Skip to main content Skip to search
nes lung zhabs drung bstan 'dzin mchog ldan tshul khrims rgya mtsho
ID:
T272570
  • ནེས་ལུང་ཞབས་དྲུང་བསྟན་འཛིན་མཆོག་ལྡན་ཚུལ་ཁྲིམས་རྒྱ་མཚོ (Tibetan, Tibetan script, Original)
    • > nes lung zhabs drung bstan 'dzin mchog ldan tshul khrims rgya mtsho (Tibetan, Latin script, Transliteration-THL Extended Wylie Transliteration)
    • > nelung zhapdrung tendzin chokden tsültrim gyatso (Tibetan, Latin script, Transcription-THL Simplified Tibetan Transcription)
Other Dictionaries

Other Dictionaries

1. gangs can mkhas grub rim byon ming mdzod

ཁོང་ནི་རབ་བྱུང་བཅུ་བཞི་པའི་ལྕགས་ཕོ་སྟག་ལོ་སྟེ་སྤྱི་ལོ 1830 ལོར་སྒོ་མེ་ནེས་ལུང་ཚོ་བའི་ནང་དུ་དོན་གྲུབ་ཀྱི་ཁྱིམ་ཚང་དུ་ཡུམ་གཟུངས་ཐར་སྐྱིད་ཀྱི་སྲས་སུ་སྐུ་འཁྲུངས། རབ་བྱུང་བཅོ་ལྔ་པའི་མེ་མོ་ཕག་ལོ་སྟེ་སྤྱི་ལོ 1887 ལོར་སྐུ་གཤེགས། ཁོང་དགུང་ལོ་བདུན་པར་མགོན་ཀྱཱ་ཆོས་རྗེ་བསྟན་འཛིན་རྒྱ་མཚོས་སྐུ་གོང་མ་ནེས་ལུང་ངག་[932]དབང་ཆོས་གྲགས་རྒྱ་མཚོའི་ཡང་སྲིད་དུ་ངོས་འཛིན་མཛད་དེ་མཆོད་རྟེན་སྐེས་དགོན་པའི་གདན་སར་བཀོད་ཅིང་དགའ་སྟོན་རྒྱས་པར་མཛད། དགེ་བཤེས་སྦྱིན་པ་རྒྱ་མཚོ་ཀློག་གི་སློབ་དཔོན་དུ་བསྟེན་ནས་ཡི་གེའི་སྦྱོར་ཀློག་དང་ཆོས་སྤྱོད་བཅས་ལ་བྱང་བར་སྦྱངས། མགོན་ཀྱཱ་མཁན་ཆེན་ལས་དགེ་བསྙེན་དང་། རབ་བྱུང་དགེ་ཚུལ་རྣམས་རིམ་གྱིས་བསྒྲུབས་པར་མཛད། དགུང་ལོ་བཅོ་ལྔ་པར་སྐུ་འབུམ་དགོན་གྱི་དཔལ་ལྡན་བཤད་སྒྲུབ་གླིང་གི་ཆོས་སྒོར་ཞུགས་ཤིང་བཀའ་པོད་ལྔའི་གཞུང་ལུགས་དྲི་མ་མེད་པའི་རིགས་ལམ་ལ་གོ་བ་གཏིང་ཕྱིན་པའི་ཐུགས་གཉེར་ཁྱད་ཐོན་གནང་། དེ་ནས་དཔལ་ལྡན་གསང་སྔགས་རྒྱུད་པ་གྲྭ་ཚང་གི་ཆོས་སྒོར་ཞུགས་ཏེ་རྒྱུད་སྡེ་བཞིའི་ལམ་གྱི་རིམ་པ་ལ་སྦྱངས་པ་རྨད་དུ་བྱུང་། རྒྱུད་པའི་བླ་མ་དབུ་མཛད་ཀྱི་གོ་སར་བཞུགས་ཤིང་འགྲིག་ལམ་ལ་ལྟ་རྟོག་གང་དྲག་མཛད། སྨན་པ་དཔོན་སློབ་དང་། རྒྱུད་པ་མཁན་པོའི་ཁྲི་ལ་རིམ་བཞིན་ཕེབས་ཏེ་ཆོས་སྲིད་གཉིས་ཆར་གྱི་སྒོ་ནས་དོ་དམ་ལྷུར་བཞེས་མཛད། སྐྱབས་རྗེ་ཤིང་བཟའ་རྡོ་རྗེ་འཆང་དང་། གྲུབ་དབང་རྡོ་རྗེ་འཆང་གི་མདུན་ནས་མི་ཏྲ་རྡོར་ཕྲེང་ལ་སོགས་པའི་ཆོས་བཀའ་མང་དུ་གསན། དེ་ནས་རྒྱ་ནག་རི་བོ་རྩེ་ལྔ་དང་། དར་ཧན་བཱི་ལི། ཨ་བ་གྷ་སོགས་སུ་ཕེབས་ཏེ་གདུལ་བྱ་མང་པོ་སྨིན་གྲོལ་ལ་བཀོད། དགུང་ལོ་ཞེ་བརྒྱད་པ་རབ་བྱུང་བཅོ་ལྔ་པའི་མེ་མོ་གླང་ལོ་སྟེ་སྤྱི་ལོ 1877 ལོར་སྐུ་འབུམ་དགོན་གྱི་གདན་སའི་ཁྲི་ལ་ཕེབས་ཤིང་ལོ་ངོ་གསུམ་གྱི་རིང་དུ་གདན་ས་བསྐྱངས། ཁྲི་ཟུར་ནས་ཡུན་རིང་དུ་མ་འགོར་བར་གསང་སྟབས་ཀྱིས་སོག་ཡུལ་དུ་བྱོན་ཏེ་[933]རང་གཞན་གྱི་ལེགས་ལམ་གོང་འཕེལ་གཏོང་མུར། དགུང་ལོ་ལྔ་བཅུ་ང་བརྒྱད་པར་དགོངས་པ་ཆོས་དབྱིངས་སུ་གཤེགས། ཁོང་ནི་སྐུ་འབུམ་དགོན་གྱི་གདན་རབས་ཁྲི་ཆེན་དྲུག་ཅུ་རེ་ལྔ་པ་ཡིན་ནོ། །

language:
Tibetan