- gri gum btsan po/
- ID:
- T29056
- གྲི་གུམ་བཙན་པོ (Tibetan, Tibetan script, Original)
- > gri gum btsan po/ (Tibetan, Latin script, Transliteration-THL Extended Wylie Transliteration)
- > drigum tsenpo (Tibetan, Latin script, Transcription-THL Simplified Tibetan Transcription)
Other Dictionaries
1. Ives Waldo Dictionary
-
king {gri gum btsan po [srib khri btsan po's son sngar bod rgyal stod kyi steng gnyis kyi gras shig yin pa 'di la sras sha khri dang, bya khri, nya khri and 1 daughter, phyis minister lo ngam rta rdzis bkrongs, in Tibet sku phung sa 'og tu sbas pa'i tradition's beginning, rgyal po de'i ring la CH gi go khrab smar khams brgyud drangs to T]
- language:
- English
-
king {gri gum btsan po
- language:
- English
3. bod rgya tshig mdzod chen mo
[398] སྲིབ་ཁྲི་བཙན་པོའི་སྲས་སྔར་བོད་རྒྱལ་སྟོད་ཀྱི་སྟེང་གཉིས་ཀྱི་གྲས་ཤིག་ཡིན་པ་འདི་ལ་སྲས་ཤ་ཁྲི་དང། བྱ་ཁྲི། ཉ་ཁྲི་དང་སྲས་མོ་གཅིག་བཅས་ཡོད་ཅིང། ཕྱིས་བློན་པོ་ལོ་ངམ་རྟ་རྫིས་བཀྲོངས། བོད་དུ་སྐུ་ཕུང་ས་འོག་ཏུ་སྦས་པའི་སྲོལ་གྱི་འགོ་ཚུགས། རྒྱལ་པོ་དེའི་རིང་ལ་རྒྱ་ནག་གི་གོ་ཁྲབ་སྨར་ཁམས་བརྒྱུད་བོད་ལ་དྲངས། ...
- language:
- English
4. dung dkar bod rig pa'i tshig mdzod chen mo
(དྲི་གུམ་བཙན་པོ་ཞེས་པའང་སྣང)བོད་རྒྱལ་བརྒྱད་པ། བར་རམ་སྟོད་ཀྱི་སྟེང་གཉིས་ཀྱི་ཡ་གྱལ། ཡོངས་གྲགས་ཀྱི་རྒྱལ་རབས་ཆོས་འབྱུང་མང་ཆེ་བའི་ནང་འདི་ཉིད་ཡབ་སྲིབ་ཁྲི་བཙན་པོ་དང་ཡུམ་ས་བཙུན་རླུང་རྗེའི་སྲས་ཡིན་ཞེས་འཁོད་རུང༌། ལོ་རྒྱུས་ཡིག་ཚང་འགར་འདི་ཉིད་ཡཱབ་ཁྲི་སྤེ་བཙན་པོ་དང་ཡུམ་སྨན་ཁྲི་ཕྱུག་མོ་གཉིས་ཀྱི་སྲས་དང༌། གནམ་གྱི་ཁྲི་བདུན་གྱི་ཐ་མ་ཡིན་པར་གསུངས། འདི་ཉིད་ཐོག་མར་འཁྲུངས་སྐབས་མ་མས་མཚན་འདོགས་ཉེས་ཤོར་ཏེ་གྲི་གུམ་བཙན་པོ་ཞེས་བཏགས་པས་ནར་སོན་སྐབས་ཐུགས་ལ་གདོན་འདྲེ་ཞུགས་ཤིང་ཐུགས་