- kong sprul yon tan rgya mtsho/
- ID:
- T3338
- ཀོང་སྤྲུལ་ཡོན་ཏན་རྒྱ་མཚོ (Tibetan, Tibetan script, Original)
- > kong sprul yon tan rgya mtsho/ (Tibetan, Latin script, Transliteration-THL Extended Wylie Transliteration)
- > kongtrül yönten gyamtso (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
Kongtrül Yönten Gyatso, [1813-1899] great Rimey master and composer of the Five Treasuries. མཛོད་ལྔ་
- language:
- English
2. Ives Waldo Dictionary
kongtrul yonten gyatso, [1813-1899) great rimey master and composer of the five treasuries མཛོད་ལྔ་ mtshan gzhan gar dbang blo grosmtha' yas ni rab byung bcu bzhi pa'i chu byar mdo khams 'bri zlazal mo sgang gi pad ma lha rtse'i mdun rol rong rgyab sbas pa'iyul du sku 'khrungs, khong gis rin chen gter mdzod dang, gdamsngag mdzod, bka' brgyud sngags mdzod rnams bsgrigs par mdzadcing, shes bya mdzod dang, thun min gsang ba'i mdzod brtsams padang gter nas bton pa bcas mdzod chen lnga dang, de 'brel smandang gtam tshogs sogs gsung thor bu sna tshogs bcas po ti brgya lanye ba zhig rtsom sgrig mdzad, rab byung bco lnga pa'i sa phaglor 'das]
- language:
- English
3. bod rgya tshig mdzod chen mo
[32] མཚན་གཞན་གར་དབང་བློ་གྲོས་མཐའ་ཡས་ནི་རབ་བྱུང་བཅུ་བཞི་པའི་ཆུ་བྱར་མདོ་ཁམས་འབྲི་ཟླ་ཟལ་མོ་སྒང་གི་པད་མ་ལྷ་རྩེའི་མདུན་རོལ་རོང་རྒྱབ་སྦས་པའི་ཡུལ་དུ་སྐུ་འཁྲུངས། ཁོང་གིས་རིན་ཆེན་གཏེར་མཛོད་དང། གདམས་ངག་མཛོད། བཀའ་བརྒྱུད་སྔགས་མཛོད་རྣམས་བསྒྲིགས་པར་མཛད་ཅིང། ཤེས་བྱ་མཛོད་དང། ཐུན་མིན་གསང་བའི་མཛོད་བརྩམས་པ་དང་གཏེར་ནས་བཏོན་པ་བཅས་མཛོད་ཆེན་ལྔ་དང། དེ་འབྲེལ་སྨན་དང་གཏམ་ཚོགས་སོགས་གསུང་ཐོར་བུ་སྣ་ཚོགས་བཅས་པོ་ཏི་བརྒྱ་ལ་ཉེ་བ་ཞིག་རྩོམ་སྒྲིག་མཛད། རབ་བྱུང་བཅོ་ལྔ་པའི་ས་ཕག་ལོར་འདས། ...
- language:
- English
4. dung dkar bod rig pa'i tshig mdzod chen mo
