- karma pa ye shes rdo rje/
- ID:
- T270430
- ཀརྨ་པ་ཡེ་ཤེས་རྡོ་རྗེ (Tibetan, Tibetan script, Original)
- > karma pa ye shes rdo rje/ (Tibetan, Latin script, Transliteration-THL Extended Wylie Transliteration)
- > karmapa yeshé dorjé (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
(ཀརྨ་པ་སྐུ་ཕྲེང་བཅུ་གཅིག་པ)་མགོ་ལོག་གི་ཡུལ་དུ་རབ་བྱུང་བཅུ་གཅིག་པའི་མེ་སྦྲུལ། (༡༦༧༧)ལོར་སྐུ་འཁྲུངས་ནས་རབ་བྱུང་བཅུ་གཉིས་པའི། ལྕགས་སྦྲུལ(༡༧༠༡)ལོར་སྐུ་གཤེགས། དགུང་ལོ་ཉི་ཤུ། རྩ་བཞི་བཞུགས། ཞྭ་དམར་རིན་པོ་ཆེ་ཡེ་ཤེས་སྙིང་པོ། སོགས་བླ་མ་མང་དུ་བསྟེན་ནས་གསན་བསམ་མཐར་ཕྱིན་པར་མཛད། སྐུ་ཚེའི་མཐར་ཞྭ་དམར་སྤྲུལ་པའི་སྐུ་རང་[ཉིད་ཀྱི་རྒྱལ་ཚབ་ཏུ་བསྐོ་བཞག་མཛད་དེ་དགོངས་པ་མྱ། ངན་ལས་འདས། རྣམ་ཐར་ལོ་རྒྱུས་ཞིབ་པ་བདག་གིས་མ༌མཐོང་ངོ་།
- language:
- Tibetan
2. gangs can mkhas grub rim byon ming mdzod
ཁོང་ནི་རབ་བྱུང་བཅུ་གཅིག་པའི་ཤིང་མོ་ཡོས་ལོ་སྟེ་སྤྱི་ལོ་1675ལོར་མདོ་སྨད་སྨར་ཁམས་སུ་ཡབ་ཡུམ་རིགས་དང་ལྡན་པའི་སྲས་སུ་སྐུ་འཁྲུངས། རབ་བྱུང་བཅུ་གཉིས་པའི་ཆུ་མོ་ཡོས་ལོ་སྟེ་སྤྱི་ལོ1699ལོར་སྐུ་གཤེགས། དགུང་ལོ་ཆུང་ངུའི་དུས་ནས་ལྷ་གདན་གྱི་ཕྱོགས་སུ་གཤེགས་པའི་ཚེ་ཡངས་པ་ཅན་གྱི་གཙུག་ལག་ཁང་ཆེན་པོར་རྒྱལ་བ་ཡབ་སྲས་ལྷན་རྒྱས་རྟེན་འབྱུང་འགྲིགས་ནས་མཆོག་དམན་སྐྱ་སེར་གདུལ་བྱའི་ཚོགས་རྣམས་གང་ལ་གང་འདུལ་གྱིས་སྨིན་པར་མཛད། དེ་ནས་འོག་མིན་མཚུར་ཕུའི་གདན་སའི་སེང་ཁྲིར་ཞབས་བཀོད་ནས་མཐོན་མཐིང་ཅོད་པན་བཞེས་ཏེ་དོན་བརྒྱུད་ཀྱི་བསྟན་པའི་བདག་པོར་འགྲན་ཟླ་དང་བྲལ་བར་བཞུགས་ཤིང་། ཁྱབ་བདག་ཡེ་ཤེས་སྙིང་པོ་དང་། ཡབ་སྲས་སྐྱེས་ཆེན་དུ་མ་རྣམས་ལས་དབང་ལུང་མན་ངག་གསན་བསམ་མཐར་ཕྱིན་པ་གནང་སྟེ། བཤད་སྒྲུབ་བསྟན་པའི་སྒྲོན་མེ་ཕྱོགས་ཐམས་ཅད་དུ་སྦར་བར་མཛད། རིག་འཛིན་མི་[30]འགྱུར་རྡོ་རྗེ་དང་། སྟག་ཤམ་ནུས་ལྡན་རྡོ་རྗེའི་ཟབ་གཏེར་རྣམས་ཆོས་ཀྱི་བདག་པོར་ལུང་བསྟན་ཅིང་བཀུར་བ་མཛད། གདན་སའི་ཉམས་གསོ་དང་། རྟེན་དང་བརྟེན་པ་གསར་བཞེངས་མཛད། མདོར་ན་སྐྱེ་རྒུ་མ་ལུས་པ་སྨིན་གྲོལ་གྱི་ལམ་དུ་བཀོད་ཅིང་ཞྭ་དམར་བརྒྱད་པ་དཔལ་ཆེན་ཆོས་ཀྱི་དོན་གྲུབ་རྒྱལ་ཚབ་ཏུ་མངའ་གསོལ་ཞིང་བསྟན་པ་གཏད། རྟག་འཛིན་ཅན་རྣམས་ཆོས་ལ་སྐུལ་ཕྱིར་དགུང་ལོ་ཉེར་ལྔ་པར་ཞིང་དུ་ཕེབས། ཁོང་ནི་ཀརྨ་པའི་སྐུ་ཕྲེང་བཅུ་གཅིག་པ་ཡིན། ཁོང་གི་སློབ་མ་གྲགས་ཆེ་བ་ནི་ཞྭ་དམར་དཔལ་ཆེན་ཆོས་ཀྱི་དོན་གྲུབ་དང་། གྲུབ་དབང་ཏྲེ་ཧོར་ཀརྨ་བསྟན་པ་དར་རྒྱས། མཁན་ཆེན་ཀརྨ་དོན་ཡོད་སྙིང་པོ་བཅས་ཡིན། །
- language:
- Tibetan