- mtshan sgrogs dge 'dun don grub
- ID:
- T272858
- མཚན་སྒྲོགས་དགེ་འདུན་དོན་གྲུབ (Tibetan, Tibetan script, Original)
- > mtshan sgrogs dge 'dun don grub (Tibetan, Latin script, Transliteration-THL Extended Wylie Transliteration)
- > tsendrok gendün döndrup (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་གི་འཁྲུངས་འདས་ཀྱི་ལོ་ཚིགས་མི་གསལ། ཁོང་ནི་རབ་བྱུང་བཅུ་གཉིས་པའི་ཤིང་ཕོ་སྟག་ལོ་སྟེ་སྤྱི་ལོ 1734 ལོར་སྐུ་འབུམ་དགོན་གྱི་གདན་སའི་ཁྲི་ཆེན་ལ་བཞུགས་ཏེ་ལོ་བདུན་གྱི་རིང་དུ་གདན་ས་བསྐྱངས། དེའི་རིང་དུ་དུས་གསུམ་སངས་རྒྱས་ཀྱི་ལྷ་ཁང་གཞི་ནས་གསར་བཞེངས་མཛད། ཆེ་ཤོས་ལྷ་བཟོ་བློ་བཟང་བཤེས་གཉེན་གྱིས་འཇམ་དབྱངས་ཀུན་གཟིགས་ཀྱི་སྣང་བརྙན་ཁྱད་འཕགས་ཅན་བཞེངས་ནས་རབ་གནས་རྒྱས་པར་མཛད་པ་ལ་དེང་སང་འཇམ་དབྱངས་ཀུན་གཟིགས་སུ་གྲགས་པ་དེའོ། རབ་བྱུང་བཅུ་གཉིས་པའི་ལྕགས་ཕོ་སྤྲེལ་ལོ་སྟེ་སྤྱི་ལོ 1740 ལོར་མི་དབང་ཕོ་ལྷ་བ་བསོད་ནམས་སྟོབས་རྒྱས་ནས་དངུལ་སྲང་ཉིས་ཁྲི་བདུན་སྟོང་ལས་བརྒལ་བའི་རྒྱུ་སོང་གིས་གསེར་སྡོང་ཆེན་མོའི་སྟེང་གི་གསེར་ཟངས་ཀྱི་རྒྱ་ཕིབས། གཉྫི་རའི་ཏོག་གི་ནང་དུ་ཤཱཀྱའི་རྒྱལ་པོའི་འཕེལ་གདུང་སོགས་བྱིན་[1398]རྟེན། ནོར་བུ་འབར་བ་ཆ་གཅིག་གི་ནང་དུ་རྒྱ་བོད་ཀྱི་གཏེར་རྫས་སྣ་ཚོགས་ཀྱིས་སྤྲས་པ། གྲྭ་ཟུར་གྱི་མགོ་རྒྱན་དང་བཅས་པ་རབ་བྱུང་བཅུ་གཉིས་པའི་ལྕགས་མོ་བྱ་ལོ་སྟེ་སྤྱི་ལོ 1741 ལོར་ལེགས་པར་གྲུབ། གདན་སའི་ཁྲི་ཆེན་ཁོང་དང་། རྒྱུད་པ་མཁན་པོ། དཀར་པོ་ཆོས་རྗེ་སོགས་དགེ་འདུན་ལྔ་བཅུ་ཐམ་པས་རབ་གནས་ཀྱི་ཆོ་ག་རྒྱས་པར་མཛད་ཅིང་བཀྲ་ཤིས་ཀྱི་དགའ་སྟོན་རྨད་དུ་བྱུང་བ་མཛད་དོ། ཁོང་ནི་སྐུ་འབུམ་དགོན་གྱི་གདན་རབས་ཁྲི་ཆེན་ཉེར་བཞི་པ་ཡིན་ནོ། །
- language:
- Tibetan