མཚན་གཞན་འཇམ་མགོན་ཀོང་སྤྲུལ་རིན་པོ་ཆེ། ཡོན་ཏན་རྒྱ་མཚོ་བློ་གྲོས་མཐའ་ཡས། པདྨ་གར་དབང་འཕྲིན་ལས་འགྲོ་འདུལ་རྩལ་བཅས་མི་འདྲ་བ་སྣང་། རབ་བྱུང་བཅུ་བཞི་པའི་ཆུ་བྱ(༡༨༡༣)ལོར་མདོ་སྟོད་འབྲི་ཟླ་ཟལ་མོ་སྒང་གི་པདྨ་ལྷ་རྩེའི་མདུན་རོལ་རོང་རྒྱབ་སྦས་པའི་ལྗོངས་སུ་ཡབ་ཁྱུང་རྒྱལ་བསྟན་འཛིན་གཡུང་དྲུང་དང་། ཡུམ་བཀྲ་ཤིས་མཚོའི་སྲས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་བྱིས་པ་གཞན་དང་མི་འདྲ་བའི་མཛད་སྤྱོད་ངོ་མཚར་ཆེ་བ་ཞིག་ཡོད་པ་དང་། བཟོ་དང་གསོ་བ་རིག་པ་སོགས་ཐེངས་རེ་གསན་གཟིགས་བྱུང་བ་ཙམ་གྱིས་མཁྱེན་ཞིང་ཐུགས་རྒྱུད་དྲང་ལ། སྤྱོད་ལམ་ཞི་ཞིང་དུལ་བ། གང་བརྩམས་མཛད་པ་མཐར་འདོན་པ་ལ་ཞུམ་པ་མེད་པ་སོགས་སྐྱེ་བོ་ཕལ་པ་ལས་ཁྱད་དུ་འཕགས་པའི་ཡོན་ཏན་དུ་མ་མངའ་བ་དང་། ཞེ་ཆེན་པཎྜི་ཏ་འགྱུར་མེད་མཐུ་སྟོབས་རྣམ་རྒྱལ། སི་ཏུ་རིན་པོ་ཆེ་པདྨ་ཉིན་བྱེད། འཇམ་དབྱངས་མཁྱེན་བརྩེའི་དབང་པོ་སོགས་གྲུབ་མཐའ་རིས་མེད་ཀྱི་བླ་མ་དགེ་བའི་བཤེས་གཉེན་ལྔ་བཅུ་ལྷག་ཙམ་བསྟེན་ནས་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱིོས་ཆོས་བརྒྱུད་བོད་ཡུལ་དུ་ཡོད་པ་ཡོངས་རྫོགས་གསན་བཞེས་མཛད། གང་གསན་པ་ཐམས་ཅད་ཉམས་ལེན་ལ་འཁྱོལ་བར་གནང་ཞིང་། སློབ་མ་རྣམས་ལ་རང་རང་གི་འདོད་མོས་དང་འཚམས་པའི་ཆོས་བཀའ་རྒྱ་ཆེར་སྤེལ། གསུང་རྩོམ་སྐོར་དཔར་ལ་འཁོད་པ་དང་། མ་འཁོད་པ་ཡོངས་རྫོགས་བསྡོམས་པའི་པོད་དགུ་བཅུ་ལྷག་ཙམ་ཡོད་པའི་ནང་ནས་གཙོ་ཆེ་བ་ནི་མཛོད་ཆེན་པོ་ལྔ་སྟེ། 《ཤེས་བྱ་ཀུན་ལ་ཁྱབ་པའི་མཛོད》དང《གདམས་ངག་རིན་པོ་ཆེའི་མཛོད》《བཀའ་བརྒྱུད་སྔགས་མཛོད》《རིན་ཆེན་གཏེར་མཛོད》《རྒྱ་ཆེན་བཀའ་ཡི་མཛོད》བཅས་ཡིན། གཞན་ཡང་སྔ་འགྱུར་གྱི་གདམས་པ་མང་པོའི་གཏེར་བཞེས་པ་དང་། སྐུ་གསུང་ཐུགས་རྟེན་གསར་བཞེངས་དང་ཉམས་གསོ། དགེ་འདུན་གྱི་སྡེ་མང་པོར་བསྙེན་བཀུར་སོགས་མཛད་འཕྲིན་རྒྱ་ཆེར་བསྐྱངས། དགུང་གྲངས་གྱ་བདུན་བཞེས་པ་རབ་བྱུང་བཅོ་ལྔ་པའི་ཤིང་རྟ(༡༨༩༤)ལོར་དགོངས་པ་གཞན་དོན་དུ་གཤེགས། རྣམ་ཐར་སྐོར་ཁ་བྱང་དུ《ཕྱོགས་མེད་རིས་མེད་ཀྱི་བསྟན་པ་ལ་འདུན་ཞིང་དགེ་སློང་གི་གཟུགས་བརྙན་འཆང་བ་བློ་གྲོས་མཐའ་ཡས་ཀྱི་བྱུང་བ་བརྗོད་པ་ནོར་བུ་སྣ་ཚོགས་ཀྱི་མདོག་ཅན》ཞེས་འཁོད་པ་རང་ཉིད་ཀྱིས་མཛད་པ་ལ་ཤོག་གྲངས༨༣ཡོད་པ་དེར་གསལ།
- language:
- Tibetan
5. smon lam tshig mdzod chen mo
