- mnga' bdag bkra shis rnam rgyal
- ID:
- T272819
- མངའ་བདག་བཀྲ་ཤིས་རྣམ་རྒྱལ (Tibetan, Tibetan script, Original)
- > mnga' bdag bkra shis rnam rgyal (Tibetan, Latin script, Transliteration-THL Extended Wylie Transliteration)
- > ngadak trashi namgyel (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅོ་ལྔ་པའི་དུས་དཀྱིལ་ཙམ་དུ་མངའ་རིས་སུ་ཡབ་མངའ་བདག་ལྷ་ཆེན་བྷ་གན་གྱི་སྲས་སུ་སྐུ་འཁྲུངས། ཁོང་གིས་མངའ་རིས་ཀྱི་རྒྱལ་སྲིད་བསྐྱངས་སྐབས་པུ་རིག་ཡན་ཆད་དང་། གྲོ་ཤོད་མན་ཆད་མངའ་འོག་ཏུ་བསྡུས་ནས་རྟ་ཁྱུ་བསམ་གྱིས་མི་ཁྱབ་པ་བྱུང་ཞིང་། སྐུ་མཁར་རྣམ་རྒྱལ་རྩེ་མོ་དང་། ཆུ་རྟའི་གྲོང་ཁྱེར་བཏབ། དེའི་སྐབས་སུ་ཧོར་གྱི་དམག་བྱུང་བ་ལ་འཐབ་པས་ཧོར་དམག་མང་པོ་བསད། རྣམ་རྒྱལ་རྩེ་མོར་མགོན་ཁང་བཞེངས། འབྲི་གུང་ཆོས་རྗེ་ལྡན་མ་གདན་དྲངས་ནས་སྒང་སྔོན་བཀྲ་ཤིས་ཆོས་རྫོང་བཏབ་སྟེ་ཉེ་འཁོར་ནས་བཙུན་ཁྲལ་བསྐུལ་ཏེ་དགེ་འདུན་གྱི་སྡེ་བཙུགས། གཞན་ཡང་འབྲི་གུང་དང་། ས་སྐྱ། དགེ་ལྡན། ལྷ་[455]ས། བསམ་ཡས་སོགས་སུ་ཕེབས་ཏེ་རྟེན་གསུམ་ལ་གསེར་ཆབ་སྒྲོན་འབུལ་དང་། དགེ་འདུན་གྱི་སྡེར་མང་ཇ། བླ་མར་བརྒྱ་འབུལ། བཀའ་བསྟན་འགྱུར་གྱིས་མཚོན་གསུང་རྟེན་གྱི་གླེགས་བམ་མང་པོ་དང་། མཆོད་རྟེན་མང་པོ་ཡང་བཞེངས་པར་མཛད། ཁོང་ནི་མངའ་རིས་ཀྱི་རྒྱལ་རབས་ཉེར་གཅིག་པ་ཡིན་ནོ། །
- language:
- Tibetan