- rgyal ba chos rje bkra shis don grub
- ID:
- T273278
- རྒྱལ་བ་ཆོས་རྗེ་བཀྲ་ཤིས་དོན་གྲུབ (Tibetan, Tibetan script, Original)
- > rgyal ba chos rje bkra shis don grub (Tibetan, Latin script, Transliteration-THL Extended Wylie Transliteration)
- > gyelwa chöjé trashi döndrup (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་གི་འཁྲུངས་འདས་ཀྱི་ལོ་ཚིགས་མི་གསལ། ཁོང་རྒྱལ་དབང་ཐམས་ཅད་མཁྱེན་པའི་བཀའ་ལྟར་སེ་ཆེན་རྒྱལ་པོའི་རྒྱུད་ཀྱི་བླ་མཆོད་མཛད་ཅིང་ཕྱིར་ཕེབས་ནས་སྐུ་འབུམ་དགོན་དུ་བཞུགས་པ་མཛད། རབ་བྱུང་བཅུ་གཅིག་པའི་ས་ཕོ་སྟག་ལོ་སྟེ་སྤྱི་ལོ 1638 ལོར་སྐུ་འབུམ་དགོན་གྱི་གདན་སའི་ཁྲི་ལ་བཞུགས་ནས་འགྲིག་ལམ་ཀུན་སྤྱོད་དང་ཆོས་འཆད་ཉན་བཅས་ལ་ཚགས་འཛིན་ནན་ཏན་དུ་མཛད། རབ་བྱུང་བཅུ་གཅིག་པའི་ས་མོ་ཡོས་ལོ་སྟེ་སྤྱི་ལོ 1639 ལོར་རྒྱ་ཡག་དཀའ་བཅུ་དགེ་འདུན་རྒྱལ་མཚན་དང་། ཟི་ན་བླ་མ་དཔལ་འབྱོར་རྒྱལ་མཚན། ཟི་ན་དཔལ་འབྱོར་རིན་ཆེན་ཁུ་དབོན་གཉིས་བཅས་ཀྱིས་སྦྱིན་བདག་མཛད་དེ། འདུ་ཁང་རྙིང་བ་དབུས་འཕུག་ལྟར་ཀ་བ་སུམ་ཅུ་རྩ་དྲུག་ཡོད་པ་གསར་བཞེངས་མཛད། མཛོད་དང་འདུལ་བའི་འཛིན་གྲྭ་གཉིས་གསར་འཛུགས་མཛད་དེ་བརྩི་བཞག་ཀྱང་ལེགས་པར་གནང་ངོ་། ལོ་བཞིའི་རིང་དུ་གདན་ས་བསྐྱངས་ཤིང་དགོན་པའི་མངའ་ཐང་དར་བར་མཛད་དོ། ཁོང་ནི་སྐུ་འབུམ་དགོན་གྱི་གདན་རབས་ཁྲི་ཆེན་དྲུག་པ་ཡིན་ནོ། །
- language:
- Tibetan