- rag shi tshul khrims 'byung gnas
- ID:
- T273212
- རག་ཤི་ཚུལ་ཁྲིམས་འབྱུང་གནས (Tibetan, Tibetan script, Original)
- > rag shi tshul khrims 'byung gnas (Tibetan, Latin script, Transliteration-THL Extended Wylie Transliteration)
- > rakshi tsültrim jungné (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་པའི་དུས་སྨད་ཙམ་དུ་དབུས་[1597]སུ་སྐུ་འཁྲུངས། ཁོང་དགུང་ལོ་གཞོན་ནུའི་དུས་སུ་མདོ་སྨད་ཙོང་ཁའི་ཡུལ་རྨ་ལུང་རྡོ་རྗེའི་བྲག་དན་ཏིག་ཤེལ་གྱི་ཡང་དགོན་དུ་བྱོན་ནས་བླ་ཆེན་དགོངས་པ་རབ་གསལ (953—1035) ལས་རབ་བྱུང་དང་། དགེ་ཚུལ། དགེ་སློང་གི་སྡོམ་པ་དཀྱུས་གཅིག་ཏུ་བཞེས་ཤིང་དབུས་གཙང་དུ་ལོག་ཕེབས་མཛད་ཅིང་བསམ་ཡས་གཙུག་ལག་ཁང་སོགས་ལ་ཞིག་གསོས་མཛད། དེ་རྗེས་ཁོང་གིས་ཕྲང་འོག་གི་ལྷ་ཁང་བརྩིགས་ཤིང་ཀ་ཚལ་དང་ཞྭ་བཅས་བཟུང་སྟེ་འདུལ་བའི་བསྟན་པ་སྤེལ་ནས་དགེ་འདུན་མང་པོའི་ཚོགས་པ་བསྐྱངས་ཤིང་། དེ་ལས་གྱེས་པའི་ཆོས་རྒྱུད་ལ་རག་ཚོ་ཞེས་གྲགས་སོ། ཁོང་ནི་བསྟན་པ་ཕྱི་དར་གྱི་སྐབས་སུ་བླ་ཆེན་དགོངས་པ་རབ་གསལ་ལས་བསྙེན་རྫོགས་ཞུས་པའི་དབུས་གཙང་གི་མཁས་པ་མི་བཅུའི་ནང་གི་ཡ་གྱལ་ཞིག་ཡིན་ནོ། །
- language:
- Tibetan