རྒྱལ་དང་ཁེངས་དྲེགས་གནོན་མ་ཐུབ་པར་ཡབ་འབངས་ཕ་ཚན་དགུ་དང༌། ཡུམ་འབངས་རུས་ཚན་གསུམ་ཀུན་ལ་བཙན་བཤེད་ཀྱིས་ངའི་དགྲ་ཟླར་ལངས་ཏེ་འཐབ་ཕོད་པ་སུ་ཡོད་ཅེས་བཀའ་ཕབ། ལོ་ངམ་རྟ་རྫི་བྱ་བས་འཐབ་མི་ཕོད་ཅེས་ཇི་ལྟར་གསོལ་ཡང་མ་གསན་པར་མཐར་ལོ་ངམ་རྟ་རྫིས་ཐབས་ལ་བརྟེན་ནས་བཙན་པོ་བཀྲོངས་པ་དང༌། སྤུར་ཟངས་ཆེན་ཁ་སྦྱོར་གྱི་ནང་དུ་བཅུག་སྟེ་གཙང་ཆུའི་གཞུང་ལ་བསྐྱུར་བ་ཀོང་པོར་ཐོན་ཏེ་དེར་བང་སོ་བརྩིགས་པ་དེ་བང་སོའི་ཐོག་མ་ཡིན། བོན་གྱི་ལོ་རྒྱུས་ནང་དེ་སྐབས་བཙན་པོའི་གོང་དུ་སྐུ་གཤེན་ཆེ་བའི་སྲོལ་ཆགས་པར་བརྟེན་བློན་པོ་ལི་བཙན་བཤེར་སོགས་ཀྱིས་ཡང་ཡང་གསོལ་བ་ལྟར་བཙན་པོ་འདིས་སྐུ་སྲུང་བའི་བོན་ཙམ་ལས་གཤེན་པོ་ཐམས་ཅད་མཐའ་ལ་སྤྱུགས་ནས་བོན་བསྣུབས་ཚུལ་འཁོད་ཡོད། རྒྱལ་པོ་འདིའི་སྐུ་དུས་སུ་གོ་ཁྲབ་རལ་གྲི་ཐོག་མར་དར་ཞེས་གྲགས། སྐུ་གཤེན་ཅོའུ་ཚེམས་དཀར་གྱིས་བྱས། གསས་མཁར་ས་ལེ་བྱེལ་ཚང་བཞེངས། གླུ་སྲིང(ཀླུ་བཙན་ཞེས་པའང་སྣང)མེར་ལྕམ་མམ་དབལ་བཟའ་ཁྲི་བཙུན་ཁབ་ཏུ་བཞེས་པར་སྲས་ཤ་ཁྲི(གཅེན་པོ་ཤ་ཁྲིས་ཀོང་པོའི་རྒྱལ་པོ་མཛད)བྱ་ཁྲི་(འབྲིང་པོ་བྱ་ཁྲིས་སྤུ་བོའི་རྒྱལ་པོ་མཛད་དེ་ཡར་ལུང་དུ་གདན་དྲངས་ཏེ་སྤུ་དེ་གུང་རྒྱལ་ཞེས་མཚན་གསོལ)ཉ་ཁྲི(གཅུང་པོ་ཉ་ཁྲིས་ཉང་པོའི་རྒྱལ་པོ་མཛད)སྲིང་མོ་གཅིག་བཅས་ལྕམ་སྲིང་བཞི་འཁྲུངས་ཞེས་དང༌། གཞན་ཡང་སྲས་ཉ་ཁྱི་དང་ཤ་ཁྱི་གཉིས་འཁྲུངས་ཞེས་གསུང་ཚུལ་མི་འདྲ་བའང་མཆིས། དེ་ལས་ཅུང་རྒྱས་ཙམ་གཟིགས་པར་འདོད་ན<<བོད་ལྗོངས་ཞིབ་འཇུག>>༡༩༨༥ལོའི་དུས་དེབ་ཨང་བཞི་པར་གཟིགས།
- language:
- Tibetan
5. Thupten Phuntsok Dictionary
སྲིབ་ཁྲི་བཙན་པོའི་སྲས་སྔར་བོད་རྒྱལ་སྟོད་ཀྱི་སྟེང་གཉིས་ཀྱི་གྲས་ཤིག་ཡིན་པ་འདི་ལ་སྲས་ཤ་ཁྲི་དང་། བྱ་ཁྲི། ཉ་ཁྲི་དང་སྲས་མོ་གཅིག་བཅས་ཡོད་ཅིང་། ཕྱིས་བློན་པོ་ལོ་ངམ་རྟ་རྫིས་བཀྲོངས། བོད་དུ་སྐུ་ཕུང་ས་འོག་ཏུ་སྦས་པའི་སྲོལ་གྱི་འགོ་ཚུགས།
- language:
- Tibetan
6. smon lam tshig mdzod chen mo
