Skip to main content Skip to search
rmog lcogs pa rin chen brtson 'grus
ID:
T273357
  • རྨོག་ལྕོགས་པ་རིན་ཆེན་བརྩོན་འགྲུས (Tibetan, Tibetan script, Original)
    • > rmog lcogs pa rin chen brtson 'grus (Tibetan, Latin script, Transliteration-THL Extended Wylie Transliteration)
    • > mokchokpa rinchen tsöndrü (Tibetan, Latin script, Transcription-THL Simplified Tibetan Transcription)
Other Dictionaries

Other Dictionaries

1. gangs can mkhas grub rim byon ming mdzod

ཁོང་ནི་རབ་བྱུང་གཉིས་པའི་ལྕགས་ཕོ་སྟག་ལོ་སྟེ་སྤྱི་ལོ 1110 ལོར་ལྷ་ཕུ་སྤང་རྩ་ལ་ཡབ་ཤེས་རྒན་སྨན་ཆུང་དང་། ཡུམ་འབེ་མོ་པདྨ་སྒྲོན་གཉིས་གྱི་སྲས་སུ་སྐུ་འཁྲུངས། གདུང་རུས་ནི་ཞི་ཤེ་ཡིན། རབ་བྱུང་གསུམ་པའི་ལྕགས་ཕོ་སྟག་ལོ་སྟེ་སྤྱི་ལོ 1170 ལོར་སྐུ་གཤེགས། དགུང་ལོ་བཅུ་བདུན་པར་ཞང་ཞོང་གི་ཆོས་སྒོར་ཞུགས་ཤིང་བླ་མ་ཤངས་པས་ཀྱེ་རྡོར་གྱི་དབང་བསྐུར། བླ་མ་ལས་གདམས་པ་འགའ་ཞུས་ཏེ་བསྒོམས་ཀྱང་ཉམས་མྱོང་ཆེར་མ་བྱུང་། དེ་ནས་མགོན་པོའི་སྐོར་དང་ཉི་ཁྲོས་ཀྱི་གདམས་པ་ཞུས། བླ་མས་གསེར་ཞོ་དྲུག་དང་། དར་ཡུག་དྲུག མདོ་སྡེ་རྒྱན་པོ་ཏི་གཅིག་རྣམས་གནང་ནས་གཡོར་པོ་རྒྱ་མོ་ཆེའི་མདུན་དུ་སོང་གསུངས་ནས་ཕྱིན་པ་ན། ཁམས་པ་ཨ་སེང་དང་མཇལ་ཞིང་དགེ་བཤེས་ཆེན་པོ་ཕྱྭ་བ་སོགས་དྲུག་ཅུ་ཙམ་ཚོགས་པའི་དབུས་སུ་དོན་དམ་བདེན་པའི་སྐོར་གྱི་བགྲོ་གླེང་མཛད་བས་བླ་མ་ལ་སངས་རྒྱས་དངོས་ཀྱི་འདུ་ཤེས་སྐྱེས། ཁམས་པ་ཨ་སེང་ལས་རྡུལ་མཚོན་དང་ཏིང་ངེ་འཛིན་གྱི་དཀྱིལ་འཁོར་ལ་བསྟེན་པ་གཉིས་དང་། བསྐྱེད་རིམ་ལཱུ་ཡི་པ་དང་ལྷན་སྐྱེས་གཉིས་རྫོགས་རིམ་སྦྱོར་དྲུག་རྩ་འགྲེལ། སྦྱོར་ཕྲེང་རྩ་འགྲེལ། སྙིང་པོ་གསུམ་རྩ་འགྲེལ་གཉིས་བཅས་ཞུས། རས་ཆུང་པའི་གདམས་ངག་རྣམས་ཀྱང་ཐོབ། ཉག་མོ་དགེ་བཤེས་སོགས་ལས་སྤྱན་སྔའི་སྒོམ་སོགས་གདམས་ངག་མང་དུ་ཞུས། དེ་ནས་སླར་བླ་མ་ཤངས་པའི་མདུན་དུ་བྱོན་ཏེ་དབང་ཆོག་གདམས་[1321]ངག་ཐམས་ཅད་ཞུས། རྩེ་གཅིག་ཏུ་སྒྲུབ་པ་མཛད་ཅིང་ཉམས་རྟོགས་ཀྱང་སྐྱེས། དེ་ནས་ཆོས་རྗེ་སྒམ་པོ་པའི་མདུན་དུ་ཕེབས་ཏེ་ཆོས་དྲུག་སོགས་ཞུས། ཕྱག་ཆེན་གྱི་ལྟ་བ་ལ་ཐག་ཆོད་པའི་བོགས་ཐོན། ཚུར་འབྱོན་དུས་སྐྱེལ་ཐུང་ཡང་མཛད་དེ་ནས་རྨོག་ལྕོགས་སུ་སློབ་མ་མང་དུ་འདུས་པས་སློབ་མ་རྣམས་མ་ཤོང་ནས་ལྐུགས་ལུང་དགོན་པ་གསར་འདེབས་མཛད་ཅིང་ཤངས་པ་བཀའ་བརྒྱུད་ཀྱི་བསྟན་པ་ཤིན་ཏུ་དར་བར་མཛད། ཁོང་གི་མཆོག་ཏུ་གྱུར་བའི་སློབ་མ་ནི་དབོན་སྟོན་སྐྱེར་སྒང་པ་ཡིན། །

language:
Tibetan