Passage

nyan rang dgra bcom pa rnams dang yang thun mong du ma gyur pa'am de dag la rjes mthun tsam yang med pa'i ma 'dres pa bco brgyad ni/ A. spyod lam ma 'dres pa drug/ B. rtogs pa ma 'dres pa drug/ C. ye shes ma 'dres pa gsum/ D. phrin las ma 'dres pa gsum/

A. spyod lam ma 'dres pa drug ni/

(1) sku 'khrul pa med pa ni nyan rang dgra bcom pa rnams la bag chags kyi sgrib pa ma spangs pas lam du sprul nag po rkang pas brdzi ba la sogs pa spyod lam nyes pa'i cha yod la/ sangs rgyas la de med pas spyan gyis 'byed 'dzum dang phyag gis brkang bskum tsam yang gzhan phan 'ba' zhig tu ngang gis 'byung ba'o/

(2) gsung ca co med pa ni nyan thos dag nags 'thibs por lam stor nas ca co sgrogs pa dang/ gad mo rta gad du dgod pa sogs ngag ma brtags ba'i spyod lam yod la sangs rgyas la de med pas gsung sbrid pa dang gsung bsal ba'i sgra tsam yang ngang gis gzhan don du 'gyur ba'o/

(3) thugs dran pa nyams pa mi mnga' ba ni nyan rang la bya ba 'ga' zhig brjed pa dang/ ma bsam par mngon shes mi 'jig pas rang la gnod pa 'byung ba sogs dagn por mi shes pa srid la/ sangs rgyas kyi mdzad pa thams cad dus las mi yol zhing mkhyen pa la rtsol byung med pas bsam ma bsam med par dus gsum gyi shes bya [499] thams cad rtag tu gzigs pa'o/

(4) mnyam par ma bzhag pa'i thugs mi mnga' ba ni nyan rang rnams ting nge 'dzin la mnyam par bzhag nas ting nge 'dzin de las langs te spyod lam la 'jug pa las mnyam par bzhag bzhin du spyod lam la 'jug mi nus pa la/ sangs rgyas rnams mnyam par bzhag bzhin du chos ston pa dang bsod snyoms len pa sogs mdzad pas rtag tu mnyam par ma bzhag pa med pa'o/

(5) tha dad pa'i 'du shes mi mnga' ba ni nyan rang la mya ngan las 'das pa la zhi ba'i 'du shes dang/ 'khor bas skyo ba sogs bzang ngan gnyis bcas kyi 'du shes yod la sangs rgyas la 'khor 'das gnyis med du gzigs pas gnyis chos thams cad gnyis med kyi klong du dag pa'o/

(6) so sor ma brtags pa'i btang snyoms mi mnga' ba ni sems can gang dang gang thabs gang dang gang gis dus nam dang nam gyi tshe 'dul ba thams cad dgongs nas dus der thabs des gdul ba dus las mi yol bar mdzad la/ nyan rang rnams rang gi gdul bya yin yang ma brtags pas dus las yol ba'am thabs mi shes pas phyis gdul mi nus pa yod pa'o/

B. rtogs pa ma 'dres pa drug ni

(7) rtag tu gzhan don la dgyes pa'i 'dun pa/

(8) 'gro don thugs kyis mi 'dor ba'i dran pa/

(9) sems can gcig gi [500] phyir du bskal pa brgya phrag mang por bshos mi gsol bar chos ston yang mi ngal ba brtson 'grus/

(10) shes bya thams cad mkhyen pa'i shes rab/

(11) sems rtse gcig tu gnas pa ting nge 'dzin/

(12) sgrib gnyis bag chags dang bcas pa las grob ba'i rnam grol/

rnam pa thams cad mkhyen pa'i ye shes thob pas rnam grol ye shes gzigs pa nyams pa med pa ste/ nyan rang dgra gcom la 'di dag nyams pa yod do/ nyams pa de yang ma thob pas nyams pa dang thob zin nyams pa gnyis las/ sangs rgyas kyi thugs rgyud na yod pa'i khyad par can rnams ma thob pas nyams pa yod la/ nyan rang rang rgyud la yod pa'i thob zin rnams kyang nyams par 'gyur pa yod par nyan thos sde pa kha cig 'dod do/

C. ye shes ma 'dres pa gsum ni

(13) 'das pa'i dus kyi shes bya thams cad la ma chags ma thogs pa'i ye shes kyi gzigs pa 'jug/

(14) da lta'i dus kyi shes bya thams cad la ma chags ma thogs pa'i ye shes kyi gzigs pa 'jug/

(15) ma 'ongs pa'i dus kyi shes bya thams cad la ma chags ma thogs pa'i ye shes kyi gzigs pa 'jug/

ma chags ma thogs pa ni nyon sgrib spangs pas ma chags la/ shes sgrib spangs pas ma thogs pa'o/ 'di dag dgra bcom pa rnams [501] la chags thogs yod de sngar mi shes pa'i rgyu bzhi bshad pa bzhin no/

D. phrin las ma 'dres pa gsum ni

(16) sku'i phrin las thams cad ye shes sngon du 'gro zhing ye shes kyi rjes su 'brang ba/

(17) gsung gi phrin las thams cad ye shes sngon du 'gro zhing ye shes rjes su 'brang ba/

(18) thugs kyi phrin las thams cad ye shes sngon du 'gro zhing ye shes rjes su 'brang ba'o/

de yang ye shes sngon du 'gro zhing ye shes kyi rjes su 'brang ba zhes pa ni/ dang po shes bzhin dang bcas pa'i ye shes sngon du btang nas de'i rjes su spyod lam de 'brang ba lta bu la dgongs so/ nyan thos dgra bcom pa la shes bzhin nyams pa yod de sngar spyod lam gyi ma 'dres par bshad pa lta bu'o/

[Mahāyāna vs. Hīnayāna List of 18 ma 'dres pa]

'di ltar bshad pa'i ma 'dres pa bco brgyad ni theg chen gyi lugs yin la/ theg dman pa rnams ni/ stobs bcu/ mi 'jigs bzhi/ ma dres pa'i dran pa nyer bzhag gsum/ thugs rje chen po rnams la ma 'dres pa bco brgyad ces bzhed do/

Note

Yon tan rgya mtsho concisely describes thema 'dres pa bco brgyad by way of commentary to a verse in the Yon tan mdzod rtsa ba {115776} that highlights the qualities specific to the Buddha ratna (see under sangs rgyas as one of the three jewels for a summary of the qualities of spangs and rtogs). As Yon tan rgya mtsho mentions at the end of his account, the eighteen "unadulterated qualities" that he discusses are specific to Mahāyāna and not to be confused with another list of eighteen found in Hīnayāna texts.

by David Higgins