- grub chen chos kyi rdo rje/
- ID:
- T29406
- གྲུབ་ཆེན་ཆོས་ཀྱི་རྡོ་རྗེ (Tibetan, Tibetan script, Original)
- > grub chen chos kyi rdo rje/ (Tibetan, Latin script, Transliteration-THL Extended Wylie Transliteration)
- > drupchen chökyi dorjé (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
-
Drubchen Chökyi Dorje (fifteenth century); one of the six siddhas of the Ganden Mahamudra
- language:
- English
-
Drubchen Chökyi Dorje (15th century), one of the six siddhas of the Ganden Mahamudra tradition
- language:
- English
2. gangs can mkhas grub rim byon ming mdzod
ཁོང་ནི་རབ་བྱུང་བརྒྱད་པའི་མེ་མོ་གླང་ལོ་སྟེ་སྤྱི་ལོ 1457 ལོར་མདོ་སྨད་ཙོང་ཁའི་ཡུལ་དུ་ཡབ་ཀུན་དགའ་རྒྱལ་པོ་དང་། ཡུམ་དཔལ་འཛོམས་ཞེས་བྱ་བའི་བྱ་བྲལ་ཕོ་མོ་གཉིས་དབུས་གཙང་དུ་གནས་སྐོར་ལ་འོངས་པའི་སྐབས་སུ་རྟ་ནག་རྡོ་རྗེ་གདན་དུ་སྐུ་འཁྲུངས། འདས་ལོ་མི་གསལ་ན་ཡང་རབ་བྱུང་དགུ་པའི་ལྕགས་མོ་སྦྲུལ་ལོ་སྟེ་སྤྱི་ལོ 1521 ལོར་དབེན་ས་བློ་བཟང་དོན་གྲུབ་ལ་དགེ་ལྡན་སྙན་བརྒྱུད་དམ་དབེན་ས་སྙན་བརྒྱུད་གནང་ཞིང་སྤྲུལ་པའི་གླེགས་བམ་ཡང་གནང་། ཁོང་དགུང་ལོ་བཅུ་གཅིག་པར་ཡབ་ཡུམ་གཉིས་ཀྱིས་ཁྲིད་ནས་གནས་ཆེན་སོ་སོར་མཇལ་ཞིང་རིམ་གྱིས་དགའ་ལྡན་རྣམ་པར་རྒྱལ་བའི་གླིང་དུ་བྱོན་ཏེ་ཐོག་མར་བ་སོ་ཆོས་ཀྱི་རྒྱལ་མཚན་དང་མཇལ་བ་ན། ཆོས་རྗེ་འདི་བས་ཡབ་ཡུལ་གཉིས་ལ་འཇིག་རྟེན་དང་མཐུན་པའི་[277]བདག་རྐྱེན་དཔག་ཏུ་མེད་པ་གནང་ནས་བུ་འདི་ང་ལ་བྱིན་ཅིག་ཅེས་གསུངས་པས་ཡབ་ཡུམ་གཉིས་ཀྱིས་དགའ་སྤྲོའི་ངང་ནས་ཕུལ། དེ་ནས་བཟུང་བ་སོ་ཆོས་རྗེས་གཅེས་པར་བསྐྱངས་ཤིང་རབ་ཏུ་བྱུང་སྟེ་མཚན་ལ་ཆོས་ཀྱི་རྡོ་རྗེ་ཞེས་གསོལ། མདོ་རྒྱུད་ཀྱི་གསུང་རབ་མཐའ་དག་ལ་སྦྱངས་པ་ཕུལ་དུ་ཕྱིན་པ་མཛད་ཅིང་། ལྷག་པར་དུ་བྱང་ཆུབ་ལམ་གྱི་རིམ་པའི་དམིགས་སྐོར་དང་། གསང་བདེ་འཇིགས་གསུམ། དུས་འཁོར་དང་བཅས་རྒྱུད་སྡེ་བཞིའི་དབང་ལུང་མན་ངག་ཡོངས་སུ་རྫོགས་པར་གསན། དགེ་ལྡན་སྙན་བརྒྱུད་དང་སྤྲུལ་པའི་གླེགས་བམ་བཅས་པ་ཆོས་རྗེས་ཁོང་ལ་གཏད་ནས་བཀའ་རྒྱ་དམ་པོར་མཛད། དེ་ནས་འབྲས་སྤུངས་སུ་ཕེབས་ཏེ་མཁས་དབང་བདེ་ལེགས་སྟོབས་ལྡན་དང་སློབ་དཔོན་ཉི་མ་གཉིས་ལས་བསྙེན་པར་རྫོགས་ཤིང་དབུ་ཕར་གཙོ་བྱས་པའི་གཞུང་ཆེན་རྣམས་ལ་སྦྱངས་པ་དཔྱིས་ཕྱིན་པ་མཛད་ཅིང་གཙང་དུ་བྱོན། འདུལ་འཛིན་བློ་གྲོས་སྦས་པ་ལས་འདུལ་བའི་སྐོར་ཡོངས་སུ་རྫོགས་པ་གསན། དེ་ནས་བ་སོ་ཆོས་རྗེའི་བཀའ་ལྟར་གངས་དང་། རི་སུལ། ནགས་ཁྲོད་སོགས་སུ་འགྲིམས་ཏེ་མདོ་སྔགས་ཀྱི་ལམ་ཡོངས་སུ་རྫོགས་པ་ལ་སྒྲུབ་པ་སྙིང་པོར་མཛད་པས་ཉམས་རྟོགས་ཀྱི་ཡོན་ཏན་གོང་ནས་གོང་དུ་འཕེལ་བར་གྱུར། ཁྱད་པར་དུ་སྔོན་བྱོན་སྐྱེས་བུ་དམ་པ་མང་པོ་གྲུབ་པ་བརྙེས་པའི་གནས་ཆེན་བ་སྣམ་ཇོ་མོའི་ལྷ་རིའི་གསང་ཆེན་གྲུབ་པའི་གནས་པདྨ་ཅན་དུ་སྒྲུབ་པ་ལྷུར་བཞེས་པས་བསྐྱེད་རིམ་མཐར་ཕྱིན་ཏེ་རྫོགས་རིམ་ལ་ཆིག་སྒྲིལ་མཛད་པས་འོད་གསལ་དང་སྒྱུ་ལུས་དངོས་སུ་གྲུབ། ཁོང་གིས་དགེ་ལྡན་སྙན་[278]བརྒྱུད་དང་སྤྲུལ་གླེགས་བམ་བཅས་སྲས་ཀྱི་ཐུ་བོ་དབེན་ས་བློ་བཟང་དོན་གྲུབ་ལ་གཏད་ནས་ཆོས་ཀྱི་རྒྱལ་ཚབ་ཏུ་དབང་བཀུར་རོ། ཁོར་གི་མཚན་གཞན་ལ་དབེན་ས་སྨྱོན་པ་ཞེས་ཞུའོ།།
- language:
- Tibetan