- dba'as dbyi tshab
- ID:
- T272493
- དབའས་དབྱི་ཚབ (Tibetan, Tibetan script, Original)
- > dba'as dbyi tshab (Tibetan, Latin script, Transliteration-THL Extended Wylie Transliteration)
- > wé yitsap (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་དྲུག་པའི་ནང་དུ་སྐུ་འཁྲུངས་ཤིང་། སྐུ་ཚེའི་སྟོད་དུ་ཟིང་པོ་རྗེ་ཁྲི་པངས་སུམ་གྱི་བློན་པོ་ཡིན། དེ་ནས་ཟིང་པོ་རྗེ་ལ་བློ་ལོག་ཅིང་རྒྱལ་པོ་སྟག་རི་གཉན་གཟིགས་ལ་མགོ་འབུལ་ཞུས་ཀྱང་སྟག་རི་གཉན་གཟིགས་དགུང་དུ་གཤེགས། དེ་ནས་རྒྱལ་པོ་གནམ་རི་སྲོང་བཙན་གྱི་ཞབས་ལ་གཏུགས་ཏེ་ཐུན་མོང་དུ་མནའ་ཚིག་བོར་ཞིང་ཟིང་པོ་རྗེའི་ཆབ་སྲིད་བརླགས་ནས་གནམ་རི་སྲོང་བཙན་གྱི་མངའ་ཞབས་སུ་ཚུད་པར་མཛད། རྒྱལ་པོ་གནམ་རི་སྲོང་བཙན་གྱིས་ཀྱང་དབའས་དབྱི་ཚབ་ལ་ཟ་གད་གཤེན་གྱི་ཡུལ་ཁ་དང་། མལ་གྲོ་ཕྱོགས་ནས་བྲན་གཡོག་ཁྱིམ་ཚང་ཆིག་སྟོང་ལྔ་བརྒྱ་བྱ་དགའ་གནང་ཞིང་བློན་པོར་མངའ་གསོལ། དེ་ནས་རྒྱལ་པོ་སྲོང་བཙན་སྒམ་པའི་བློན་པོ་མཛད་ཅིང་། ཁོང་གི་བུ་ཚ་རྣམས་དང་རྒྱལ་པོ་བཅས་པ་ཐུན་མོང་དུ་མནའ་ཚིག་བོར་ནས་རྒྱལ་པོས་ཀྱང་དབྱི་ཚབ་ཀྱི་བུ་ཚ་སུ་འོས་གཅིག་ལ་གསེར་ཡིག་རྒྱུན་ཆད་མེད་པར་གནང་རྒྱུའི་དབུ་མནའ་བཞེས་པ་མཛད་དོ། །
- language:
- Tibetan