མཚན་གཞན་གར་དབང་བློ་གྲོས་མཐའ་ཡས་ནི་རབ་བྱུང་བཅུ་བཞི་པའི་ཆུ་བྱར་མདོ་ཁམས་འབྲི་ཟླ་ཟལ་མོ་སྒང་གི་པད་མ་ལྷ་རྩེའི་མདུན་རོལ་རོང་རྒྱབ་སྦས་པའི་ཡུལ་དུ་སྐུ་འཁྲུངས། ཁོང་གིས་རིན་ཆེན་གཏེར་མཛོད་དང༌། གདམས་ངག་མཛོད། བཀའ་བརྒྱུད་སྔགས་མཛོད་རྣམས་བསྒྲིགས་པར་མཛད་ཅིང༌། ཤེས་བྱ་མཛོད་དང༌། ཐུན་མིན་གསང་བའི་མཛོད་བརྩམས་པ་དང་གཏེར་ནས་བཏོན་པ་བཅས་མཛོད་ཆེན་ལྔ་དང༌། དེ་འབྲེལ་སྨན་དང་གཏམ་ཚོགས་སོགས་གསུང་ཐོར་བུ་སྣ་ཚོགས་བཅས་པོ་ཏི་བརྒྱ་ལ་ཉེ་བ་ཞིག་རྩོམ་སྒྲིག་མཛད། རབ་བྱུང་བཅོ་ལྔ་པའི་ས་ཕག་ལོར་འདས།
- language:
- Tibetan
6. gangs can mkhas grub rim byon ming mdzod
ཁོང་ནི་རབ་བྱུང་བཅུ་བཞི་པའི་ཆུ་མོ་བྱ་ལོ་སྟེ་སྤྱི་ལོ 1813 ལོར་ཁམས་འབྲི་ཟླ་ཟལ་མོ་སྒང་དུ་ཡབ་ཁྱུང་པོ་བླ་མ་གཡུང་དྲུང་བསྟན་འཛིན་དང་། ཡུམ་བཀྲ་ཤིས་འཚོ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅོ་ལྔ་པའི་ལྕགས་ཕོ་སྟག་ལོ་སྟེ་སྤྱི་ལོ 1890 ལོར་སྐུ་གཤེགས། ཁོང་གིས་ཞེ་ཆེན་པཎ་ཆེན་འགྱུར་མེད་མཐུ་སྟོབས་རྣམ་རྒྱལ་དང་། དཔལ་སྤུངས་སི་ཏུ་པདྨ་ཉིན་བྱེད་དབང་པོ། འཇམ་དབྱངས་མཁྱེན་[62]བརྩེ་དབང་པོ་སོགས་རིས་མེད་བླ་མ་ལྔ་བཅུ་ཙམ་བསྟེན་ནས་ཕྱི་ཐ་སྙད་རིག་པ་དང་། ནང་མདོ་རྒྱུད་གསར་རྙིང་གི་བསྟན་བཅོས། གསང་བ་མན་ངག་ཉམས་ཁྲིད་ཕྱག་བཞེས་དང་བཅས་པ་རྣམས་ལ་ཐོས་པས་མཐའ་རྒྱ་བཅད། བསམ་པས་གཏན་ལ་ཕབ། སྒོམ་པས་ཉམས་སུ་བླངས་ཏེ་ཇི་ལྟ་ཇི་སྙེད་ཀྱི་མཁྱེན་པའི་ཡེ་ཤེས་མངོན་དུ་གྱུར། གདུལ་བྱ་རང་རང་གི་མོས་བློ་དང་འཚམས་པར་སྒྲ་ཀཱ་ཙན་དབྱངས་གསུམ་དང་། སུམ་རྟགས་དག་གསུམ། གསོ་རིག་རྒྱུད་བཞི། སྐར་རྩིས་ནག་རྩིས། སྙན་ངག་མངོན་བརྗོད་སྡེབ་སྦྱོར་སོགས་ཐ་སྙད་རིག་གནས་ཀྱི་སྐོར་དང་། གཞུང་ཆེན་བཅུ་གསུམ། སྒྱུ་འཕྲུལ་གསང་རྙིང་། ནཱ་རོ་ཆོས་དྲུག སྦྱོར་དྲུག་སོགས་མདོ་སྔགས་ཀྱི་གཞུང་ལུགས་འཆད་ཉན་མཛད་ནས་སྐལ་ལྡན་གྱི་བུ་སློབ་རྣམས་བསྐྱངས་ཤིང་སྐུ་ཚེ་འདའ་བར་མཛད། ཁོང་ནི་ཀོང་སྤྲུལ་གྱི་སྐུ་ཕྲེང་དང་པོ་ཡིན། ཁོང་གི་སློབ་མ་གྲགས་ཆེ་བ་ནི་ཀརྨ་སྐུ་འཕྲེང་བཅུ་བཞི་པ་ཐེག་མཆོག་རྡོ་རྗེ་དང་། བཅོ་ལྔ་པ་མཁའ་ཁྱབ་རྡོ་རྗེ། འཇམ་དབྱངས་བློ་གཏེར་དབང་པོ། མི་ཕམ་འཇམ་དབྱངས་རྣམ་རྒྱལ། བྲག་གཡབ་གདོང་སྤྲུལ་ངག་དབང་དམ་ཆོས་རྒྱ་མཚོ་བཅས་ཡིན། ཁོང་གི་གསུང་རྩོམ་ནི་《བཀའ་བརྒྱུད་སྔགས་མཛོད》དང་། 《རིན་ཆེན་གཏེར་མཛོད》། 《གདམས་ངག་མཛོད》། 《གསང་བའི་མཛོད》། 《ཤེས་བྱ་མཛོད》བཅས་མཛོད་ཆེན་ལྔས་མཚོན་པོ་ཏི་དགུ་བཅུ་ཙམ་བཞུགས་སོ།།
- language:
- Tibetan