- gu ru chos kyi dbang phyug
- ID:
- T26180
- གུ་རུ་ཆོས་ཀྱི་དབང་ཕྱུག (Tibetan, Tibetan script, Original)
- > gu ru chos kyi dbang phyug (Tibetan, Latin script, Transliteration-THL Extended Wylie Transliteration)
- > guru chökyi wangchuk (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
-
(1212-1273); revealed གསང་འདུས་བླ་མའི་ཐུགས་སྒྲུབ་
- language:
- English
-
Guru Chökyi Wangchuk (1212-1273). see གུ་རུ་ཆོས་དབང་
- language:
- English
2. dung dkar bod rig pa'i tshig mdzod chen mo
གསང་སྔགས་སྔ་འགྱུར་རྙིང་མའི་གཏེར་ཁ་འོག་མར་གྲགས་པ་ཐོག་མར་དར་སྤེལ་མཛད་པ་པོ་ཡིན། ལྷོ་བྲག་ལ་ཡག་ཁུལ་དུ་ཡབ་སྔགས་འཆང་སྤང་སྟོན་གྲུབ་པའི་སྙིང་པོ་དང༌། ཡུམ་དཀར་བཟའ་མགོན་སྐྱིད་གཉིས་ཀྱི་སྲས་སུ་རབ་བྱུང་བཞི་པའི་ཆུ་སྤྲེལ(༡༢༡༢)ལོར་སྐུ་འཁྲུངས། ཡབ་ཀྱིས<<འཇམ་དཔལ་མཚན་བརྗོད>>གསེར་ཡིག་ཞིག་བྲི་བཞིན་ཡོད་པའི་ཚིག་མཚམས། ཆོས་ཀྱི་དབང་ཕྱུག་ཆོས་ཀྱི་རྒྱལ་ཞེས་པའི་སྐབས་སུ་སླེབས་པ་དང་སྲས་འཁྲུངས་པ་དུས་མཉམ་པར་བརྟེན་མཚན་ལ་ཆོས་ཀྱི་དབང་ཕྱུག་ཅེས་གསོལ། དགུང་ལོ་བཞི་ནས་ཡབ་ཀྱིས་ཡི་གེ་འབྲི་ཀློག་དང༌། སྒྲ་རིག་པའི་བསྟན་བཅོས། སྐར་རྩིས། གསོ་བ་རིག་པ། ལོ་རྒྱུས། སྒྲུང་དང་ཟློས་གར། བོན་གཞུང༌། གསང་སྔགས་གསར་རྙིང་སོགས་ཐོས་པ་རྒྱ་ཆེར་མཛད། དགུང་ལོ་བཅུ་བཞི་ནས་བཅུ་དྲུག་བར། ཚད་མ་དང་ཕར་ཕྱིན། དབུ་མ། སྤྱོད་འཇུག ཕྱག་ཆེན། ཞི་བྱེད། རྫོགས་ཆེན་ལ་སོགས་པར་སློབ་གཉེར་དང་གསན་བསམ་མཛད། དགུང་ལོ་བཅུ་བདུན་པ་ལ་མངའ་བདག་ཉང་ཉི་མ་འོད་ཟེར་གྱི་སྲས་འགྲོ་མགོན་དང་མཇལ་ནས་གཏེར་ཆོས་མཐའ་དག་གསན། དགུང་ལོ་ཉེར་གཉིས་པ་ཆུ་སྦྲུལ(༡༢༣༣)ལོར་ལྷོ་བྲག་གནམ་