Skip to main content Skip to search
dge slong nam mkhang 'od
ID:
T272460
  • དགེ་སློང་ནམ་མཁང་འོད (Tibetan, Tibetan script, Original)
    • > dge slong nam mkhang 'od (Tibetan, Latin script, Transliteration-THL Extended Wylie Transliteration)
    • > gelong namkhang ö (Tibetan, Latin script, Transcription-THL Simplified Tibetan Transcription)
Other Dictionaries

Other Dictionaries

1. gangs can mkhas grub rim byon ming mdzod

ཁོང་ནི་རབ་བྱུང་གཉིས་པའི་ཆུ་མོ་གླང་ལོ་སྟེ་སྤྱི་ལོ 1133 ལོར་རུ་མཚམས་ཀྱི་ས་ཆར་ཡབ་དགོན་པ་དོན་གྲུབ་བླ་མ་དང་། ཡུམ་ལྷ་མོ་ལྕམ་གཉིས་ཀྱི་སྲས་སུ་སྐུ་འཁྲུངས། རབ་བྱུང་གསུམ་པའི་ས་མོ་ལུག་ལོ་སྟེ་སྤྱི་ལོ 1199 ལོར་སྐུ་གཤེགས། དགུང་ལོ་ཆུང་ངུའི་དུས་ནས་སྔོན་གྱི་བླ་མ་དྲན་ཞིང་དད་པ་སྐྱེས་ཏེ་དགུང་ལོ་བརྒྱད་དགུ་ཐོག་ནས་ཆོས་རྗེ་དུས་གསུམ་མཁྱེན་པ་ལ་ཕུལ། ལོ་ངོ་བརྒྱད་དགུ་ཙམ་དུ་ཕྱག་ཕྱིར་འབྲལ་མེད་དུ་བཞུགས། གདམས་པ་དང་རྗེས་སུ་གདམས་པ་དཔག་མེད་དུ་མཛད། བྱིས་པའི་སྤྱོད་པ་མེད་པར་མོས་གུས་ཀྱིས་བླ་མར་བསྟེན་ཞིང་གདམས་པ་རྩད་བཅད་པས་ཆོས་རྗེ་དུས་མཁྱེན་ཤིན་ཏུ་མཉེས་པར་གྱུར། ཆོས་རྗེ་དུས་མཁྱེན་ཁམས་སུ་ཕེབས་རྗེས་གངས་དཀར་དང་། སེ་མོ་དོ། ཁ་རག ཐང་ལྷ་ལ་སོགས་པའི་དབེན་པ་རྣམས་སུ་བསྒོམས། མཚམས་བར་དུ་འགྲོ་མགོན་ཞང་[328]དང་། ལྷོ་པ། སྐྱེར་སྒང་བ། གླིང་པ་ལ་སོགས་པའི་སྐྱེས་ཆེན་དམ་པ་མང་དུ་མཇལ་ཞིང་གདམས་པ་མང་དུ་གསན། ཁྱད་པར་དུ་བདེ་གཤེགས་སྟག་ལུང་ཐང་པ་ལ་དད་པ་རབ་ཏུ་ཐོབ་ནས་ཆོས་ཞུས། གཙོ་བོར་སྒྲུབ་པ་ཁོ་ན་མཛད། དེ་ནས་ཆོས་རྗེ་དུས་མཁྱེན་དབུས་སུ་ཕེབས་ནས་གདམས་པ་ལྷག་མ་དང་རྗེས་སུ་གདམས་པ་དཔག་ཏུ་མེད་པ་ཞུས། དེ་ནས་ལོ་ངོ་བཅུ་བདུན་རིང་དུ་སྐུ་མཚམས་འབའ་ཞིག་བཞུགས་ཤིང་གྲུབ་པའི་རྟགས་མཚན་ཡང་འགའ་རེ་རྙེད་པར་གྱུར་རོ། ཁོང་ནི་ཞྭ་དམར་ཚུལ་ཁྲིམས་དཔལ་གྱི་སྐུ་སྐྱེ་ཡིན་པར《དེབ་སྔོན》ལས་གསུངས་སོ། །

language:
Tibetan