- gser sdings ba gzhon nu 'od
- ID:
- T272221
- གསེར་སྡིངས་བ་གཞོན་ནུ་འོད (Tibetan, Tibetan script, Original)
- > gser sdings ba gzhon nu 'od (Tibetan, Latin script, Transliteration-THL Extended Wylie Transliteration)
- > serdingwa zhönnu ö (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་གཉིས་པའི་དུས་མཇུག་ཙམ་དུ་སུམ་བསྐྱིལ་མཁར་ལ་སྐུ་འཁྲུངས་པའི་མཁས་གྲུབ་ཆེན་པོ་ཞིག་[1817]ཡིན། ཁོང་གཞོན་ནུ་དུས་ནས་འདུལ་དཀར་གཞོན་ནུ་ཚུལ་ཁྲིམས་ལས་རབ་བྱུང་བསྒྲུབས། ཇོ་བོ་རྗེ་ནས་བརྒྱུད་པའི་ལམ་རིམ་མན་ངག་དང་བཅས་པ་མང་དུ་གསན་ཞིང་ཐུགས་ཉམས་སུ་ཡང་བབས། དུས་ཕྱིས་སུ་མཁན་པོ་གཙང་ནག་པ་ལ་སོགས་པ་ལ་བསྙེན་རྫོགས་ཀྱི་སྡོམ་པ་མནོས། འདུལ་བའི་སྐོར་ལ་སྦྱངས་པ་ཆེན་པོ་མཛད་དེ་འདུལ་འཛིན་ཆེན་པོར་གྱུར། དེ་ནས་རྗེ་སྒམ་པོ་པའི་དངོས་སློབ་ལོག་ཕུག་པ་ལས་ནཱ་རོ་ཆོས་དྲུག་དང་ཕྱག་རྒྱ་ཆེན་པོའི་ཁྲིད་རྣམས་ཞུས། དེ་ནས་ཤབ་ཀྱི་སྣ་རིངས་དང་། མོན་གྱི་སྤ་གྲོ། བུམ་ཐང་། གྲོ་བོ་ལུང་། རྒྱལ་གྱི་རྩིབས་རི་ལ་སོགས་པའི་གནས་ཆེན་མང་པོ་ཞབས་ཀྱིས་བཅགས་ནས་སྒྲུབ་པ་ཉམས་ལེན་མཛད། དེ་ནས་སེར་བུ་དབེན་ཚར་བཞུགས་ཏེ་གསེར་སྡིངས་དགོན་པ་གསར་འདེབས་མཛད། མཁས་པ་ཐམས་ཅད་ཀྱིས་འདྲི་ས་དང་མི་ཆེན་ཐམས་ཅད་ཀྱིས་གཏུགས་སར་གྱུར། རྒྱས་འབྲིང་བསྡུས་གསུམ་ལས་མི་ཉུང་བའི་བསྟན་བཅོས་མང་དུ་མཛད། འཕྲིན་ལས་ཆེན་པོ་རྒྱས་སོ། དགེ་སློང་གཞོན་ནུ་འོད་དང་། རྣལ་འབྱོར་གྱི་དབང་ཕྱུག་གཞོན་ནུ་འོད་བཅས་ནི་ཁོང་གི་མཚན་གྱི་རྣམ་གྲངས་ཡིན། ཁོང་གི་སློབ་མ་གྲགས་ཆེ་བ་ནི་མགར(འགར)གྲགས་པ་དབང་ཕྱུག་ཡིན། །
- language:
- Tibetan