Skip to main content Skip to search
dred khog dge bshes blo bzang sbyin pa
ID:
T272554
  • དྲེད་ཁོག་དགེ་བཤེས་བློ་བཟང་སྦྱིན་པ (Tibetan, Tibetan script, Original)
    • > dred khog dge bshes blo bzang sbyin pa (Tibetan, Latin script, Transliteration-THL Extended Wylie Transliteration)
    • > drekhok geshé lozang jinpa (Tibetan, Latin script, Transcription-THL Simplified Tibetan Transcription)
Other Dictionaries

Other Dictionaries

1. gangs can mkhas grub rim byon ming mdzod

ཁོང་གི་འཁྲུངས་ལོ་མི་གསལ། འཁྲུངས་ཡུལ་ནི་སྐུ་འབུམ་ལྷ་སྡེ་དྲེད་ཁོག་འབྲོག་སྡེ་ཡིན། རབ་བྱུང་བཅོ་ལྔ་པའི་མེ་ཕོ་ཁྱི་ལོ་སྟེ་སྤྱི་ལོ 1886 ལོར་སྐུ་གཤེགས། ཁོང་སྐུ་འབུམ་དཔལ་ལྡན་བཤད་སྒྲུབ་གླིང་གི་ཆོས་སྒོར་ཞུགས་ཤིང་གཞུང་བཀའ་པོད་ལྔ་ལ་ཐོས་བསམ་མཛད། དེ་ནས་དཔལ་ལྡན་གསང་སྔགས་རྒྱུད་པ་གྲྭ་ཚང་གི་ཆོས་སྒོར་ཞུགས་ཤིང་གསང་ཆེན་རྡོ་རྗེ་ཐེག་པའི་གཞུང་ལ་སྦྱངས་པ་དཔྱིས་ཕྱིན་པ་མཛད། རྩ་བའི་བླ་མ་གྲུབ་དབང་རྡོ་རྗེ་འཆང་ཆེན་པོའི་མདུན་[850]ནས་ཡི་དམ་རྡོ་རྗེ་འཇིགས་བྱེད་བདུད་ལས་རྣམ་རྒྱལ་གྱི་བསྙེན་སྒྲུབ་ཀྱི་མན་ངག་རྣམས་ལེགས་པར་མནོས་ཏེ་ལོ་གསུམ་གྱི་ཁོངས་སུ་བསྙེན་ཆེན་སྦྱོར་དངོས་རྗེས་གསུམ་ཚང་བར་མཐར་ཐོན། རྒྱུད་པའི་བླ་མ་དབུ་མཛད་ལོ་ཁ་ཤས་མཛད། རབ་བྱུང་བཅོ་ལྔ་པའི་ལྕགས་ཕོ་རྟ་ལོ་སྟེ་སྤྱི་ལོ 1870 ལོར་སྐུ་འབུམ་སྨན་པ་དཔོན་སློབ་ཀྱི་ཁྲི་ལ་བཞུགས་ནས་ཡུལ་དུས་ཀྱི་བབ་དང་བསྟུན་པའི་ལུགས་གཉིས་ཀྱི་འཛིན་སྐྱོང་བདག་གིར་མཛད། ཁྲི་ཟུར་ནས་ཀྱང་སྒྲུབ་པ་ཉམས་ལེན་ཁོ་ནས་དུས་འདའ་བར་མཛད་དོ། ཁོང་ནི་སྐུ་འབུམ་སྨན་པ་དཔོན་སློབ་ཀྱི་ཁྲི་རབས་བཞི་བཅུ་ཞེ་དྲུག་པ་ཡིན་ནོ། །

language:
Tibetan