- che shos dpal ldan rgya mtsho
- ID:
- T272334
- ཆེ་ཤོས་དཔལ་ལྡན་རྒྱ་མཚོ (Tibetan, Tibetan script, Original)
- > che shos dpal ldan rgya mtsho (Tibetan, Latin script, Transliteration-THL Extended Wylie Transliteration)
- > cheshö penden gyatso (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་གི་འཁྲུངས་འདས་ཀྱི་ལོ་ཚིགས་མི་གསལ། འཁྲུངས་ཡུལ་ནི་སྐུ་འབུམ་མཆོད་གཞིས་ཀླུ་འབུམ་ཆེ་ཤོས་སྡེ་བ་ཡིན། ཁོང་རབ་བྱུང་བཅུ་གཅིག་པའི་ས་ཕོ་བྱི་ལོ་སྟེ་སྤྱི་ལོ 1648 ལོར་སྐུ་འབུམ་དགོན་གྱི་གདན་སའི་ཁྲི་ལ་ཕེབས་ཤིང་ལོ་ལྔར་གདན་ས་བསྐྱངས། དེའི་རིང་དུ་རབ་བྱུང་བཅུ་གཅིག་པའི་ས་མོ་གླང་ལོ་སྟེ་སྤྱི་ལོ 1649 ལོར་ཟི་ན་ཆོས་རྗེ་ལེགས་པ་རྒྱ་མཚོས་རྒྱུད་པ་གྲྭ་ཚང་དཔལ་ལྡན་གསང་སྔགས་བདེ་ཆེན་གླིང་གསར་དུ་བཙུགས། རབ་བྱུང་བཅུ་གཅིག་པའི་ལྕགས་ཕོ་སྟག་ལོ་སྟེ་སྤྱི་ལོ 1650 ལོར་ཨོས་རོད་ཀྱི་དཔོན་པོ་ཚེ་དབང་བསྟན་འཛིན་གྱིས་སྐུ་འབུམ་གདན་སའི་ཁྲི་ཆེན་རིམ་བྱོན་བཞུགས་རྒྱུའི་གཟིམས་ཁང་ལྷས་སྐོར་དང་བཅས་པ་རྒྱ་འཕུག་ལུགས་ལྟར་གསར་བཞེངས་མཛད་པ་ལ་བླ་བྲང་ཆེན་མོ་བཀྲ་ཤིས་ཁང་གསར་ཞེས་གསོལ། རབ་བྱུང་བཅུ་གཅིག་པའི་ཆུ་ཕོ་འབྲུག་ལོ་སྟེ་སྤྱི་ལོ 1652 ལོར་རྒྱལ་[572]དབང་ལྔ་བ་ངག་དབང་བློ་བཟང་རྒྱ་མཚོ་སྐུ་འབུམ་དུ་ཞབས་སྐྱེས་རྣམ་པར་བཀོད་དེ་བླ་བྲང་ཆེན་མོར་བཞུགས་གདན་འཇགས། རྒྱལ་དབང་གསུམ་པ་བསོད་ནམས་རྒྱ་མཚོའི་བཞུགས་ཁྲིའི་སྟེང་ནས་ཁྲོམ་ཚོགས་ལ་ལམ་རིམ་ཆེན་མོའི་ཆོས་ཐུན་གཅིག་གནང་བ་སོགས་ཆོས་སྲིད་ཀྱི་གཟིགས་བསྐྱངས་རྒྱ་ཆེར་མཛད། 《བཅའ་ཡིག་ཆེན་མོ་ཉུང་དུ་རྣམ་གསལ》མཛད་ནས་ཚོགས་ཆེན་ཁྲི་བ་ལ་གནང་ངོ་། ཁོང་ནི་སྐུ་འབུམ་དགོན་གྱི་གདན་སའི་ཁྲི་ཆེན་བརྒྱད་པ་ཡིན་ནོ།།
- language:
- Tibetan