- sku gsum re re zhing mi zad pa rgyan gyi 'khor lo lnga lngas dbye bas chos kyi rnam grangs bco lngar sbyar ba/
- ID:
- T10023
- སྐུ་གསུམ་རེ་རེ་ཞིང་མི་ཟད་པ་རྒྱན་གྱི་འཁོར་ལོ་ལྔ་ལྔས་དབྱེ་བས་ཆོས་ཀྱི་རྣམ་གྲངས་བཅོ་ལྔར་སྦྱར་བ (Tibetan, Tibetan script, Original)
- > sku gsum re re zhing mi zad pa rgyan gyi 'khor lo lnga lngas dbye bas chos kyi rnam grangs bco lngar sbyar ba/ (Tibetan, Latin script, Transliteration-THL Extended Wylie Transliteration)
- > kusum rerezhingmi zepa gyengyi khorlo ngangé yewé chökyi namdrang chongar jarwa (Tibetan, Latin script, Transcription-THL Simplified Tibetan Transcription)
Other Dictionaries
2. dung dkar bod rig pa'i tshig mdzod chen mo
ཐལ་འགྱུར་རྩ་བའི་རྒྱུད་ལས། ཆོས་ཀྱི་སྐུ་ནི་སྐུ་དང་གསུང་། ཐུགས་དང་ཡོན་ཏན་འཕྲིན་ལས་སོ། སྐུ་ནི་སྟོང་དང་གསལ་བ་དང་། །མཚན་མ་མེད་པའི་རང་བཞིན་ནོ། གསུང་སྒྲ་ཚིག་མིང་བྲལ་ནས་ནི། །བརྗོད་ཅིང་གླེང་བ་ཉིད་བྲལ་ལོ། ཐུགས་ནི་བསམ་དང་འགྱུ་མེད་པས། འཕྲོ་ཞིང་དཔྱོད་པ་རྣམས་ལས་འདས། ཡོན་ཏན་ཕྱིར་འོང་ལྡོག་པ་མེད། དབྱིངས་དང་ཡེ་ཤེས་ཁྱབ་པ་དང་། རང་བཞིན་བཅོས་པ་མེད་པའོ། འཕྲིན་ལས་མ་བྱུང་མ་སྐྱེས་པ། ཤུགས་འབྱུང་བ་དང་འགག་པ་མེད། མ་བྱས་བྱས་པ་མེད་པའོ། ལོངས་སྐུ་ལ་ཡང་སྐུ་གསུང་ཐུགས། ཡོན་ཏན་འཕྲིན་ལས་ལྔ་ཡིན་ནོ། །སྐུ་ནི་སྣང་ལ་རང་བཞིན་མེད། གསལ་དང་གསལ་བྱེད་རིག་པས་ཁྱབ། གསུང་ནི་རང་བྱུང་རང་སྣང་དང་། སྤྲོ་བསྡུ་རྣམ་པའི་འཁོར་ལོའོ། །ཐུགས་ནི་རྒྱུན་ཆད་མེད་གཟིགས་དང་། །མཁྱེན་པའི་རྩལ་དང་དགོངས་པའོ། ཡོན་ཏན་མཚན་དཔེ་རྫོགས་པ་ལ། དགོངས་གསལ་མངོན་ཤེས་རྫོགས་པའོ། འཕྲིན་ལས་ཆོས་ཀྱི་འཁོར་ལོ་ལས། ཕྱི་ནང་གསང་བ་རྣམས་འཕྲོས་ཏེ། །སོ་སོའི་རིགས་ཀྱི་སངས་རྒྱས་དང་། བྱང་ཆུབ་སེམས་དཔའ་རྣམས་ལ་ཡང་། རང་བྱུང་ལྗགས་ལས་རྣམ་སྤྲོས་ཏེ། འཁོར་ལ་རང་གི་ངོ་བོས་སྟོན། སྤྲུལ་པའི་སྐུ་ཡང་སྐུ་གསུང་ཐུགས། ཡོན་ཏན་འཕྲིན་ལས་ལྔ་ཡིན་ནོ། སྐུ་ནི་མཚན་དང་དཔེ་བྱད་ལ། གདུལ་བྱ་གང་འདུལ་ལུས་སྤྲུལ་པ། གསུང་ནི་ཚིག་སྦྱོར་ལེགས་པ་ལ། ཚངས་པའི་དབྱངས་ནི་ཡན་ལག་དྲུག་ཐུགས་ནི་ཤེས་བྱའི་ཡེ་ཤེས་ཀྱིས། རང་གཞན་དོན་གཉིས་དགོངས་པར་གནས། ཡོན་ཏན་མཁྱེན་པ་རྫོགས་པ་དང་། འཕྲིན་ལས་ཕྱི་ནང་གསང་བ་ཡི། མཛད་པ་མ་ལུས་རྫོགས་པ་དང་། །ཕུན་སུམ་ཚོགས་པ་ལྔར་གནས་སོ། ཞེས་གསུངས་སོ།
- language:
- Tibetan