- zhal snga 'jam dbyangs chos 'phel
- ID:
- T273009
- ཞལ་སྔ་འཇམ་དབྱངས་ཆོས་འཕེལ (Tibetan, Tibetan script, Original)
- > zhal snga 'jam dbyangs chos 'phel (Tibetan, Latin script, Transliteration-THL Extended Wylie Transliteration)
- > zhelnga jamyang chömpel (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་བདུན་པའི་དུས་དཀྱིལ་ཙམ་དུ་སྲད་ཡུལ་ལ་སྐུ་འཁྲུངས། ཁོང་གཞོན་ནུའི་དུས་ནས་བལྟན་པའི་ཆོས་[1474]སྒོར་ཞུགས་ཏེ་རབ་ཏུ་བྱུང་། དེ་ནས་བཀྲ་ཤིས་ལྷུན་པོར་ཕེབས་ཏེ་པཎ་ཆེན་བློ་བཟང་ཆོས་རྒྱན་ལས་ཚད་མ་རྣམ་འགྲེལ་ལ་སྦྱངས་པས་མཁྱེན་རབ་ཤིན་ཏུ་རྒྱས་ཤིང་སྡེ་བདུན་མདོ་དང་བཅས་པའི་དོན་ལ་མི་འཇིགས་པའི་སྤོབས་པ་ཐོབ། དེ་ནས་ཕར་ཕྱིན་དང་། དབུ་མ། འདུལ་བ། མཛོད་རྣམས་ལ་རིམ་བཞིན་སྦྱངས་ཏེ་མཁས་པའི་ཕུལ་དུ་ཕྱིན་པས་ན་དགེ་འདུན་འདུས་པ་རྒྱ་མཚོའི་དབུས་སུ་དམ་བཅའ་བཞག་སྟེ་མཁས་པ་ཐམས་ཅད་ཀྱི་ཡིད་མགུ་བར་མཛད། རྡོ་རྗེ་འཛིན་པ་དཀོན་མཆོག་རྒྱལ་མཚན (1612—1687) ལས་རྒྱུད་སྡེ་བཞི་དང་། བྱང་ཆུབ་ལམ་རིམ། དབེན་ས་སྙན་བརྒྱུད་བཅས་བུམ་པ་གང་བྱོའི་ཚུལ་དུ་གསན་ཞིང་ལུང་དང་རྟོགས་པའི་ཡོན་ཏན་གྱི་གཏེར་ཆེན་པོར་གྱུར་པ་ན་པཎ་ཆེན་བློ་བཟང་ཡེ་ཤེས (1663—1737) ཀྱིས་ཐོས་བསམ་གླིང་གི་གདན་སར་བཀོད་དེ་གཞུང་ལུགས་ཆེན་པོའི་འཆད་ཉན་མཛད། དེ་ནས་སྔགས་ཁང་གི་གདན་སར་བཞུགས་ཏེ་སྐུ་མ་གཤེགས་ཀྱི་བར་དུ་གསང་ཆེན་ཆོས་ཀྱི་འཆད་ཉན་བསྐྱངས་ཤིང་བསྟན་འཛིན་གྱི་བུ་སློབ་མང་དུ་བྱོན། ཁོང་ནི་ལམ་རིམ་བླ་བརྒྱུད་ཀྱི་བླ་རབས་བཞི་བཅུ་ཞེ་བརྒྱད་པ་ཡིན་ནོ། ཁོང་གི་མཚན་གཞན་ལ་སྲད་འཇམ་དབྱངས་ཆོས་འཕེལ་ཞེས་ཞུའོ། །
- language:
- Tibetan