- khu ston brtson 'grus g.yung drung /
- ID:
- T17275
- ཁུ་སྟོན་བརྩོན་འགྲུས་གཡུང་དྲུང (Tibetan, Tibetan script, Original)
- > khu ston brtson 'grus g.yung drung / (Tibetan, Latin script, Transliteration-THL Extended Wylie Transliteration)
- > khutön tsöndrü yungdrung (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
Khutön Tsöndrü Yungdrung, one of Atisha's chief disciples
- language:
- English
2. dung dkar bod rig pa'i tshig mdzod chen mo
ཇོ་བོ་རྗེཨ་ཏི་ཤའི་སློབ་མའི་གཙོ་བོ་ཁུ་རྔོག་འབྲོམ་གསུམ(༡ཁུ་སྟོན་བརྩོན་འགྲུས་གཡུང་དྲུང༌། ༢‘རྔོག་ལེགས་པའི་ཤེས་རབ། ༣འབྲོམ་སྟོན་པ་རྒྱལ་བའི་འབྱུང་གནས)གྱི་ནང་གསེས། མཚན་གཞན་དགེ་བཤེས་ཁུ་ཆེན་པོ་ཡང་ཟེར། རབ་བྱུང་དང་པོའི་གོང་གི་ལྕགས་ཕག(༡༠༡༡)ལོར་ཡར་ལུང་སྐུ་འཁྲུངས། དགེ་བཤེས་ནག་ཚོ་ལོ་ཙཱ་བ་དང་དགུང་མཉམ་ཡིན། གྲུ་མེར་ཚུལ་ཁྲིམས་འབྱུང་གནས་ཀྱི་དྲུང་དུ་རབ་ཏུ་བྱུང༌། དགེ་བཤེས་གྲྭ་པ་མངོན་ཤེས་ལ་ཡང་ཆོས་འགའ་ཞིག་གསན། རྗེས་སུ་རྔོག་ལེགས་པའི་ཤེས་རབ་དང༌། འབྲེ་ཤེས་རབ་འབར་གཉིས་དང་མཉམ་དུ་བར་ཁམས་ལྡན་ཀློང་ཐང་དུ་བྱོན་ནས་བླ་མ་སེ་བཙུན་གྱི་སློབ་མ་མཛད་དེ་ཆོས་མང་དུ་གསན། འབྲོམ་སྟོན་པ་ཇོ་བོ་རྗེ་ཨ་ཏི་ཤ་མཇལ་བར་མངའ་རིས་སུ་ཕེབས་པའི་ཕྱི་ལོ་དབུས་སུ་ཕེབས། ཐང་པོ་ཆེར་བཞུགས་ནས་མཚན་ཉིད་ཀྱི་བཤད་པ་མཛད་པས་སློབ་མ་མང་དུ་བྱུང་ཞིང༌། དྭགས་པོ་དབང་རྒྱལ་གྱིས་ཁོང་གི་དྲུང་དུ་ཕར་ཕྱིན་གསན། ཇོ་བོ་རྗེ་ཨ་ཏི་ཤ་འབྲོམ་སྟོན་པས་དབུས་སུ་གདན་དྲངས་སྐབས་ཕེབས་བསུར་རྟ་པ་མང་པོ་དང་བཅས་ཏེ་བསུ་བ་ཞུ་མཁན་ཚང་མའི་སྔོན་ལ་ཕེབས་ནས་ཐང་པོ་ཆེར་གདན་དྲངས། རྗེས་སུ་འབྲོམ་སྟོན་པས་ཁུ་སྟོན་གྱིས་མ་མཁྱེན་པ་མཛད་དེ་ལྐོག་ཏུ་བསམ་ཡས་དང་སྙེ་ཐང་དུ་གདན་དྲངས་པས་འབྲོམ་སྟོན་པར་ཤིན་ཏུ་མ་མཉེས། དེ་ནས་འབྲོམ་སྟོན་པས་མངོན་ལྐོག་གང་སར་དགེ་བཤེས་ཁུ་སྟོན་ཆེན་པོར་བསྔགས་བརྗོད་ཡང་ཡང་མཛད་པ་གསན་ནས་ཇོ་བོ་རྗེ་དང་འབྲོམ་སྟོན་པར་དགོངས་སེལ་ཞུ་བར་ཐང་པོ་ཆེ་ནས་བྲག་ཡེར་པ་བར་ཞབས་ཐང་གིས་ཕེབས། འབྲོམ་སྟོན་པ་དང་མཇལ་མ་ཐག་སྐུ་ཕྱག་ཕུལ་ནས་བཟོད་གསོལ་མཛད་དེ་དེ་ནས་བཟུང་འབྲོམ་སྟོན་པ་ལ་གུས་བཀུར་གཞན་དང་མི་འདྲ་བ་གནང༌། མཐར་དགུང་ལོ་རེ་ལྔ་པ་རབ་བྱུང་དང་པོའི་ཤིང་ཡོས(༡༠༧༥)ལོར་སྐུ་གཤེགས། དགེ་བཤེས་ཆེན་པོ་འདིས་མཛད་པའི་བོད་ཀྱི་ལོ་རྒྱུས<<ལོག་གནོན་ཆེན་མོ>>ཞེས་ཁ་བྱང་དུ་འཁོད་པ་ཞིག་དཔའ་བོ་གཙུག་ལག་ཕྲེང་བས་གཟིགས་མྱོང་ཚུལ<<ཆོས་འབྱུང་མཁས་པའི་དགའ་སྟོན>>བོད་ཀྱི་རྒྱལ་རབས་ཀྱི་མཇུག་ཏུ་གསུངས་འདུག་ན་ཡང༌། དེང་སང་དེའི་དཔེ་རྒྱུན་ད་ཕན་གཏན་ནས་མ་རྙེད། འདིར་བཀོད་པའི་ལོ་རྒྱུས་ནི<<དེབ་སྔོན>>དེབ་གཟུགས་ལྕགས་དཔར་མ་སྟོད་ཆའི་ཤོག་གྲངས༡༢༢ནས༡༢༣བར་གསལ་བ་ནས་དྲངས་པ་ལགས།
- language:
- Tibetan
3. Thupten Phuntsok Dictionary
ཇོ་བོ་རྗེ་ཨ་ཏི་ཤའི་སློབ་མའི་གཙོ་བོ་ཁུ་རྔོག་འབྲོམ་གསུམ ༡ ཁུ་སྟོན་བརྩོན་འགྲུས་གཡུང་དྲུང་། ༢ རྔོག་ལེགས་པའི་ཤེས་རབ། ༣ འབྲོམ་སྟོན་པ་རྒྱལ་བའི་འབྱུང་གནས་གྱི་ནང་གསེས། མཚན་གཞན་དགེ་བཤེས་ཁུ་ཆེན་པོ་ཡང་ཟེར། རབ་བྱུང་དང་པོའི་གོང་གི་ལྕགས་ཕག (༡༠༡༡) ལོར་ཡར་ལུང་སྐུ་འཁྲུངས། མཐར་དགུང་ལོ་རེ་ལྔ་པ་རབ་བྱུང་དང་པོའི་ཤིང་ཡོས (༡༠༧༥) ལོར་སྐུ་གཤེགས།
- language:
- Tibetan
4. gangs can mkhas grub rim byon ming mdzod
ཁོང་ནི་རབ་བྱུང་མ་ཚུགས་གོང་གི་ལྕགས་མོ་ཕག་ལོ་སྟེ་སྤྱི་ལོ 1011 ལོར་སྐུ་འཁྲུངས། རབ་བྱུང་དང་པོའི་ཤིང་མོ་ཡོས་ལོ་སྟེ་སྤྱི་ལོ 1075 ལོར་སྐུ་གཤེགས། ཁོང་དང་རྔོག་ལེགས་པའི་ཤེས་རབ་དང་། འབྲེ་ཆེན་པོ་ཤེས་རབ་འབར་རྣམས་འགྲོགས་ནས་ཁམས་སུ་ཕེབས་ཏེ་ཇོ་བོ་སེ་བཙུན་གྱི་ཞབས་ལ་གཏུགས་ཏེ་ཆོས་མང་དུ་གསན་པར་མཛད། དེ་ནས་མཁས་པར་གྱུར་ཏེ་འབྲོམ་སྟོན་པ་རྒྱལ་བའི་འབྱུང་གནས་མངའ་རིས་སུ་ཕེབས་པའི་ཕྱི་ལོ་ལ་དབུས་སུ་ཆིབས་བསྒྱུར་མཛད། དེ་ནས་ཇོ་བོ་རྗེ་དཔལ་ལྡན་ཨ་ཏི་ཤའི་ཞབས་ལ་གཏུགས་ཤིང་《བྱང་ཆུབ་ལམ་སྒྲོན》གཙོ་མཛད་པའི་མདོ་སྔགས་ཀྱི་ཆོས་སྐོར་མང་དུ་གསན་པར་མཛད། དེ་ནས་ཐང་པོ་ཆེར་བྱོན་ཏེ་བཞུགས་པར་མཛད་ཅིང་སློབ་མ་རྣམས་ལ་ཕར་ཕྱིན་གྱི་འཆད་ཉན་མཛད། གྲྭ་པ་ཡང་མང་དུ་འདུས། དྭགས་པོ་དབང་རྒྱལ་གྱིས་ཀྱང་ཁོང་གི་ཞབས་ལ་གཏུགས་ཤིང་ཕར་ཕྱིན་ལེགས་པར་སྦྱངས་མཛད། དུས་ཕྱིས་སུ་ཁོང་དང་ཚད་མ་རྙིང་པ་ལ་ཤིན་ཏུ་མཁས་པའི་ཁྱུང་པོ་གྲགས་སེ་གཉིས་ཀྱིས་པོ་ཏ་རི་དང་དམར་པོ་རི་གཉིས་ལ་ཕེབས་ཏེ་འགྲན་བཤད་མཛད་ཟེར། དེ་[148]ནས་བསྟན་འགྲོའི་དོན་ཆེན་ལེགས་པར་གྲུབ་སྟེ། དགུང་ལོ་དྲུག་ཅུ་རྩ་ལྔ་པར་དགོངས་པ་ཆོས་དབྱིངས་སུ་གཤེགས། ཁོང་གིས་གདན་ས་དབོན་པོ་འབྱུང་གནས་རྒྱལ་མཚན་ལ་གཏད་པ་མཛད། ཁོང་ནི་ཁུ་རྔོག་འབྲོམ་གསུམ་ཞེས་པའི་སྙན་གྲགས་ཆེ་བའི་ཁུ་སྟོན་བརྩོན་འགྲུས་གཡུང་དྲུང་དེ་བ་ཡིན་ནོ།།
- language:
- Tibetan