- kha dron nang pa blo bzang bstan 'dzin
- ID:
- T224765
- ཁ་དྲོན་ནང་པ་བློ་བཟང་བསྟན་འཛིན (Tibetan, Tibetan script, Original)
- > kha dron nang pa blo bzang bstan 'dzin (Tibetan, Latin script, Transliteration-THL Extended Wylie Transliteration)
- > kha drön nangpa lo zang tendzin (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྗེ་འདི་ནི་མདོ་སྨད་ཤར་རྒྱུད་གྲོ་ཆེན་གྱི་ཡུལ་དུ་ཡབ་ཚེ་རིང་དོན་གྲུབ་དང་ཡུམ་ཀླུ་མོ་ཡག་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ལྕགས་ཁྱི(༡༧༣༠)ལོར་སྐུ་འཁྲུངས། དགུང་ལོ་བདུན་པར་ཁྱ་དགེ་བློ་གྲོས་རྒྱ་མཚོའི་མདུན་ནས་དགེ་བསྙེན་བསྒྲུབས། དེ་རྗེས་ཁྱ་དགེ་བློ་གྲོས་བསོད་ནམས་མདུན་ནས་རབ་ཏུ་བྱུང༌། མཚན་བློ་བཟང་བསྟན་འཛིན་དུ་གསོལ། དགུང་ལོ་ཉེར་གཅིག་པར་སློབ་དཔོན་བརྩོན་འགྲུས་བཟང་པོའི་མདུན་ནས་དགེ་ཚུལ་དང་བསྙེན་རྫོགས་ཀྱི་སྡོམ་པ་བཞེས། དཀའ་སྤྱད་ཀྱིས་ཉམས་ལེན་དང་ཆོས་འཆད་དབང་ལུང་གནང་བ་སོགས་ཀྱིས་དུས་འདའ་བར་མཛད། བཀའ་རྩོམ་སྐོར། <<བཅོམ་ལྡན་འདས་དཔལ་རྡོ་རྗེ་འཇིགས་བྱེད་དཔའ་བོ་གཅིག་པའི་སྒྲུབ་ཐབས>>དང༌། <<ཐུགས་རྗེ་ཆེན་པོ་ཞལ་བཅུ་གཅིག་པའི་སྨྱུང་ཆོག>><<བླ་མའི་རྣལ་འབྱོར་དང་ལྷག་པའི་ལྷ་འགའ་ཞིག་གི་སྒྲུབ་ཐབས>><<འཇམ་དབྱངས་དམར་སེར་གྱི་སྒྲུབ་ཐབས>>སོགས་མང་དུ་མཛད། དགུང་ལོ་རེ་དྲུག་ལ་ཕེབས་པ་རབ་བྱུང་བཅུ་གསུམ་པའི་ཤིང་ཡོས(༡༧༩༥)ལོར་ཞི་བར་གཤེགས།
- language:
- Tibetan
2. Thupten Phuntsok Dictionary
རྗེ་འདི་ནི་མདོ་སྨད་ཤར་རྒྱུད་གྲོ་ཆེན་གྱི་ཡུལ་དུ་ཡབ་ཚེ་རིང་གྲུབ་དང་ཡུམ་ཀླུ་མོ་ཡག་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ལྕགས་ཁྱི (༡༩༣༠) ལོར་སྐུ་འཁྲུངས། དགུང་ལོ་རེ་དྲུག་ལ་ཕེབས་པ་རབ་བྱུང་བཅུ་གསུམ་པའི་ཤིང་ཡོས (༡༧༩༥) ལོར་ཞི་བར་གཤེགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བཅུ་གཉིས་པའི་ལྕགས་ཕོ་ཁྱི་ལོ་སྟེ་སྤྱི་ལོ 1730 ལོར་མདོ་སྨད་ཤར་རྒྱུད་གྲོ་ཆེན་གྱི་ཡུལ་དུ་ཡབ་ཚེ་རིང་དོན་གྲུབ་དང་། ཡུམ་ཀླུ་མོ་ཡག་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་གསུམ་པའི་ཤིང་མོ་ཡོས་ལོ་སྟེ་སྤྱི་ལོ1795ལོར་སྐུ་གཤེགས། ཁོང་དགུང་ལོ་བདུན་པར་ཁྱ་དགེ་བློ་གྲོས་རྒྱ་མཚོའི་དྲུང་ནས་དགེ་བསྙེན་བསྒྲུབས། དེ་རྗེས་ཁྱ་དགེ་བློ་གྲོས་བསོད་ནམས་ཀྱི་དྲུང་ནས་རབ་བྱུང་བསྒྲུབས། མཚན་ལ་བློ་བཟང་བསྟན་འཛིན་ཞེས་གསོལ། དགུང་ལོ་ཉེར་གཅིག་པར་སློབ་དཔོན་བརྩོན་འགྲུབ་བཟང་པོའི་དྲུང་ནས་དགེ་ཚུལ་དང་། དགེ་སློང་གི་སྡོམ་པ་བཞེས། དཀའ་སྤྱད་ཀྱིས་ཉམས་ལེན་དང་ཆོས་འཆད་དབང་ལུང་གནང་བ་སོགས་ཀྱིས་དུས་འདའ་བར་མཛད། དགུང་ལོ་དྲུག་ཅུ་རེ་དྲུག་པར་དགོངས་པ་ཆོས་དབྱིངས་སུ་གཤེགས། ཁོང་གི་གསུང་རྩོམ་ནི《རི་ཁྲོད་བསམ་གཏན་གླིང་གི་བཅའ་ཡིག》དང་། 《བཅོམ་ལྡན་འདས་གཙུག་ཏོར་རྣམ་རྒྱལ་མའི་མངོན་རྟོགས》། 《བཅོམ་ལྡན་འདས་དཔལ་རྡོ་རྗེ་འཇིགས་བྱེད་དཔའ་བོ་གཅིག་པའི་སྒྲུབ་ཐབས》། 《འཇམ་དབྱངས་དམར་སེར་གྱི་སྒྲུབ་ཐབས》། 《སྨྱུང་གནས་བླ་བརྒྱུད》བཅས་ཆོས་ཚན་བཅུ་བདུན་ལོངས་པའི་པོ་ཏི་གཅིག་བཞུགས་སོ།། [135]
- language:
- Tibetan