Skip to main content Skip to search
grub chen brgyad cu gya bzhi/
ID:
T270773
  • གྲུབ་ཆེན་བརྒྱད་ཅུ་གྱ་བཞི (Tibetan, Tibetan script, Original)
    • > grub chen brgyad cu gya bzhi/ (Tibetan, Latin script, Transliteration-THL Extended Wylie Transliteration)
    • > drupchen gyechu gyazhi (Tibetan, Latin script, Transcription-THL Simplified Tibetan Transcription)
Other Dictionaries

Other Dictionaries

1. dung dkar bod rig pa'i tshig mdzod chen mo

སངས་རྒྱས་ཆོས་ལུགས་ཀྱི་བཤད་སྲོལ་ལ། གསང་སྔགས་ཀྱི་ལམ་ལ་བརྟེན་ནས་ཐུན་མོང་གི་དངོས་གྲུབ་བརྒྱད་དམ། སྐུ་ཚེ་དེ་ལ་སངས་རྒྱས་པའི་མཆོག་གི་དངོས་གྲུབ་གང་རུང་ཐོབ་པ་ལ་གྲུབ་ཐོབ་དང༌། གྲུབ་ཆེན་ཟེར། གྲུབ་ཆེན་འདི་རྣམས་དུས་སྐབས་གང་དུ་བྱུང་བ་ནི་ཇོ་ནང་ཏཱ་ར་ནཱ་ཐས་བརྩམས་པའི<<རྒྱ་གར་ཆོས་འབྱུང>>ལས། ནང་པའི་སློབ་དཔོན་གྲུབ་ཐོབ་བརྒྱད་ཅུ་རྩ་བཞིར་གྲགས་པ་ཕྱེད་ལྷག་ཙམ་སློབ་དཔོན་ཆོས་གྲགས་ཀྱི་དུས་མན་ཆད་ནས་རྒྱལ་པོ་ཙ་ན་ཀས་སྲིད་དབང་བཟུང་བ་ཡན་ཆད་དུ་བྱོན་པ་དང༌། རྒྱལ་པོ་གོ་པཱ་ལ་ནས་རཱ་མ་པཱ་ལའི་བར་པཱ་ལ་བདུན་བརྒྱུད་ཀྱི་རིང་གསང་སྔགས་ཀྱི་ལམ་ལ་བརྟེན་ནས་གྲུབ་པ་ཐོབ་པ་ཤིན་ཏུ་མང་བར་བྱོན་ཞེས་བཤད་པ་ལྟར་ན། གྲུབ་ཐོབ་བརྒྱད་ཅུ་རྩ་བཞིའི་ནང་གི་མང་ཆེ་བ་བོད་ཀྱི་རབ་བྱུང་གོང་གི་ཤཱཀྱའི་འདས་ལོ(འདིའི་ནང་གི་ཤཱཀྱའི་འདས་ལོ་རྣམས་ཁ་ཆེ་པཎ་ཆེན་ཤཱཀྱ་ཤིའི་ལུགས་ཀྱི་འདས་ལོ་གཞིར་བཟུང་བ་ཡིན)༡༡༦༥ལོ་ནས་བོད་ཀྱི་རབ་བྱུང་གསུམ་པའི་མཇུག་བར་དང༌། སྤྱི་ལོའི་དུས་རབས་བདུན་པ་ནས་དུས་རབས་བཅུ་གཉིས་པའི་མཇུག་བར་གྱི་ལོ་དྲུག་བརྒྱ་ཐམ་པའི་རིང་དེར་བྱུང་བར་མངོན། འདིར་གྲུབ་ཐོབ་བརྒྱད་ཅུ་རྩ་བཞིའི་མིང་ཙམ་སྨྲོས་ན། ༡་ལུ་ཨི་པ(ཉ་ལྟོ་བ)༢་དྷ་རི་ཀ་པ(སྨད་འཚོང་ལ་གཡོག་བྱེད་པ)༣་ཌིམ་ཀེ་པ། ༤ལི་ལ་པ། ༥་བིར་ཝ་པ(དཔལ་ལྡན་ཆོས་སྐྱོང)༦ཊོམབྷི་པ། ༧་ཤ་ཝ་རི་པ(རི་དྭགས་རྔོན་པ)༨ས་ར་ཧ་པ(བྲམ་ཟེ་ས་ར་ཧ་པ)༩་ཀོ་ཀ་ལི་བ(ཉལ་པོ་ལ་དགའ་བ)༡༠་མི་ན་པ(ཉ་པ)༡༡་གོ་རཀྴ་པ(རྐང་ལག་མེད་པ)༡༢་ཙ་འུར་ཁ་པ(བ་ལང་སྐྱོང)༡༣་བི་ན་པ(རོལ་མོ་ལ་ཆགས་པ)༡༤་རཏྣ་ཨ་ཀ་ར་ཤནྷེ(རིན་ཆེན་འབྱུང་གནས་ཞི་བ)༡༥་ཏོག་ཙེ་པ(འཇོར་ཐོགས་མཁན)་་་་་་་་་་༡༦་ཏནྷྲི་པ(ཐགས་མཁན)༡༧་ཙ་མ་རི་པ(ལྷམ་མཁན)༡༨་ཁངྒ་པ(རལ་གྲི་ཅན)༡༩་ཀླུ་སྒྲུབ(སློབ་དཔོན་ཀླུ་སྒྲུབ)༢༠་ཀཧྣི་པ(ནག་པོ་སྤྱོད་པ)༢༡་ཀ་ན་རི་པ(སློབ་དཔོན་ཨརྱྭ་དེ་བ)༢༢་ཐེ་གེ་ན་པ(རྫུན་སྨྲ་བ)༢༣་ཏེ་ལོ་པ(ཏིལ་རྡུང་མཁན)༢༤་ནཱ་རོ་པ(པཎ་ཆེན་ནཱ་རོ་པ)༢༥་ཤ་ལི་པ(སྤྱང་ཀི་པ)༢༦་ཙ་ཏ་པ(ཆོས་སློང་མཁན)༢༧་བྷ་ཏ་པ། ༢༨་ངྷོ་ཁན་ངྷི་པ། ༢༩་ཨ་ཛུ་ཀི(ལེ་ལོ་ཅན)༣༠lས་ཀ་ལ་པ(སྨྱོན་པ)༣༡་ཌོམ་བྷི་བ(ཁྲུས་མཁན)༣༢་མེ་ཀོ་པ(དུར་ཁྲོད་པ)༣༣་ཀ་མ་རི་པ(མགར་བ)༣༤་ཛ་ལན་དྷ་ར་པ(འབར་བ་འཛིན)༣༥་ར་ཧུ་ལ(སྒྲ་གཅན་འཛིན)༣༦དྷརྨ་པ(ཆོས་སྨྲ་བ)༣༧་ངྷོ་ཀ་རི་པ(སྣོད་འཁུར་བ)༣༨་མེ་ངྷ་ནི(ཞིང་པ)༣༩་སངྒ་ཛ་ལ། ༤༠་དྲིལ་བུ་པ། ༤༡་ཨ་ཡོ་གི༤༢་ཙ་ལོ་གི༤༣་གུ་ཧུ་རི་པ(བྱ་པ)༤༤ལུ་ཙིཀ(ཙོག་འདུག་ལྐོག་ལངས)༤༥་ཀམ་ཀ་ལ(གདུ་བུ་པ)༤༦་ཀམ་པ་ལི(ལ་ཝ་པ)༤༧་བྷ་དེ་པ། ༤༨་ཏེན་ཏ་པ(ཆོ་ལོ་པ)༤༩་ཀུ་ཀུ་རི་པ(ཁྱི་ལ་དགའ་བ)༥༠་ཀུ་ཛྙ་ལི(ལྟག་ཝ་ཅན)༥༡་དྷརྨ་པ(ཐོས་ཤེས་ཅན)༥༢་མ་དྷི་ལ(ང་རྒྱལ་ཅན)༥༣་ཨ་ཙིནྟ(ཤིང་འཚོང་མཁན)༥༤ལྷ་ལ་ཧ། ༥༥‘ན་ལི་པ(འདམ་གྱིས་མ་གོས་པའི་པརྨོ)༥༦་བྷུ་སུ་ཀུ་པ(འདུ་ཤེས་གསུམ་པ)༥༧་ཨིནྡྲ་བོ་དྷི(བྱང་ཆུབ་དབང་པོ)༥༨་ལེགས་སྨིན་ཀ་ར(དེའི་སྐུ་མཆེད་མོ)༥༩་ཛ་ལེནྡྲ་པ(འབར་བའི་དབང་པོ)༦༠་ནི་ར་གུ་ན(ཡོན་ཏན་མེད་པ)༦༡་ཙ་བ་རི་པ(འཁུར་པ་འཚོང་བ)༦༢་ཙ་པ་ཀ༦༣་བྷི་ཁ་ན། ༦༤་ཏིལ་བརྡུང་བ། ༦༥་ཀུ་མ་རི། ༦༦་དུ་མེ་བ། ༦༧མ་ཎི་བྷ་དྲ(མོ)༦༨་རྣལ་འབྱོར་མ་མེ་ཁ་ལ། ༦༩་དེའི་སྐུ་མཆེད(མོ)༧༠་ཀ་ན་ཀ་པ(ཀུ་ཅོ་སྨྲ་བ)༧༡་ཀན་ཐ་ལི་པ(འཚེམ་བུ་པ)༧༢་དྷ་པུ་རི་པ(ཀུ་ཤའི་ཐག་པ་གཅུ་མཁན)༧༣་ཨུ་དྷ་རི་པ(རྫུ་འཕྲུལ་གྱིས་འཕུར་མཁན)༧༤་ཀ་པཱ་ལི་པ(ཐོད་པ་ཅན)༧༥་ཀི་ར་པ(སྲིད་དམག་ལ་དགའ་བ)༧༦་མཚོསྐྱེས་རྡོ་རྗེ། ༧༧་སྭརྦ་སྟ་ག་ལ(མཐོང་ཚད་ཟ་བ)༧༨་ན་ག་བོ་ངྷི་(ཀླུའི་བྱང་ཆུབ)༧༩‘ཁུར་ལི་པ(བྲིས་སྐུ་འཆང་བ)༨༠་པ་ན་ཧ(མཆིལ་ལྷམ་ཅན)༨༡་ཀོ་ཀ་ལི་པ(བྱ་ཀོ་ཀ་ལི་ལ་དགའ་བ)༨༢་ཨ་ན་ཀ(ལུས་བཟང་པ)༨༣་སུམུནྡྲ(ཚོང་བྱེད་མཁན)༨༤་བྱ་རི་པ་(བཅུད་ལེན་མཁན)བཅས་ཡིན། དེ་རྣམས་ནི་བླ་མ་རྡོ་རྗེ་གདན་པས་ཚོགས་འཁོར་མཛད་པའི་སྐབས་དངོས་སུ་བྱོན་པའི་གྲུབ་ཐོབ་ཀྱི་གྲངས་སོ། །ཡང<<ཆོས་ཀྱི་རྣམ་གྲངས་རྒྱ་མཚོའི་གཏེར>>ཞེས་པར་ཡང་འདི་འདྲ་བཀོད་ཡོད་དེ། ལུ་ཧི་པ། ཀང་ཀ་རི་པ(ཀུ་ཀུ་རི་པ)ས་ཧ་བཛྲ། ཐ་ག་རི་པ(ན་ག)བྷུ་སུ་ཀ། པད་མའི་རྒྱལ་གོ། དྲིལ་བུ་པ། ཀླུ་སྒྲུབ། པད་མ་བཛྲ། མི་དྲི་ཀ་མ་ལ། བྷུ་སུ་ཀུ། ཞི་བ་མཚོ(ཨརྱཱ་དེ་བ)ས་ར་ཧ་ཏ་པ། དུར་ཁྲོད་མ(མགུར་དབྱངས་མཁན)ལྷ་སྲས་རིན་ཆེན་དཔལ་བཞེར(མི་ན་ས)ལི་ཡི་བཟོ་བོ། བྷ་སུ་དྷ་རི། ཛ་ལན་དྷ་ར། ཉི་མ་དཔལ(དྷརྨ་གིཏྟ)གསལ་བྱེད་མ། རོ་ལངས་མ(སྨད་སྐྲིས་ཅན)ཏོག་ཙེ་པ། ཨིནྟྲ་བྷོ་ངྷོ(ཕྱི་མ)ཀླུའི་བྱང་ཆུབ། ནག་པོ་ཞབས(བྷིན་ས)རྒྱན་གྱི་རྒྱལ་མོ(ན་ཏ་པ)ཤན་ཏི་པ(ཐོགས་མེད་བྷིན་དྷ་ས)བྷིརྱ་པ། ཏྲི་རྣ་པ། ལྭ་བ་པ། ཏི་ལོ་པ། མར་མེ་མཛད(ནི་ཏུ་པ)མི་ཐུབ་ཟླ་བ(ཟླ་བ་བཟང་པོ)ཀ་མ(ནག་པོ་སྤྱོད་པ)ལ་ཤྲི། ཡེ་ཤེས་སྙིང་པོ(ཀུན་དགའ་སྙིང་པོ)ཀ་ལ་གླང་གྷིར། ཡན་ལག་མེད་པའི་རྡོ་རྗེ། ཀ་ན་ཀོ་རི(ཀུ་མ་རི་པ)བྷིར་བ་པ(གླང་ཆེན་པ)མ་ཧ་སི་ཏི(མ་ཧཱ་པ)ཛྙཱ་ན་ཤྲི། ཏན་ཏྲ་པ། གྲི་སྐོར་མ(སྤྲིན་གྱི་ཤུགས་འཆང)དྲི་མེད་མ། ངག་གི་དབང་ཕྱུག