Passage

de lta bas na snang srid dag mnyam chen por nges pa'i blo lta ba thams cad kyi yang rtse grub mtha' thams cad kyi mthar thug/ [77] lam thams cad kyi skyel so bla na med pa'i lugs kyi la ba ji ltar gtan la dbab pa'i tshul bla ma rnams kyi gsung la brten nas rang lugs ltar cung zad bshad na/ 'di ltar tha snyad kyi yul can chos can lta ba'i lta ba dang/ don dam pa'i yul can chos nyid lta ba'i lta ba dang/ bden gnyis dbyer med par nges pa'i yul can rang rig lta ba'i lta ba ste gsum ni spyir lta ba thams cad kyi khyad byed yin na'ang/ 'dir thun mong ma yin pa'i lta bas gtan la 'bebs pa'i tshul ni/ de gsum gyis chos thams cad lhag pa'i bden pa dbyer med chos sku chen po'i rang bzhin du gtan la 'bebs par byed de/ de yang (1) chos can gyi lta bas lhag pa'i kun rdzob kyi bden pa snang ba thams cad sku dang ye shes kyi dkyil 'khor du dag par gtan la 'bebs par byed cing/ (2) chos nyid kyi lta bas lhag pa'i don dam pa'i bden pa chos thams cad kyi rang bzhin de bzhin gshegs pa thams cad kyi gsang ba'i mdzod khang 'bras chos lnga dang dbyings ye gnyis te dkor bdun ngo bo nyid med pa'i dbyings su mnyam par shes nas/ (3) rang rig gi lta bas lhag pa'i bden pa de gnyis dbyer mnyam pa chen por yul med rang gsal gyi tshul du nyam su myong ba'o/

Note

After this passage, Yon tan rgya mtsho [78.6 f] elaborates at length on each vision from a Mantrayāna perspective. For more on this, see under the term gsang sngags kyi theg pa, the entries that discuss the superiority of Mantrayāna.

by David Higgins