སྐས་བྲག་ནས་གདམས་སྐོར་བཞི་དང༌། མན་ངག་བརྒྱ་རྩ་བརྒྱ་སོགས་གཏེར་འདོན་གནང་མཛད། བླ་རྫོགས་ཐུགས་གསུམ་གྱིས་མཚོན་པའི་གཏེར་ཁ་བཅོ་བརྒྱད་ཀྱི་བདག་པོར་གྱུར། སློབ་མ་སྐལ་ལྡན་མང་པོར་སོ་སོའི་སྐལ་བ་དང་འཚམས་པའི་ཆོས་དང་མན་ངག་གནང༌། ཉམས་རྟོགས་འཕྲལ་འཕྲལ་དུ་སྐྱེས། གཙང་གི་ཆོང་འདུས་མགུར་མོའི་ལྷ་ཁང་དང༌། བསམ་འགྲུབ་བདེ་ཆེན་གྱི་ལྷ་ཁང༌། ལྷོ་ལ་ཡག་གུ་རུ་ལྷ་ཁང་བཅས་གསར་བཞེངས་གནང་ནས། ལ་ཡག་གུ་རུ་ལྷ་ཁང་དུ་གཙོ་བོའི་བཞུགས་ཡུལ་མཛད། མཐར་དགུང་ལོ་ང་དགུ་པ་རབ་བྱུང་ལྔ་པའི་ལྕགས་རྟ(༡༢༧༠)ལོར་སྐུ་གཤེགས། རྣམ་ཐར་སྐོར<<གུ་བཀྲ་ཆོས་འབྱུང>>ལྕགས་དཔར་མའི་ཤོག་གྲངས༣༨༦ནས༣༩༣བར་གསལ།
- language:
- Tibetan
3. Thupten Phuntsok Dictionary
གསང་སྔགས་སྔ་འགྱུར་རྙིང་མའི་གཏེར་ཁ་འོག་མར་གྲགས་པ་ཐོག་མར་དར་སྤེལ་མཛད་པ་པོ་ཡིན། ལྷོ་བྲག་ལ་ཡག་ཁུལ་དུ་ཡབ་སྔགས་འཆང་སྤང་སྟོན་གྲུབ་པའི་སྙིང་པོ་དང་། ཡུམ་དཀར་བཟའ་མགོན་སྐྱིད་གཉིས་ཀྱི་སྲས་སུ་རབ་བྱུང་བཞི་པའི་ཆུ་སྤྲེལ (༡༢༡༢) ལོར་སྐུ་འཁྲུངས། དགུང་ལོ་ཉེར་གཉིས་པ་ཆུ་སྦྲུལ་ (༡༢༣༣) ལོར་ལྷོ་བྲག་གནམ་སྐས་བྲག་ནས་གདམས་སྐོར་བཞི་དང་། མན་ངག་བརྒྱ་རྩ་བརྒྱ་སོགས་གཏེར་འདོན་གནང་མཛད། མཐར་དགུང་ལོ་ང་དགུ་པ་རབ་བྱུང་ལྔ་པའི་ལྕགས་རྟ (༡༢༧༠) ལོར་སྐུ་གཤེགས།
- language:
- Tibetan
4. gangs can mkhas grub rim byon ming mdzod
ཁོང་ནི་རབ་བྱུང་བཞི་པའི་ཆུ་ཕོ་སྤྲེལ་ལོ་སྟེ་སྤྱི་ལོ 1212 ལོར་གཡོ་རུར་ཡབ་མཁས་སྟོན་ཉི་རྒྱ་བ་དང་། ཡུམ་དཀར་ཟ་མགོན་སྐྱིད་གཉིས་པ་ཀྱི་སྲས་སུ་སྐུ་འཁྲུངས། རབ་བྱུང་ལྔ་པའི་ཆུ་མོ་བྱ་ལོ་སྟེ་སྤྱི་ལོ 1273 ལོར་སྐུ་གཤེགས། ཁོང་གི་གདུང་རུས་པང་ཡིན། དགུང་ལོ་བཞི་པར་ཡབ་ལས་ཡི་གིའི་འབྲི་ཀློག་སྦྱངས་པས་ལེགས་པར་མཁྱེན། མདོར་ན་ཐེག་པ་རིམ་དགུ་ལ་སྦྱངས་ཚུལ་ཉིད་ཀྱི་གསུང་ལས་དང་པོ་བདེན་བཞིའི་སྒོར་ཞུགས་གང་ཟག་གི་བདག་མེད་རྟོགས། དགྲ་བཅོམ་གྱི་འབྲས་བུ་ལ་སྨོན་རྒྱལ་མཁན་ལྟར་རང་དོན་བག་ཙམ་བྱས། དེ་ནས་རྟེན་འབྲེལ་བཅུ་གཉིས་ཀྱི་སྒོར་ཞུགས་ཆོས་ཀྱི་བདག་མེད་ཀྱི་ཕྱོགས་གཅིག་རྟོགས། ཡིད་ཞི་བདེ་ལ་སྨོན་བསེ་རུ་ལྟ་བུར་ཡང་བག་ཙམ་བསྡད། དེ་ནས་ཕར་ཕྱིན་བཅུའི་སྒོར་ཞུགས་བདག་མེད་གཉིས་ཀའི་དོན་རྟོགས། ཀུན་ཏུ་འོད་ཀྱི་ས་ལ་ཡིད་སྨོན་མཉན་པ་ལྟར་རང་གཞན་གཉིས་ཀའི་དོན་ཡང་བག་ཙམ་བྱས། དེ་ནས་བྱ་བ་དྲུག་གི་སྒོར་ཞུགས་སྐྱེ་འགག་མེད་པའི་དོན་རྟོགས། རྡོ་རྗེ་འཛིན་པའི་ས་ལ་ཡིད་སྨོན་བྲམ་ཟེ་ལྟ་བུར་གཙང་སྦྲ་ཡང་བག་ཙམ་བྱས། དེ་ནས་ཕྱི་ནང་གཉིས་ཀའི་སྒོར་ཞུགས་སྐྱེ་འགག་གཉིས་ལྷར་རྟོགས། རིགས་[247]བཞིའི་རྡོ་རྗེ་འཆང་ལ་ཡིད་སྨོན་རྗེ་རིགས་ལྟར་ཕྱི་ནང་གཉིས་ཀའི་སྤྱོད་པ་བག་ཙམ་སྤྱད། དེ་ནས་ཡོ་གའི་སྒོར་ཞུགས་རྒྱལ་མཆོག་རྣམ་པ་གསུམ་གྱིས་རྒྱུད་སྦྱངས། རིགས་ལྔའི་སངས་རྒྱས་སུ་སྨོན་རྒྱལ་པོ་ལྟར་ཚོགས་དཔོན་ཡང་བག་ཙམ་བགྱིས། དེ་ནས་ཏིང་འཛིན་རྣམ་གསུམ་གྱི་སྒོར་ཞུགས་སྣང་སྲིད་ལྷའི་དཀྱིལ་འཁོར་དུ་ཏོགས། པདྨ་ཅན་ཀྱི་ས་ལ་ཡིད་སྨོན་མངལ་སྐྱེས་ལྟར་རིམ་གྱིས་ས་ལམ་སྦྱངས། དེ་ནས་སྐད་ཅིག་ལྷར་གསལ་གྱི་སྒོར་ཞུགས་ཡབ་ཡུམ་གཉིས་མེད་རང་བྱུང་དུ་རྟོགས། འཁོར་ལོ་ཚོགས་ཆེན་གྱི་ས་ལ་ཡིད་སྨོན་བརྫུས་སྐྱེས་ཚུལ་གྱིས་རིག་པའི་རྩལ་སྦྱངས། དེ་ནས་བྱ་བྲལ་རྟོགས་པའི་སྒོར་ཞུགས་འཁོར་འདས་གཉིས་མེད་རང་སེམས་སུ་རྟོགས། ཀུན་བཟང་དབྱེར་མེད་ཀྱི་ས་ལ་ཡིད་སྨོན་སངས་རྒྱས་མཉམ་སྦྱོར་ངོ་མཚར་ཆེ་ཞེས་པ་ལྟ་བུའོ། ཁོང་གིས་གཏེར་ཁ་ཆེན་པོ་བཅོ་བརྒྱད་ཕྱེས་ཏེ་རྙིང་མའི་གཏེར་སྟོན་འོག་མ་པ་ཞེས་སྐད་གྲགས་ཅན་ཞིག་ཡིན།།
- language:
- Tibetan