- a gar 'ba' zhig
- ID:
- T247342
- ཨ་གར་འབའ་ཞིག (Tibetan, Tibetan script, Original)
- > a gar 'ba' zhig (Tibetan, Latin script, Transliteration-THL Extended Wylie Transliteration)
- > a gar bashyik (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
ཨ་གར་རིགས་གསུམ་གྱི་ནང་ཚན་ཨ་སྐྱའི་མིང་དུ་བཞེད་པར་ཞིག་དང་། ཨ་གར་རུ་ཁོ་ནའི་དོན་དུ་བཞེད་པ་ཞིག་དང་གཉིས་མཆིས་ཏེ། དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་དྲི་མེད་ཤེལ་ཕྲེང་ལས། ཨ་ག་རུ་རིགས་གསུམ་གྱི་ནང་ནས་ཅུང་ཟད་ལྕི་ལ་སྨུག་པ་སྤྱིན་ཆུ་ནང་ནས་དྲངས་ལ་སྐམས་པ་འདྲ་ཞིང་དྲི་ཤིན་ཏུ་ཞིམ་པ་དེ་ལ་ཨ་གར་འབའ་ཞིག་ཟེར། ཞེས་གསུངས་པ་དང་། སྡེ་དགེ་དྲུང་འཚོ་བ་གུ་རུ་འཕེལ་གྱིས་མཛད་པའི་སྨན་གྱི་བརྡ་བསྡུས་དང་གབ་མིང་འགའ་ཞིག་བཀྲོལ་བ་བློ་གསལ་མགྲིན་པའི་རྒྱན་ལས། ཨ་གར་འབའ་ཞིག་ནི། མདོ་ལས། ཨ་གར་འབའ་ཞིག་གི་དུ་བས་བདུག་པར་བྱའོ། ཞེས་པ་དེའི་འབའ་ཞིག་ནི་ཁོ་ནའི་དོན་ཡིན་པས་བོད་མ་གོ་བ་རྣམས་ཀྱིས་ཨ་གར་རིགས་གསུམ་གྱི་ནང་ཚན་ཨ་སྐྱའི་མིང་དུ་བྱ་བ་ཡིན་ནོ། ཞེས་དང་། འཇམ་དབྱངས་མཁྱེན་བརྩེས་མཛད་པའི་སྨན་མིང་དང་ངོས་འཛིན་གྱི་སྐོར་བདུད་རྩིའི་ཟེགས་མ་ལས་ཀྱང་དེ་དང་མཐུན་པར་གསུངས་ཤིང་། དེང་སང་ཕྱག་རྒྱུན་དུ་ཨ་སྐྱའི་རིགས་ཤིག་ལ་ངོས་འཛིན་འདུག་པས་སླད་དཔྱོད་ཅིག
- language:
- Tibetan