1. gangs can mkhas grub rim byon ming mdzod

ཁོང་ནི་རབ་བྱུང་བཅུ་བཞི་པའི་ཆུ་མོ་ཡོས་ལོ་སྟེ་སྤྱི་ལོ 1843 ལོར་སྨད་ཕྱོགས་ཨོར་ཏུ་སུ་ཇ་སག་ཧོ་ཤུ་ཆ་གོལ་དུ་སྐུ་འཁྲུངས། འདས་ལོ་མི་གསལ། ཁོང་སྐུ་འབུམ་རང་སྒར་དུ་གདན་སར་བཀོད་དེ་དཔལ་ལྡན་བཤད་སྒྲུབ་གླིང་གི་ཆོས་སྒོར་ཞུགས་ཏེ་བཀའ་བོད་ལྔའི་གཞུང་དོན་གཏན་ལ་འབེབས་པའི་གསན་སྦྱོང་རྡོ་རུས་ཐུབ་པར་གནང་ཞིང་ཚོགས་ལངས་ཀྱང་ཁ་ཡར་བཞེངས། དེ་ནས་དཔལ་ལྡན་གསང་སྔགས་རྒྱུད་པ་གྲྭ་ཚང་གི་ཆོས་སྒོར་ཞུགས་ཤིང་གསང་ཆེན་རྡོ་རྗེ་ཐེག་པའི་གཞུང་ལ་སྦྱངས་པ་ཕུལ་དུ་ཕྱིན་པ་མཛད། རབ་བྱུང་བཅོ་ལྔ་པའི་ཤིང་མོ་ཕག་ལོ་སྟེ་སྤྱི་ལོ 1875 ལོར་དུས་འཁོར་དཔོན་སློབ་ཀྱི་ཁྲི་ལ་བཞུགས། ལོ་དེར་ཆེ་ཤོས་སྒར་བ་ནས་དོང་ཙེ་ཆོན་བརྒྱ་ལྷག་གིས་གཞིར་བྱས་སྟེང་། ཕྱོགས་ཀྱི་དཀར་ཐིག་ཡོང་བ་ཁྱོན་བསྡོམས་དངུལ་སྲང་བརྒྱ་དང་བརྒྱད་ཅུ་ལྷག་དང་། དོང་ཙེ་ཆོན་ཆིག་སྟོང་དགུ་བརྒྱ་དྲུག་ཅུ་ལྷག་པའི་རྒྱུ་སོང་གིས་འདུ་ཁང་གྱན་གྲངས་ཉེར་ལྔ་ཀ་རིང་མེད་པའི་རིམ་པ་གཅིག་པ་ཁྱམས་ར་དང་བཅས་པ་གསར་བསྐྲུན་དང་། མཆོད་ཆ་གྲལ་གདན་སོགས་ལེགས་པར་བསྒྲིགས་ནས་གྲྭ་ཚང་རང་གི་འདུ་ཁང་ནང་དུ་རྒྱུན་འཚོགས་མཛད། དེ་ནས་རྒྱུད་པ་མཁན་པོའི་ཁྲི་ལ་བཞུགས་ཤིང་ཆོས་སྲིད་གཉིས་ཀྱི་སྒོ་ནས་གྲྭ་ཚང་ལེགས་པར་[1925]བསྐྱངས། སྐྱབས་རྗེ་ཤིང་བཟའ་རྡོ་རྗེ་འཆང་ལས་དབང་དང་རྗེས་གནང་སོགས་ཀྱི་རྒྱུན་མང་དུ་གསན་ཞིང་ཐོས་དོན་རང་རྒྱུད་ལ་བསྐོར་བའི་བསམ་བྱུང་ལ་བརྟེན་པའི་ཉམས་ལེན་མཛད། ཁྲི་ཟུར་ནས་རང་ཡུལ་དུ་བྱོན་ཏེ་དགོན་སྒྲུབ་སྡེ་རྣམས་ལ་འཛིན་སྐྱོང་དང་དད་ལྡན་གདུལ་བྱ་ཡོངས་ལ་ཟབ་རྒྱས་ཆོས་ཀྱི་བདུད་རྩི་རིས་མེད་དུ་བསྩལ་བར་མཛད། ཁོང་ནི་སྐུ་འབུམ་དུས་འཁོར་དཔོན་སློབ་ཀྱི་ཁྲི་རབས་ཉེར་གཉིས་པ་དང་། རྒྱུད་པའི་མཁན་པོའི་ཁྲི་རབས་དྲུག་ཅུ་རེ་གཅིག་པ་ཡིན་ནོ། །

Further Details