- rgod tshang pa mgon po rdo rje/
- ID:
- T37791
- རྒོད་ཚང་པ་མགོན་པོ་རྡོ་རྗེ (Tibetan, Tibetan script, Original)
- > rgod tshang pa mgon po rdo rje/ (Tibetan, Latin script, Transliteration-THL Extended Wylie Transliteration)
- > götsang pamgön podojé (Tibetan, Latin script, Transcription-THL Simplified Tibetan Transcription)
The founder of the rwa lung branch of the bka' rgyud school. (b. 1189, d. 1258)
- language:
- English
- Author:
- Chris Hatchell
Other Dictionaries
2. gangs can mkhas grub rim byon ming mdzod
ཁོང་ནི་རབ་བྱུང་གསུམ་པའི་ས་མོ་བྱ་ལོ་སྟེ་སྤྱི་ལོ 1189 ལོར་ལྷོ་བྲག་དོལ་པོ་ལུ་ཆུང་དུ་ཡབ་ཆུ་ཆལ་མོན་གྲགས་དང་། ཡུམ་ཟུག་མོ་དཔལ་རྒྱན་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཞི་པའི་ས་ཕོ་རྟ་ལོ་སྟེ་སྤྱི་ལོ 1258 ལོར་སྐུ་གཤེགས། དགུང་ལོ་ཆུང་དུས་སྐུ་མཛེས་པས་ཀུན་གྱི་ཡིད་དུ་འོང་། གསུང་སྙན་པས་གླུ་ལ་མཁས། ཐུགས་འགྲོགས་བདེ་བས་གཞོན་པའི་དུས་བྲོ་དཔོན་མཛད། དེ་ནས་སློབ་དཔོན་ཝ་ཞྭ་ལས་ལམ་རིམ་དང་། སློབ་དཔོན་ཞང་ལས་འགྲེལ་ཆུང་། སློབ་དཔོན་སྟོད་ལས་དབུ་མ། སློབ་དཔོན་ཡུ་པི་བ་ལས་སྤྱོད་འཇུག་གསན་ཏེ་ཕལ་ཆེར་ཚར་རེས་མཁྱེན་པ་བྱུང་། དེ་ནས་ར་ལུང་དུ་ཕེབས་ཏེ་འགྲོ་མགོན་གཙང་པ་རྒྱ་རས་དང་མཇལ་ནས་རབ་ཏུ་བྱུང་། སྐྱབས་འགྲོ། སེམས་བསྐྱེད་ཆེན་མོ། རྣམ་འབྱོར་བཞི། ལྷན་ཅིག་སྐྱེས་སྦྱོར། ཐབས་ལམ་གྱི་ཁྲིད། རོ་སྙོམས་ཀྱི་དམིགས་པ་མང་པོ། རབས་བདུན། ཆིག་ཆོག གསང་སྤྱོད། རྩ་ལྷུང་བཅུ་བཞི་པ་ལ་སོགས་དམ་ཚིག་གི་ཆོས་སྐོར་དང་། སྒྲུབ་ཐབས་བཅུ་གསུམ་མ་ལ་སོགས་པ་ཐམས་ཅད་ཀྱི་དབང་ལུང་ཁྲིད་གསུམ་གསན། དེ་ནས་འབྲི་གུང་། རྭ་སྒྲེང་། ཚལ་པ། སྟག་ལུང་གི་དགོན་གནས་སོགས་སུ་ཕེབས་ནས་ཆོས་འབྲེལ་ཞུས། བླ་མ་རྒྱ་རས་པའི་བཀའ་ལྟར་ལྷོ་བྲག་འཁར་ཆུ་དང་། གངས་དཀར་ཏི་སེ། ཙཱ་རི། ཛ་ལན་དྷ་ར་སོགས་སྒྲུབ་གནས་ཁྱད་པར་ཅན་རྣམས་སུ་དཀའ་སྤྱད་ལོ་[357]མང་མཛད། སྟོད་རྒོད་ཚང་དང་། སྟེང་འབྲོ། གཉའ་ནམ། བདེ་ཆེན་སྟེང་། བར་འགྲོག་རྡོ་རྗེ་གླིང་སོགས་སུ་དགོན་གནས་གསར་འདེབས་མཛད། འབྲུག་པ་བཀའ་བརྒྱུད་ཀྱི་བསྟན་པ་ཉི་མ་ཤར་བ་ལྟར་གསལ་བར་མཛད། ཁོང་གི་སློབ་མའང་རང་ལས་མཁས་པའི་བུ་ཆེན་ཨུ་རྒྱན་པ་དང་། རང་དང་མཉམ་པའི་བུ་ཆེན་བརྒྱད་དེ། དཔལ་ལྡན་ཡང་དགོན་པ། ནེ་རིངས་པ། བ་རི་བ། ཕུ་རི་བ། མ་བདུན་པ། མོད་བོ་ཆེ་བ། གངས་པ། སྤྱི་དཀར་བའོ། དེ་མིན་བྱང་ཆུབ་གླིང་པ་སོགས་མཁས་ཤིང་གྲུབ་པ་ཐོབ་པའི་སློབ་མ་མང་དུ་བྱོན། ཁོང་གི་གསུང་རྩོམ་ནི་རྣམ་ཐར་དང་། མགུར། ཆབ་ཤོག སྒྲུབ་ཐབས་ཉམས་ལེན་གྱི་སྐོར་བཅས་པོ་ཏི་བཞི་བཞུགས་སོ། །
- language:
- Tibetan
- Grammars:
- Language: