དུ་ཕེབས་པ་དང་། དེ་ནས་སླར་ཡང་རྒྱ་གར་ནུབ་ཕྱོགས་ཨོ་རྒྱན་ཡུལ་དུ་གདན་དྲངས་ཤིང་། དེ་ནས་ཇོ་བོ་བོད་དུ་གདན་འདྲེན་ཞུས་པའི་རྗེས་བྲག་ལྷ་ཀླུ་སྒུག་བྲག་གི་ལྡེབས་སུ་ཀླུའི་སྐུ་རང་བྱོན་བྱུང་སྟེ། རྗེས་སུ་ཀླུ་སྒུགས་ཞེས་པ་སྒྲ་འགྱུར་ནས་ཀླུ་སྦུགས་ཞེས་འབོད་པ་ཡིན།
- language:
- Tibetan