- mgon tshang blo bzang yon tan
- ID:
- T272814
- མགོན་ཚང་བློ་བཟང་ཡོན་ཏན (Tibetan, Tibetan script, Original)
- > mgon tshang blo bzang yon tan (Tibetan, Latin script, Transliteration-THL Extended Wylie Transliteration)
- > göntsang lozang yönten (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་ནི་རབ་བྱུང་བཅུ་བཞི་པའི་ཆུ་ཕོ་སྤྲེལ་ལོ་སྟེ་སྤྱི་ལོ 1812 ལོར་ཨ་འདར་ཆ་གའི་གྲོང་དུ་ཨ་རྒྱ་ནང་སོའི་རྒྱུད་དུ་སྐུ་འཁྲུངས། འདས་ལོ་མི་གསལ། ཁོང་གི་སྐུ་ཕྲེང་གོང་མ་མགོན་ཚང་དཀའ་བཅུ་ངག་དབང་ཚུལ་ཁྲིམས་ཞེས་བྱ་ཁྱུང་དགོན་པའི་དགེ་བཤེས་ཚེ་སྒྲུབ་པ་སྙོམས་པ་ཞིག་ཡིན། ཁོང་དགུང་ལོ་ཆུང་ངུའི་དུས་ནས་ཡི་གེའི་སྦྱོར་ཀློག་དང་འདོན་ཆོས་བཅས་ལ་བྱང་བར་མཛད། དེ་ནས་བྱ་དགོན་པའི་ཆོས་གྲྭར་ཞུགས་ཤིང་བསྡུས་གཞུང་ནས་བཟུང་གཞུང་ཆེན་བཀའ་པོད་ལྔ་ལ་གསན་སྦྱོང་མཛད། དགུང་ལོ་སོ་བཞི་པ་རབ་བྱུང་བཅུ་[345]བཞི་པའི་ཤིང་མོ་སྦྲུལ་ལོ་སྟེ་སྤྱི་ལོ 1845 ལོར་བྱ་ཁྱུང་དགོན་ག་པའི་གདན་སའི་མཁན་ཁྲི་ལ་བཞུགས་ནས་ལོ་གཅིག་གི་རིང་དུ་གདན་ས་བསྐྱངས། ཁྲི་ཟུར་ནས་བསྟན་འགྲོའི་དོན་ཆེན་སྒྲུབ་ཅིང་དུས་འདའ་བ་མཛད། ཁོང་ནི་བྱ་ཁྱུང་དགོན་པའི་གདན་སའི་མཁན་རབས་དྲུག་ཅུ་རེ་གསུམ་པ་ཡིན་ནོ། །
- language:
- Tibetan