Passage

phrin las ni bdag nyid chen po rnams kyi thugs rje chen pos/ 'gro ba la phan 'dogs pa'i mdzad spyod yin te/ 'di yang tshad med pa bzhi'i rgyu las byung zhing/ shes rab chen pos bzhin pa ni/ thabs mkhas pa'i phrin las zhes bya ste/ de dag mi ldan na/ [498] 'jig rten gyi bya ba phran tshegs tsam du 'gyur ro/ 'di'i yul ni khams gsum gyi sems can thams cad de/ de yang dmigs kyis ni/ gnod sdig can dang/ dbul phongs dang/ log par lta ba can dang/ dregs pa can rnams ni zhing khud pa'o/

rab tu dbye ba ni/ zhi ba la sogs pa rnam pa bzhi'o/ thabs ni bsgom pa dang/ bzlos brjod dang/ sbyin sreg phur bu dang/ gtor ma dang sbyor ba dang 'khrul 'khor gyi sgo nas spyod do/ mdor na nang la brten pa dang/ phyi rol gyi rdzas la brten pa dang/ gnyi ga la brten pa'i bye brag go

'bras bu ni bdag dang gzhan gyi don grub pa ste/ 'di ltar bde ba dang longs spyod dang dbang dang 'dul ba'o/

nges pa'i tshig gi tshul gyis na/ kar+ma zhes bya ba'i sgra/ ga rtan kri ta ya kar+ma zhes bya ste/ byed pa rnams kyi bya ba ni las te/ byed pa po'i 'dod pa'o/

Note

In this passage, Rong zom elucidates the meaning of the term phrin las, exploring the many nuances of the Sanskrit original.

by David Higgins

Passage

phrin las ni/ thun mong pa las bzhi [345] mtshan bcas su sgrub pa las khyad par du 'phags pa/ rang byung gi ye shes la sku dang ye shes 'du 'bral med par ye nas lhun gyis grub pas don gnyis 'bad rtsol med par 'byung ste/ ngo bo nges tshig dbye ba dpe dang bcas pa/ [Thig le kun gsal] las/

ma bris ma bskyed ma bsgom par
rang bzhin gsal ba'i dkyil 'khor la
bya rtsol 'das pa'i phrin las kyis
thogs pa med par don mdzad de
sku gsum rgya ba'i dkyil 'khor du
ston pas sku gsum don mdzad pa'i
sku yi 'od dang gsung gi zer
stong pa sku gsum ma btsal 'grub
byin rlabs rang ngo tshig sbyor gyis
phrin las 'gro don thog med mdzad
byas pa med par lhun gyis grub
phrin las dag gi ngo bo ni
bya ba grub pa'i ye shes yin
phrin las dag gi nges tshig ni
rang bzhin bya rtsol las 'das pa
so sor don mdzad phrin las yin
dbye na rnam pa gnyis yin te
rtsol byas rtsol ba bral ba'o
rtsol byas rtsol bral phrin las rnam pa bzhi
chos sku dngos med spros pa med
rtogs pas spros [346] pa thams cad zhi
zhi ba'i phrin las zhes su bya
yon tan nor bu bzhin du 'byung
rgyas ba'i phrin las zhes su bya
thams cad 'byung yang de las 'byung
thams cad gnas kyang de la gnas
thams cad thim yang de la thim
thams cad mnga' mdzad dbang bskur bas
dbang gi phrin las zhes su bya
rig pa dngos med rdos bcas med
phyogs med gang la'ang thogs med 'char
drag po'i phrin las zhes su bya/
bya rtsol med pa nyi ma'i 'od zer gyis
khams gsum mtshan mo'i mun pa sel ba ltar
thog pa med pa'i thugs rje chen po yis
bya rtsol med pa'i phrin las chen po 'grub/ ces so/

Note

By way of commentary to the Thig le kun gsal {116071}, Klong chen pa clearly elucidates the essence, definition, and classification of phrin las from a Rdzogs chen perspective.

by David Higgins