སྲིབ་ཁྲི་བཙན་པོའི་སྲས་སྔར་བོད་རྒྱལ་སྟོད་ཀྱི་སྟེང་གཉིས་ཀྱི་གྲས་ཤིག་ཡིན་པ་འདི་ལ་སྲས་ཤ་ཁྲི་དང༌། བྱ་ཁྲི། ཉ་ཁྲི་དང་སྲས་མོ་གཅིག་བཅས་ཡོད་ཅིང༌། ཕྱིས་བློན་པོ་ལོ་ངམ་རྟ་རྫིས་བཀྲོངས། བོད་དུ་སྐུ་ཕུང་ས་འོག་ཏུ་སྦས་པའི་སྲོལ་གྱི་འགོ་ཚུགས། རྒྱལ་པོ་དེའི་རིང་ལ་རྒྱ་ནག་གི་གོ་ཁྲབ་སྨར་ཁམས་བརྒྱུད་བོད་ལ་དྲངས།
- language:
- Tibetan
7. gangs can mkhas grub rim byon ming mdzod
ཁོང་ནི་སྤྱི་ལོ་སྔོན་གྱི་དུས་རབས་གཉིས་པའི་ནང་དུ་ཡབ་རྒྱལ་པོ་སྲིབ་ཁྲི་བཙན་པོ་དང་། ཡུམ་ས་བཙུན་ཀླུ་རྗེ་གཉིས་ཀྱི་སྲས་སུ་སྐུ་འཁྲུངས། ཁོང་གི་སྐུ་གཤེན་ནི་ཅོའུ་ཚེམས་དཀར་གྱིས་མཛད། གསས་མཁར་ས་ལེ་བྱེལ་ཚང་བཞེངས་ཏེ་བཙུན་མོ་ཀླུ་སྲིང་མེར་ལྕམ་ཁབ་ཏུ་བཞེས་ཏེ་རིགས་སྲས་ཤ་ཁྲི་དང་། བྱ་ཁྲི། ཉ་ཁྲི་གསུམ་སྐུ་འཁྲུངས། [275] བོན་གྱི་མཛོད་སྒྲ་འགྲེལ་སོགས་ལས་ “གཤེན་ངག་ཚིག་གསུམ་མ་བྱུང་བར། རྒྱལ་པོས་བཀའ་མི་སྩོལ། བློན་པོས་གྲོས་མི་འཆའ། གཤེན་གླུ་དེང་གསུམ་མ་བླངས་བར། རྒྱལ་བློན་གླུ་བྲོ་མི་རོལ།” ཞེས་པ་ལྟར་རྒྱལ་གཤེན་དོ་མཉམ་པར་གྱུར་པས་བློན་པོ་ལི་བཙན་བཞེར་སོགས་ཀྱིས་བཙན་པོ་ལ་གསོལ་བ་ “དབུའི་ཞྭ་ཆེ་ན་ལུས་པོ་རྔུལ་གྱིས་ལྗིད། ཟས་ཞིམ་པོ་མྱངས་དྲགས་ན་སྐྱུག་བྲོ། ཤིག་འཁྱམས་རྐང་ལ་ཞུགས་ནས། སྤྱི་བོའི་གཙུག་རྙོག” ཞེས་དང་། “དུས་ད་ལྟ་རྒྱལ་གཤེན་དོ་མཉམ་ཙམ་དུ་གདའ་སྟེ། དུས་ལན་གཅིག་ཙམ་ན། སྲས་དབོན་རྣམས་ཀྱི་སྐུ་རིང་ལ། རྒྱལ་སྲིད་བོན་པོས་འཁྱེར་བར་མཆིའོ” ཞེས་དང་། “བོན་ལ་ཆབ་གསོལ་བར (གསོད་པའི་དོན) བཀའ་མི་ཕེབས་པས། གཤེན་པོ་མཐའ་རུ་སྒྱུགས་པའི་བཀའ་མཆིད་བསྲིང་བར་ཞུ།” ཞེས་ཡང་ཡང་གླེངས་པས་བཙན་པོས་བདེན་པར་བསམས་ཏེ་བོན་གྱི་བསྟན་པ་བསྣུབས་པའི་ཁྲོད་ནས་ལོ་ངམ་རྟ་རྫི་སོགས་ཀྱིས་བཀྲོངས་ནས་རྒྱལ་སྲིད་རེ་ཞིག་ལོ་ངམ་རྟ་རྫིས་བཟུང་། ཁོང་གི་བང་སོ་ནི་གཡང་ཏོ་བླ་འབུས་ཀྱི་མགུར་དུ་བཏབ་སྟེ་དབྱིབས་ནི་བ་བཟླུམས་པོར་བརྩིགས། ལ་ལས་འཕྱིངས་ཡུལ་དར་ཐང་དུ་བང་སོ་བརྩིགས་ཞེས་ཀྱང་འཁོད་འདུག་གང་ལྟར་ཡང་བཙན་པོའི་སྐུ་གདུང་དུར་དུ་སྦས་པའི་སྲོལ་ཐོག་མར་ཚུགས། ཁོང་ནི་སྟོད་ཀྱི་སྟེང་གཉིས་ལས་དང་པོ་ཡིན་ནོ།།
- language:
- Tibetan