- rgyal mkhan chen dge 'dun bstan pa'i nyi ma
- ID:
- T273286
- རྒྱལ་མཁན་ཆེན་དགེ་འདུན་བསྟན་པའི་ཉི་མ (Tibetan, Tibetan script, Original)
- > rgyal mkhan chen dge 'dun bstan pa'i nyi ma (Tibetan, Latin script, Transliteration-THL Extended Wylie Transliteration)
- > gyel khenchen gendün tenpé nyima (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་ནི་རབ་བྱུང་བཅུ་གསུམ་པའི་ས་ཕོ་སྟག་ལོ་སྟེ་སྤྱི་ལོ 1758 ལོར་སྐུ་འཁྲུངས། འདས་ལོ་མི་གསལ། ཁོང་དགུང་ལོ་ཆུང་ངུའི་དུས་ནས་སྐུ་གོང་མའི་ཡང་སྤྲུལ་དུ་ཐག་བཅད་ཅིང་གདན་སར་བཀོད། དགུང་ལོ་བཅུ་དྲུག་པར་རོང་བོ་ཐོས་བསམ་རྣམ་རྒྱལ་གླིང་ནས་སློབ་གཉེར་གནད་སྨིན་གནང་བཞིན་རབ་བྱུང་བཅུ་གསུམ་པའི་[375]ཤིང་ཕོ་རྟ་ལོ་སྟེ་སྤྱི་ལོ 1774 ལོར་རོང་བོ་ཐོས་བསམ་གླིང་གི་གདན་སའི་ཁྲི་ལ་བཞུགས། དགུང་ལོ་བཅུ་དགུ་པར་སྤྱང་ལུང་དགེ་འདུན་བསྟན་འཛིན་ལས་བསྙེན་པར་རྫོགས། ལོ་བདུན་གྱི་རིང་དུ་ཕྱག་རྫས་གང་ཡོད་དགེ་འདུན་གྱི་སྡེ་ལ་ཕུལ་ཏེ་བསྙེན་བཀུར་མཛད། གླིང་རྒྱལ་ཞོ་འཕོང་གཉིས་ནས་སྦྱིན་བདག་རྒྱ་ཆེན་བྱས་ཏེ་གདན་ཡང་ཡང་དྲངས་ཤིང་གཡའ་མ་བཀྲ་ཤིས་འཁྱིལ་གྱི་སྒྲུབ་སྡེ་གསར་དུ་བཙུགས། རབ་བྱུང་བཅུ་གསུམ་པའི་དཀྱིལ་ཞིག་ཏུ་ཁེལ། འདུ་ཁང་ཕྱི་ནང་དང་། བྱམས་ཁང་། གཟིམས་ཁང་སོགས་རྟེན་བརྟེན་པ་ལེགས་པར་གྲུབ། རྡོ་སྦིས་ཕྱོགས་ཀྱི་དགུ་རིས་གྲྭ་ཚང་སོགས་བཤད་སྒྲུབ་ཀྱི་སྡེ་བཅུ་ལྷག་གི་དགོན་མགོ་ཕུལ་བ་བདག་གིར་མཛད་དེ་ཆོས་སྲིད་གཉིས་ཀའི་ཆ་ནས་ལེགས་པར་བསྐྱངས། སླར་ཡང་རབ་བྱུང་བཅུ་གསུམ་པའི་མེ་ཕོ་འབྲུག་ལོ་སྟེ་སྤྱི་ལོ 1796 ལོར་རོང་བོ་ཐོས་བསམ་གླིང་གདན་སའི་ཁྲི་ལ་བཞུགས་ནས་ལོ་བཞིའི་རིང་དུ་གདན་ས་བསྐྱངས། ཁོང་ནི་རོང་བོ་ཐོས་བསམ་རྣམ་རྒྱལ་གླིང་གི་གདན་སའི་མཁན་རབས་བཅུ་དྲུག་པ་དང་། ཉི་ཤུ་བ་ཡིན་ནོ། །
- language:
- Tibetan