གྷུ་ངྷེ་རི་པ(ཏི་གི་པ)འཇམ་དཔལ་བཤེས་གཉེན། ར་ཛ་ན་ཏི(ཙ་ར་ཡང་བ)ཤན་ཏ་དྷེ་བ། གྷུ་ན་མ་ཏི(གསེར་གླང་བ)བློ་གྲོས་བརྟན་པ། བཤེས་གཉེན་མ(དྷ་ར་ཀ་པ)གཅེར་བུ་མ(གཅེར་བུ་པ)ལམ་སྐྱེས་མ(ཕག་ཚང་སྤྱོད་པ)ཀུ་བུ་ཙ་པ། ཀ་ལིང་ཀ། སྲད་ཛྙཱ་ཕ་ལ། བྱེ་མ་ལོང་བ(དྷ་སི་རི་པ)དབྱངས་ཀྱི་རྒྱལ་མོ(ཙམ་པ་ནི་ཀ)ཟླ་བའི་གདོང་བ་ཅན(མཁའ་འགྲོ་མ)མྲོ་མ་འབར་མ། ཉི་མ་པས་པ། རརྣ་གྷིཏྟི(སེང་གེ་པ)སྨྲོ་མ་ལ་བ་ཅན(ཛ་ཏི་རི་པ)སང་ག་རི་པ། པདྨོ་ཤྲི(བྷ་ཡ་ས་ནི)ལས་ཀྱི་འབྱུང་གནས(གྷ་གྷ་ལི་པ)བྷ་གྷ་དཔལ(ག་ན་པ)ཡེ་ཤེས་ཞབས(ཀ་ལི)ས་ར་ཧ(སྤང་ཏོ་བ)པདྨ་རྡོ་རྗེ(སང་ཏྲི་པ་དང་ནི་ལམ་པ)རོ་ཟན་མ། ཀང་ཀ་ལི་པ། རྡོ་རྗེ་དྲིལ་བུ་པ(ཤཱཀྱའི་བཤེས་གཉེན)ཤེས་རབ་འབྱུང་གནས(ན་རོ་པ)རྡོ་རྗེ་རྩེ་གཅིག་པ(གུ་ར་ལུ་པ)རིན་ཆེན་རྡོ་རྗེ(སང་ག་རི་པ)བློ་གྲོས་དབྱངས་མ། ཛ་བ་རི་པ། ཊོམྔྷི་ཧེ་རུ་ཀ(བྷུ་དྷ་རི་ལོ་ཀ)བྷུངྔྷུ་ཤྲི(བཟང་པོ་དཔལ)ཀོའུ་ཏ(ཀ་ན་པ)རྡོ་རྗེ་ལྡན་མ(སེང་ཧ་པ)སྔོ་བསང་མ(ཟླ་བ་གྲགས་པ)ཤིང་ལོ་མ(སྲ་བྷ་ཀ་ར)ལྡོམ་བྷི་མ། བདག་མེད་མའོ། །སྤྱིར་གསང་སྔགས་ཀྱི་ལམ་ལ་བརྟེན་ནས་གྲུབ་པ་ཐོབ་པ་ནི་སློབ་དཔོན་ཀླུ་སྒྲུབ་ཀྱི་དུས་ཁོ་ནར་ལྔ་སྟོང་ལྷག་ཙམ་བྱུང་བར་བཤད་ཅིང༌། ཡོངས་གྲགས་སུ་གྲུབ་ཐོབ་བརྒྱད་ཅུ་རྩ་བཞི་དང་གྲུབ་ཐོབ་བརྒྱད་ཅུ་ཞེས་གྲགས་པ་ནི་བླ་མ་རྡོ་རྗེ་གདན་པས་ཚོགས་འཁོར་མཛད་པའི་སྐབས་དངོས་སུ་བྱོན་པའི་གྲུབ་ཐོབ་ཀྱི་གྲངས་ལ་བརྒྱད་ཅུ་བྱུང་བར་བརྟེན་ནས་མིང་དེ་ལྟར་གྲགས་པ་ཡིན་ཟེར་སྲོལ་ཡོད། གྲུབ་ཐོབ་བརྒྱད་ཅུ་རྩ་བཞིའི་ལོ་རྒྱུས་མདོར་བསྡུས་ཤིག རྒྱ་གར་གྱི་སློབ་དཔོན་ཨབྷྱ་ཀ་རས་མཛད་པའི<<གྲུབ་ཐོབ་བརྒྱད་ཅུ་རྩ་བཞིའི་རྣམ་ཐར་དང་ལོ་རྒྱུས>>བོད་ཀྱི་པ་ཚབ་ལོ་ཙཱ་བ་ཚུལ་ཁྲིམས་རྒྱལ་མཚན་གྱིས་བསྒྱུར་བ་ཞིག་སྡེ་དགེར་ཤིང་དཔར་ཡོད།

language:
Tibetan

grub chen brgyad cu gya bzhi/ has 1 other term directly related to it, which is presented here.