- gser tog ngag dbang bstan pa'i rgyal mtshan
- ID:
- T272219
- གསེར་ཏོག་ངག་དབང་བསྟན་པའི་རྒྱལ་མཚན (Tibetan, Tibetan script, Original)
- > gser tog ngag dbang bstan pa'i rgyal mtshan (Tibetan, Latin script, Transliteration-THL Extended Wylie Transliteration)
- > sertok ngawang tenpé gyeltsen (Tibetan, Latin script, Transcription-THL Simplified Tibetan Transcription)
Other Dictionaries
1. gangs can mkhas grub rim byon ming mdzod
ཁོང་གི་འཁྲུངས་འདས་ཀྱི་ལོ་ཚིགས་མི་གསལ། ཁོང་རབ་བྱུང་བཅུ་གཉིས་པའི་མེ་ཕོ་སྟག་ལོ་སྟེ་སྤྱི་ལོ 1746 ལོར་སྐུ་འབུམ་དགོན་གྱི་གདན་སའི་ཁྲི་ཆེན་ལ་བཞུགས་ནས་ལོ་གསུམ་གྱི་རིང་དུ་གདན་ས་བསྐྱངས། ལོ་དེར་མཚོ་སྔོན་ཆིང་ཝང་བསྟན་འཛིན་དབང་ཕྱུག་དང་། དཔོན་མོ་ཨེར་ཁེ་ཤ་ར་གཉིས་ཀྱིས་སྦྱིན་བདག་མཛད་དེ། མི་དབང་ཕོ་ལྷ་བསོད་ནམས་སྟོབས་རྒྱས་ཀྱིས་གསོལ་དཔོན་རབ་བརྟན་དོ་དམ་པར་མངགས་པར་བརྟེན་ནས་གསེར་སྡོང་ཆེན་མོ་ལ་གསེར་ཟངས་ཀྱི་མདའ་ཡབ་ཁྱད་མཚར་ཅན་དང་སྟེང་དུ་ནོར་བུ་འབར་བ་ཆ་གཙིག་བཅས་ལེགས་པར་བཞེངས། དེ་ནས་ཁོང་གིས་དངུལ་སྲང་སྟོང་ཕྲག་བཞིའི་མཐུན་རྐྱེན་སྦྱར་ཞིང་འགན་ཁུར་བཞེས་ཏེ་མཆོད་རྟེན་ཆེན་མོའི་རགས་དང་བཅས་པ་སྐྱར་བཞེངས་ཞིག་[1814]གསོས་མཛད་ཅིང་རབ་གནས་རྒྱས་པར་མཛད། ལྗོན་ཤིང་ཆེན་མོའི་མཐའ་སྐོར་གྱི་ས་དང་རྡོ་ཁང་ནང་གི་ནང་རྟེན་ལྷག་མ་རྣམས་སྙིང་པོར་མཛད་དེ་དགོན་པའི་བྱང་ངོས་ཀྱི་མཆོད་རྟེན་སྒོ་བཞིར་གྲགས་པ་གསར་བཞེངས་མཛད། དེའི་སྐབས་སུ་སྐྱབས་རྗེ་རྟ་ཚག་རྗེ་དྲུང་བློ་བཟང་དཔལ་ལྡན་རྒྱལ་མཚན་རྒྱ་ནག་ཏུ་ཕེབས་ལམ་སྐུ་འབུམ་དགོན་དུ་ཞབས་པད་བཀོད་དེ། ཆོས་འབྲེལ་དང་བསྙེན་བཀུར་གྱི་བཀའ་དྲིན་བསྐྱངས། ཉིད་ཀྱི་རྗེ་དྲུང་སྒར་བ་སྐུ་གསུང་ཐུགས་རྟེན་དང་བཅས་འཚམས་པ་གྲྭ་ཚང་ལ་གནང་ངོ་། ཁོང་ནི་སྐུ་འབུམ་དགོན་གྱི་གདན་རབས་ཁྲི་ཆེན་ཉེར་དྲུག་པ་ཡིན་ནོ། །
- language:
- Tibetan